Skip to main content

Proposal to Reform the United Nations

Proposal to Reform the United Nations     Preamble It is obvious that the current United Nations is not democratic and fair because it is effectively controlled by the five States which have the veto power.   Even to amend it to become a better democratic global institution is impossible because the Security Council stops such process.   This situation must be stopped at any cost. The vast majority of the Member states are deprived of their equitable place and dignity in this present system. Therefore, they must be prepared to be brave and smart enough to re-form a new United Nations, if the existing system is not willing to be reformed in better and democratic way.     1.      A new UN Charter should be adopted based on the current Charter with amendments to include the proposed changes herewith.     2.      The functional and administrative organizational hierarchy should be as follows.   3.      The General Assembly (UNGA) shall be made the apex body of the UN, and all other arms/of

අරගලයේ දිශානතිය

සංවේදී පරිසර පද්ධති තම හිතවතුන්ට පවරා දීමට එරෙහිවත්, අලි කලමනාකරණ ගැටලු නිසත් රට තැනින් තැන හටගත් විරෝධතා පසුව කාබනික පොහොර ගැටලුවත් ඉන්පසුව ආහාර ද්‍රව්‍ය හා අත්‍යවශ්‍ය භාණ්ඩ සපයා ගැනීමට නොහැකියාව නිසා හටගත් ජන විරෝධතා පසුව සිටින මජර දූෂිත දේශපාලුවන් පන්නා දමන අරගලයක් බවට ඉබේම පත් විය. එම අරගලය සිස්ටම් චේන්ජ් එකක් ඉල්ලා සිටින තත්වයට පත් වීම සතුටුදායක වේ.

රටක කලාතුරකින් තමයි මෙලෙස අර්බුද මැද රටට අවශ්‍ය ප්‍රතිසංස්කරණ ඉල්ලා සිටීමට ජනතාව පෙල ගැසෙන්නේ. අපේ ජීවිත කාලය තුල නැවත මෙවැනි තත්වයක් නැවත ඇති නොවේ යැයිද සිතේ. එනිසා මෙම අවස්ථාවේදී රටට අවශ්‍ය සියලු ප්‍රතිසංස්කරණ කිසිදු අඩුවකින් තොරව ලබා ගැනීමට ශ්‍රී ලාංකික අපි සබුද්ධික මෙන්ම අධිෂ්ඨානශීලි විය යුතුය.

මේ සියලු කාරණා මැද විවිධ අංශ ඔස්සේ විවිධ දේශපාලන කුමන්ත්‍රණත් මතු වෙමින් පවතී. රටට සමස්ථ සිස්ටම් චේන්ජ් එකක් සමඟ සමාජ ආර්ථික දේශපාලන ප්‍රතිසංස්කරණ අතිදැවැන්ත ලෙස හඳුන්වාදීමටද මිනිසුන් උත්සුක විය යුතුය. ඒ සඳහා ස්වර්ණමය අවස්ථාව මෙයයි.

මෙම “අරගල“වලදී ඇසෙන ප්‍රබලතම සටන් පාඨය වන්නේ ජනපතිටත්, රාජපක්ෂවරුන්ටත්, පාර්ලිමේන්තුවේ සිටින 225ටමත් ගෙදර යන්න කියාය. 225 දෙනාම ගෙදර යෑම කෙසේ වෙතත්, ජනපති හා රාජපක්ෂවරු ගෙදර යෑම අනිවාර්යෙන්ම බලාපොරොත්තු වේ. එහෙත් ජනපති කූඩැල්ලකු සේ තනතුර අත් නොහැර රටේ සාරය උරා බොමින් තවමත් සිටී. එනිසා විවිධ පාර්ශව නියමින් හා අනියමින් ජනපති රැක ගන්නට ඉදිරිපත් වී ඇත.

