21 වැනි ව්‍යවස්ථා සංශෝධනය

0

ජනතා විප්ලවය සාර්ථකව අවසන් වන තුරු අපි තවමත් බලාපොරොත්තුවෙන් පසු වෙමු. එහෙත් එය පහසුවෙන් ලැබෙන බවක් පෙනෙන්නට නැත. වට වන්දනාවේ ගොස් හෝ එය අවසානයේ ලබා ගත යුතුය. එම වට වන්දනාවේ යන අතරේ දැනට පවතින ආණ්ඩුක්‍රම ව්‍යවස්ථාව සංශෝධනය කිරීමක් ගැනත් කතා බහක් තිබේ.

ආණ්ඩුක්‍රම ව්‍යවස්ථාව සංශෝධනයක් සිදු කිරීමට බලාපොරොත්තු වේ නම්, පහත සංශෝධන අවශ්‍යයෙන්ම සිදු විය යුතුය.

1. ද්විත්ව පුරවැසියන්ට හෝ ලංකාවේ පුරවැසිබව නැති අයට පාර්ලිමේන්තු මන්ත්