මහා නාහිමිවරුන්ගේ යෝජනාව කිසිසේත් අපට පිලිගත නොහැකිය. උන්වහන්සේලා යෝජනා කරන්නේ අගමැති ප්‍රමුඛ අමාත්‍ය මණ්ඩලය ඉල්ලා අස් වී පාර්ලිමේන්තුවේ සිටින බොහෝ පක්ෂවල නියෝජිතයන් ඇතුලත් අන්තර්වාර ආණ්ඩුවක් ඇති කරන ලෙසයි. එහිදී ජනපතිට ඉවත් වෙන්න කියා කියන්නේ නැත. ජනපති එලෙසම එම තනතුරේ සිටිනු ඇත. එහෙත් මහා නාහිමිවරුන් දත යුතුයි සමස්ථ පුරවැසියා ඉල්ලා සිටින්නේ ජනපතිටත් ගෙදර යන්න කියා බව. එනිසා එම යෝජනාව කුනු බක්කියටම විසි කල යුතුය. 

සුපුරුදු ලෙස මහා නාහිමිවරු ඊනියා සිංහල බෞද්ධ නායකයා රැක ගන්නට කුමන්ත්‍රනකාරී ලෙස ගත් තීන්දුවක් ලෙස මා එය දකිනවා. උන්වහන්සේලා අවංක නම් පලමුව කල යුත්තේ උන්වහන්සේලා විසින් රාජපක්ෂවරුන්ට පිදූ ගරු නම්බු ඉවත් කිරීමයි. එහෙත් එවැනි ඍජු ප්‍රතිපත්ති කිසිදා එතුමන්ලා ගනීවි යැයි සිතිය නොහැකිය. රටට කෙලවන තුරුම හුරතල් තරවටු කිරීම් හැරුනු විට වෙන කිසිවක් උන්වහන්සේලා කලේ නැති බව අපට මතකයි. එනිසාම කතෝලික කාඩිනල්ට ගරු කරන්නට සිංහල බෞද්ධ බොහෝ පිරිසක් පෙලඹුනි.

ඉන්පසු නීතිඥ සංගමයේ (බාර් ඇසෝෂියේෂන්) යෝජනා ගැන බලමු. බැලූබැල්මට අරගලකරුවන් ඉල්ලා සිටින යෝජනා ලෙස පෙනුනත් එම යෝජනාවලින්ද කර තිබෙන්නේ ජනපති රැක ගැනීම පමනයි. එම යෝජනාවල හරයද මහා නාහිමිවරුන්ගේ යෝජනාම වේ. අගමැතිට ඉල්ලා අස්වෙන්න කියා අන්තර්වාර ආන්ඩුවක් ඇති කල යුතු බව කියයි. එහෙත් එහි සීනි බෝල ටොපියක්ද ඇත. එනම් විධායක ජනාධිපති දුරය අහෝසි කරන ලෙස ඉල්ලා සිටියි. මිනිසුන්ට එහිදී බැලූ බැල්මට දැනෙන්නේ ජනපති දුරයද ඉවත් කර අගමැතිද ඉවත් කර දමන බවකි. එනම් අරගලකරුවන් ඉල්ලා සිටින දේ ලෙස පෙනේ. 

එහෙත් ඇත්තටම විධායක ජනපති දුරය රජයේ තීන්දුවකින් වෙනස් කල නොහැකියි. අඩුම ගානේ පාර්ලිමේන්තුවේ තුනෙන් දෙකක බහුතරයටවත් එය අහෝසි කළ නොහැකිය. ඒ සඳහා ජනමත විචාරයක් අවශ්‍ය වේ. එහෙත් මේ වෙලාවේ ජනමත විචාර හෝ මැතිවරන පවත්වන්නට ඔවුන් (හා බොහෝ දෙනා) යෝජනා කරන්නේ නැත. බාර් එක මැතිවරනයක් යෝජනා කරන්නේ තව මාස 18කට පසුය. එවිට කොහොමත් මැතිවරණයක් එන කාලයයි. එම මැතිවරනයෙන්ද ජනපති ඉවත් නොවේ. ජනපති ඉවත් වන්නේ ඔහුගේ නිල කාලය සපුරා ඉවර වීමෙනි. ඒ අනුව බාර් එක කියන්නේ ගෝටාභය තම දුර කාලය ඉවර වන තෙක් එම තනතුරේ තබා ගත යුතු බවම තමයි. බාර් එක කොලේ වසා ගේමක් ගසන බව පෙනේ.

තවද බාර් එක යෝජනා කරන ව්‍යවස්ථා ප්‍රතිසංස්කරණ තව මාස 18කින් ගෙන ආ යුතු ඒවාය. එහෙත් ලංකාවේ මජර දේශපාලුවෝ මෙම උනුසුම පහව ගියාට පසුව සුපුරුදු ලෙසම රට පසෙකලා තමන් ගැන සිතන්නට පටන් ගනීවි. අතීතයේ සිටි බොහෝ පාලකයන් ඉදිරියේදී කරන්නට දුන් පොරොන්දු අපට තවම මතකයි. එනිසා, කරන ප්‍රතිසංස්කරණයක් මෙම කාලය තුලම ලබා ගත යුතුය පසුවට කල් නොදමා.

අපි අරගල කරන කොල්ලො කෙල්ලො ගැනත් විමසමු. ඔවුන් කරන කැපවීම ඉතා ප්‍රසංසනීය වේ. එහෙත් දැන් කාලයක් මුලුල්නේ එම සටන් මෙහෙයවන අන්තරේ ඇතුලු කන්ඩාම්වල නියමුවන් මාධ්‍ය ඉදිරියේ කරන ප්‍රකාශ සමහරක් පරස්පරයි. ආසන්නතම සිදු වීම ලෙස ඊයේ දිනයේ අන්තරේ හා එම තරුන පිරිස පැවැත්වූ මාධ්‍ය සාකච්ඡාවේ පල වූ අදහස් ගත හැකිය. 

එක නියමුවකු පැවසුවේ අගමැති ඉවත් වුවොත් කල යුතු දේත් ජනපති ඉවත් වුවොත් කල යුතු දේත් ව්‍යවස්ථාවේ පැහැදිලිව සටහන් කර තිබෙන බවත් එනිසා රට අරාජික නොවන බවත්ය. මෙය ඇත්තටම බොලඳ කතාවකි. ඔවුන්ගේ ප්‍රබලතම සටන් පාඨය වනුයේ 225ම එපා කියාය. එනම් පාර්ලිමේන්තුව එපා කියාය. එවිට ජනපති ගියොත් අගමැති ගියොත් කල යුතු දේ ව්‍යවස්ථාවේ සඳහන් වූවාට වැඩක් නැත මොකද එම කල යුතු දේ ක්‍රියාවට නංවන්නේ පාර්ලිමේන්තුව හරහා නිසාය. එවිට අර එපැයි කී 225 අවශ්‍ය වේ. ඇත්තටම මෙම තත්වය සමනය කිරීමට ක්‍රමයක් නැත. එක්කෝ 225ම එපා කියන සටන් පාඨය ඉල්ලා අස් කර ගැනීමට සිදු වේ. නැතහොත් ජනපතිට ඉල්ලා අස් වීමට බල නොකල යුතු වේ. මෙම උභතෝකෝටික ප්‍රශ්නයෙන් ගොඩ ආ හැකි එකම ක්‍රමය අප දැන් මාසයක් තිස්සේ පෙන්වා දෙමින් සිටියත් එම අදහස තවම සමාජගත නොවී තිබීම කනගාටුදායකය.

අරගල භූමියේ සිටින පිරිස හා එහි තරුන නියමුවන් අඩුම ගානේ ව්‍යවස්ථාව දැකවත් නැතිවාට සැක නැත. එනිසා ඔවුන් අවම වශයෙන් මේ ගැන අධ්‍යනයක් කල යුතුය. කාගෙන් හරි “කුප්පියක් වත් දා ගත“ යුතුය.

තරුන පිරිස පමනක් නොව විවිධ කතිකවල කාලයක් තිස්සේ නියැලුනු නීතිඥයන් පවා මෙම ප්‍රශ්නය මඟ හරී. මා කිහිප වතාවක්ම දුටුවා මාධ්‍ය විසින් ඒ ගැන ප්‍රශ්න කරන විට, ඔවුන්ටද කට උත්තර නැතිව යනවා. ඒ අනුව ආන්ඩු විරෝධය නිසා ජනපතිට හා අගමැතිට ගෙදර යන්නට කිව්වත් ඉන්පසු කල හැක්කේ කුමක්දැයි ඔවුනටද හැඟීමක් නැත.

පෙරටුගාමී පක්ෂයේ අධ්‍යාපනික ලේකම් (මට මතක විදියට) විසඳුමක් ලෙස යෝජනා කළා ජනසභා පිහිටුවීමක් වැනි අදහසක්. ඒ කියන්නේ ජනපති හා ආන්ඩුවට සමාන්තරව ජනසභා වැනි විධායක මණ්ඩල පත් කර, ආණ්ඩුකරණය සිදු කිරීමක් ගැන. මෙයද කිසිසේත් කල නොහැකියි හේතු කිහිපයක් නිසා. මා දුටු පරිදි ඔවුන්ගේ මෙම සභා ව්‍යවස්ථාපිත සභා නොව, නිකංම සම්මුතික සභා වේ. ඒවාට නෛතික බවක් නොලැබෙනු ඇත. එනිසා මෙම උනුසුම පහව යන තෙක් ජනපති ඇතුලු ආන්ඩුව රංගනයේ යෙදෙමින් (හරියට ජනපති පත් වී මහා මැතිවරනය ඉවර වන තෙක් සිදු කල රඟපෑම වගේ. මතකද එම කාලය තුල ජනපතිගේ විනය?) එම සභා සමග සහයෝගයෙන් වැඩ කල හැකි වුවත්, ඉතාම කෙටි කලකින් එම සභාද වාෂ්ප වනු ඇත.

එවිට එම සභා ව්‍යවස්ථාපිත කලොත් හරි යයිද? නැත. මක්නිසාද යත් ජනපතිගේ හා ආන්ඩුවේ බලතල ප්‍රබල ලෙස කැපීමට ව්‍යවස්ථා සංශෝධනයක් ගෙන ආවත් එය ජනමත විචාරයකට තුඩු දේ. එනිසා එයද ගත් නැනම ලොප් වනු ඇත.

තවද, දැනට පවතින ක්‍රමවේදය හරහා පාර්ලිමේන්තුව තුලින් රටට අවශ්‍ය හොඳම ව්‍යවස්ථා සංශෝධනය කොහේත්ම ලබා ගත නොහැකියි. ඊට එක් හේතුවක් ඉන්දියාව අපට කරන බලපෑමයි. එම බලපෑමේ තරම අප ඊයේ දුටුවා ඉන්දියානු පාලක පක්ෂයේ ජ්‍යෙෂ්ට නායක කල ප්‍රකාශයෙන්. ලංකාවට ඉන්දියානු බලු හමුදාව එවීමට ඌ යෝජනා කරයි. Fucking Indian political bastards must know this is not a state of India. We the people of Sri Lanka actually are very ashamed that Sri Lanka's incapable spineless corrupt rulers are begging India and other countries for that matter for dollars. ඉතිං ඉන්දු ලංකා ගිවිසුම වැනි තත්වයන් ඉදිරියටත් පවතීවි.

එනිසා රටට අවැසි හොඳම දේ නම් අරගලය ජනතා විප්ලවයක් දක්වා ඔසවා තැබීමයි. 

විප්ලවය ගිය ශතවර්ෂවල සිදු වූ ආකාරයේ ම්ලේච්ඡ විය යුතු නැත. අද අරගලද සාමකාමී වේ. එලෙසම විප්ලවයද සාමකාමීව සිදු කල හැකියි. ඇත්තටම හමුදාපති රටට ආදරයක් ඇති අයකු නම් මේ මොහොතේ දූෂිත පාලකයා රැකීමට නොව ජනතාව පැත්තට ආ යුතුය. එවිට එකඳු ලේ බිඳක් නොසොලවා විප්ලවය ජය ගත හැකියි. ජනපතිද රටට බිඳක් හෝ ආදරයක් ඇති නම් විප්ලවයකින් බලය හුවමාරු කිරීමට “කුමන්ත්‍රන කල“ යුතුයි. 

විප්ලවයකින් අපට කිසිදු රටක මැදිහත් වීමකින් තොරව ඉතාම ඉක්මනින් (සති කිහිපයකින් වුව) නව ආණ්ඩුක්‍රම ව්‍යවස්ථාවක්ද ඇතුලු ප්‍රතිසංස්කරණ හඳුන්වා දිය හැකියි. විප්ලවයකින් පසුව අපට පාර්ලිමේන්තුව හෝ පවතින නීති රාමුව වැඩක් නැත. කෙලින්ම අපේම ව්‍යවස්ථාවක් ජනතාවට ඉදිරිපත් කල හැකියි ජනමත විචාරයකට. විප්ලව නායකයන්ව බ්ලැක්මේල් කිරීමට හෝ යටත් කර ගැනීමට විදේශ බලවේගවලට බැරිය.

එහෙත් විප්ලවය සිදු කිරීමට තව පියවර කිහිපයක් ගත යුතුයි. එනම්, විප්ලවයෙන් බලය හුවමාරු කිරීමට විප්ලවකරුවන් ඉදිරිපත් කරන පාලක මන්ඩලයක් දැන් තෝරා ගත යුතුය. හැම කොල්ල කුරුට්ටටම රටේ පාලනය අතට ගන්නට බැහැනෙ. ඒ ගැන දැනුමක් තිබෙන අදූෂිත බුද්ධිමත් පිරිසක් ඉදිරිපත් කල යුතුය. එහෙත් අපේ අරගලකරුවන් තවම එකමුතු නැත. ඔවුන් අතරද විවිධ බෙදීම් පවතිනවා. ඔවුන් සියල්ලන්ම ආන්ඩු විරෝධි මතයේ සිටී නම්, අවම එකඟතා යටතේ වුව එකමුතු විය යුතුය. ඉන්පසු මිලියන ගනනක ජන ගඟක් අගනුවර වටලා ජනපති නිවාස අඩස්සියට පත් කල යුතුය. හමුදාව ජනතාවගේ පැත්තට එන්නේද එවිටය. හමුදා භටයාටද දැනිය යුතුයි විප්ලවය අද ජය ගන්නවා කියා. එවිට හමුදාව ජනතාව පැත්තේ සිට ගනු ඇත. හමුදා බලය නැති වූ තත්පරයේම ජනපතිගේ බලය නැති වේ. ඔහු නිකංම පුස්සක් බවට පත් වේ.

මේ ආදි ලෙස කල හැකි සටනකි මෙය. එහෙත් විප්ලව යන වචනයට බොහෝ අය බිය වෙති. විප්ලව නීතිමය පිලිගැනීමක් සහිත දෙයක් බව ඔවුන් නොදනී. ඉහත අප සාකච්ඡා කල විසඳුම් නැති විසංවාදී තත්වයන් සියල්ලම ඉවත් කල හැක්කේ විප්ලවයෙන් පමනි. රටට අවශ්‍ය ව්‍යවස්ථාවක් අප විසින්ද සාදා ඉදිරිපත් කර ඇත. ඊට අමතරව විද්‍යුත් රාජ්‍යකරණය, පරිසරය, අධ්‍යාපනය, පර්යේෂණ, ආදි නොයෙක් ක්ෂේත්‍ර කෙරෙහි බොහෝ ප්‍රතිසංස්කරණද අප සතුව ඇත. එලෙසම තවත් රටට ආදරය කරන බුද්ධිමත් පිරිස් සතුව එවැනි අදහස් හා යෝජනා තිබෙනවාට සැක නැත. එනිසා මේ සියල්ලම කැටි කොට ලස්සන රටක් වෙනුවෙන් ජනතා විප්ලවය තවත් ප්‍රමාද නොකොට ඇරඹිය යුතුය!

අවසාන වශයෙන් මෑතදී සිදු වූ පොදු ජනයාගේ ඇවිස්සීම ගැනත් නාකි මයිනාගේ ඉවත් වීම ගැනත් දෙයක් පවසන්නට කැමතියි. මා ඊට ප්‍රචණ්ඩත්වය යැයි නොකියමි. ත්‍රස්ථවාදි යුද්ධයකදී සටන් කර ත්‍රස්තයන් විනාශ කිරීම වරදක් හෝ ප්‍රචන්ඩත්වයක් ලෙස අප කියන්නේ නැහැනෙ. එලෙසම අධාර්මික පාලකයන් හා උන්ගේ දුෂ්ට පරිවාරයට දඬුවම් කිරීම ප්‍රචණ්ඩත්වය නොවේ. ඇත්තටම සාමකාමි උද්ඝෝෂනයට වටිනාකමක් එකවර ලැබුනේද මේ පොදු ජනයාගේ ඇවිස්සීමෙනි. එය අප විසින් පිලිගත යුතු වේ. තම දිවි පරදුවට තබා එලෙස නැඟී සිටි මහා ජනයාට අපේ ආදරනීය ප්‍රනාමය!

මයිනා අස් වූයේ කුමන්ත්‍රනයක් ලෙස යැයි මා සිතනවා. එනම්, ජනපති බේරා ගෙන රාජපක්ෂ සනුහරේට ඇති විය හැකි නීති හා වෙනත් සමාජ ක්‍රියාදාමයක් වලක්වා ගත හැකියි යන පදනමින් තමයි එය සිදු කලේ. එය ඇත්තටම ජයග්‍රහයනයක් නොවේ. අවශ්‍ය නම් හෙට ආයෙත් ඌම පත් වේවි හරියට නියෝජ්‍ය කතානායක පත් වූවා සේ. ව්‍යවස්ථාවෙන් ලැබෙන දෙයක් හැරෙන්නට අන් කිසිවක් ජයග්‍රහන නොවේ. ඒවා අපේ සිත් සතුටු කරන ඇස්බැන්දුම් පමනි.

 


Comments

Popular posts from this blog

දන්නා සිංහලෙන් ඉංග්‍රිසි ඉගෙන ගනිමු - පාඩම 1

මෙම පොත (පාඩම් මාලාව) පරිශීලනය කිරීමට ඔබට එදිනෙදා සිංහල භාෂාව භාවිතා කිරීමේ හැකියාව හා සාමාන්‍ය බුද්ධිය පමණක් තිබීම අවම සුදුසුකම ලෙස මා සලකනවා.  තවද, ඇසෙන පරිදි ඉංග්‍රීසි අකුරින් ලිවීමට හැකිවීම හා ඉංග්‍රීසියෙන් ලියා ඇති දෙයක් කියවීමට හැකි නම්, ඔබට මෙතැන් සිට මෙම පාඩම් මාලාව කියවා ඉගෙන ගත හැකිය.  ඔබට එසේ ඉංග්‍රීසි කියවීම හා ලිවීම ගැන දැනීමක් දැනටමත් නොමැත්තේ නම්, කරුණාකර මෙ‍ම පොතෙහි “අතිරේකය - 1 ”  බලා පළමුව එම හැකියාව ඇති කරගන්න.  තවද, හැකි පමණ ඉංග්‍රීසි වචනද පාඩම් කරගන්න. ඔබ හිතවතෙකුගේ නිවසකට හෝ වෙනත් පිටස්තර තැනකට යන විටෙක හැසිරෙන්නේ ඔබට අවශ්‍ය විදියටම නෙමේ නේද?  එනම්, පිට නිවසකට ගිය විට අහවල් පුටුව තිබෙන තැන හරි නැහැ, අහවල් එක මෙහෙම තිබෙන්නට ඕනෑ ආදී ලෙස ඔවුනට පවසන්නේ නැහැ, මොකද අප සිටින්නේ අනුන්ගේ තැනක නිසා.  එලෙසම, ඉංග්‍රීසි භාෂාව යනු සිංහල නොවේ.  ඔබ කැමැති වුවත් නැතත් ඉංග්‍රීසි ඉගෙනීමේදීද අප ඉංග්‍රීසි ව්‍යාකරණ රීති හා රටා එපරිද්දෙන්ම උගත යුතුය.  එනම්, සෑම සිංහල වගන්ති රටාවක්ම ඉංග්‍රීසියට ඔබ්බන්නට නොව, ඉංග්‍රීසියේ ඇති රටා ඔබ දන්නා සිංහල භාෂාව තුළින් ඉගෙනීමට උත්සහ කළ යුතුය. 

කතාවක් කර පොරක් වන්න...

කෙනෙකුගේ ජීවිතය තුල අඩුම වශයෙන් එක් වතාවක් හෝ කතාවක් පිරිසක් ඉදිරියේ කර තිබෙනවාට කිසිදු සැකයක් නැත. පාසැලේදී බලෙන් හෝ යම් සංගම් සැසියක හෝ රැස්වීමක හෝ එම කතාව සමහරවිට සිදු කර ඇති. පාසලේදී කතා මඟ හැරීමට ටොයිලට් එකේ සැඟවුනු අවස්ථාද මට දැන් සිහිපත් වේ. එහෙත් එදා එසේ කතා මඟ හැරීම ගැන අපරාදේ එහෙම කළේ යැයි අද සිතේ. යහලුවන් ඉදිරියේ "පොර" වෙන්න තිබූ අවස්ථා මඟ හැරුණේ යැයි දුකක් සිතට නැඟේ. ඇත්තටම කතාවක් කිරීම "පොර" කමකි. දක්ෂ කතිකයන්ට සමාජයේ ඉහල වටිනාකමක් හිමි වේ. පාසැලේදී වේවා, මඟුලක් අවමඟුලක් හෝ වෙනත් ඕනෑම සමාජ අවස්ථාවකදී වේවා දේශපාලන වේදිකාව මත වේවා කතාවක් කිරීමේදී පිලිපැදිය යුත්තේ සරල පිලිවෙතකි. එහෙත් එම සරල පිලිවෙත තුල වුවද, තමන්ගේ අනන්‍යතාව රඳවන කතාවක් කිරීමට කාටත් හැකිය. පුද්ගලයාගෙන් පුද්ගලයා වෙනස් වේ. එම වෙනස ප්‍රසිද්ධ කතා (public speaking) තුලද පවත්වාගත හැකිය. මේ ගැන මට ලිපියක් ලියන්නට සිතුනේ මාගේ මිතුරෙකුට ප්‍රසිද්ධ කතාවක් කිරීමට අවශ්‍ය වී, ඒ ගැන මේ ළඟ දවසක අප පැයක් පමණ සිදු කළ සංවාදයක් නිසාය. මා ප්‍රසිද්ධ දේශකයකු නොවුණත් මේ විෂය සම්බන්දයෙන් පාසැල් කාලයේ සිටම පත

දන්නා සිංහලෙන් ඉංග්‍රිසි ඉගෙන ගනිමු - අතිරේකය 1

මූලික ඉංග්‍රීසි ලිවීම හා කියවීම ඉංග්‍රීසියෙන් ලියන්නේ හා ඉංග්‍රීසියෙන් ලියා ඇති දෙයක් කියවන්නේ කෙසේද?  ඉංග්‍රීසිය ඉගෙනීමට පෙර ඔබට මෙම හැකියාව තිබිය යුතුමය.  එය එතරම් අපහසු දෙයක්ද නොවේ.  ඔබේ උනන්දුව හොඳින් ‍තිබේ නම්, පැය කිහිපයකින් ඔබට මෙම හැකියාව ඇති කර ගත හැකිය.  මුල සිට පියවරෙන් පියවර එය උගන්වන්නම්.   මුලින්ම මිනිසා භාෂාවක් භාවිතා කළේ ශබ්දයෙන් පමණි.  එනම් ලිඛිත භාෂාව ඇති වූයේ පසු කාලයකදීය.  කටින් නිකුත් කරන ශබ්ද කනින් අසා ඔවුන් අදහස් උවමාරු කර ගත්තා.  පසුව ඔවුන්ට වුවමනා වුණා මෙම ශබ්ද කොලයක හෝ වෙනත් දෙයක සටහන් කර ගන්නට.  ඒ සඳහායි අකුරු නිර්මාණය කර ගත්තේ.  එම අකුරු නියෝජනය කරන්නේ ශබ්දයි .  මෙසේ මූලික අකුරු කිහිපයක් ඔවුන් එක එක භාෂාව සඳහා නිර්මාණය කර ගත්තා.  ඉංග්‍රීසියේදී මෙලෙස මූලික අකුරු 26ක් ඇත.   එය ඉංග්‍රීසි හෝඩිය ලෙස හැඳින් වෙනවා. අප ඉගෙන ගත යුත්තේ මෙම අකුරු මඟින් නියෝජනය කෙරෙන ශබ්ද මොනවාද යන්නයි.  එවිට ඔබට ඉංග්‍රීසි ලිවීමට හා කියවීමට හැකි වෙනවා.  ඊට පෙර අප අකුරු 26 දැනගත යුතුයි.  එම අකුරු 26 පහත දක්වා ඇත.  ඉංග්‍රීසියේදී සෑම අකුරක්ම “සිම්පල්” හා “කැපිටල්” ලෙස දෙයාකාර

දෛශික (vectors) - 1

එදිනෙදා ජීවිතයේදිත් විද්‍යාවේදිත් අපට විවිධාකාරයේ අගයන් සමඟ කටයුතු කිරීමට සිදු වෙනවා . ඉන් සමහරක් නිකංම සංඛ්‍යාවකින් ප්‍රකාශ කළ හැකි අගයන්ය . අඹ ගෙඩි 4 ක් , ළමයි 6 දෙනෙක් ආදී ලෙස ඒවා ප්‍රකාශ කළ හැකියි . තවත් සමහර අවස්ථාවලදී නිකංම අගයකින් / සංඛ්‍යාවකින් පමණක් ප්‍රකාශ කළ නොහැකි දේවල් / රාශි (quantity) හමු වේ . මෙවිට “මීටර්” , “ තත්පර” , “ කිලෝග්‍රෑම්” වැනි යම් ඒකකයක් (unit) සමඟ එම අගයන් පැවසිය යුතුය ; නැතිනම් ප්‍රකාශ කරන අදහස නිශ්චිත නොවේ . උදාහරණයක් ලෙස , “ මං 5 කින් එන්නම්” යැයි කී විට , එම 5 යනු තත්පරද , පැයද , දවස්ද , අවුරුදුද ආදි ලෙස නිශ්චිත නොවේ . මේ දෙවර්ගයේම අගයන් අදිශ (scalar) ලෙස හැඳින්වේ . අදිශයක් හෙවත් අදිශ රාශියක් යනු විශාලත්වයක් පමණක් ඇති දිශාවක් නැති අගයන්ය . ඔබේ වයස කියන විට , “ උතුරට 24 යි , නැගෙනහිරට 16 යි” කියා කියන්නේ නැහැනෙ මොකද දිශාව යන සාධකය / කාරණය වයස නමැති රාශියට වැදගත්කමක් නැත . එහෙත් සමහර අවස්ථා තිබෙනවා අගයක් / විශාලත්වයක් (magnitude) මෙන්ම දිශාවක්ද (direction) පැවසීමට සිදු වන . මෙවැනි රාශි දෛශික (vector) ලෙස හැඳින්වේ . උදාහරණයක් ලෙස , ඔබ යම් “බලයක්

දැනගත යුතු ඉංග්‍රිසි වචන -1

ඉංග්‍රිසි බස ඉගැනීමේදී වචන කොපමණ උගත යුතුද, එම වචන මොනවාදැයි බොහෝ දෙනෙකුට මතුවන ගැටලුවක් වන අතර, බොහෝ දෙනා ඊට විවිධ පිලිතුරුද සපයා ඇත. මේ ගැන හොඳින් පරීක්ෂණය කර ඇමරිකානු ආයතනයක් විසින් වචන 5000ක ලැයිස්තුවක් ඉදිරිපත් කර ඇත. එම ලැයිස්තුව මා කෙටස් දෙකකට (දිගු වැඩි නිසා) සිංහල තේරුම්ද සහිතව ඉදිරිපත් කර ඇත. (මේවා සැකසුවත් සෝදුපත් බලා නැති නිසා සුලු සුලු දෝෂ සමහරවිට තිබිය හැකිය). පහත ලැයිස්තුවේ වචන 2500ක් ඇත.    Word    තේරුම        be    ඉන්නවා    and    හා    of    ගේ    in    තුල    to    ට    have    තියෙනවා    to    ට    it    ඒක, ඌ    I    මම    that    ... කියලා, ඒ/අර, ඒක/අරක    for    සඳහා    you    ඔබ, ඔබලා    he    ඔහු    with    සමඟ    on    මත    do    කරනවා, "මෙව්ව කරනවා"    say    කියනවා    this    මේ, මේක    they    උන්, ඒවා, ඒගොල්ලෝ    at    දෙස, අසල    but    නමුත්    we    අපි    his    ඔහුගේ    from    සිට, ගෙන්    not    නැහැ    by    විසින්, මඟින්    she    ඇය    or    හෝ, හෙවත්    as    විට, නිසා, වශයෙන්    what    මොකක්ද,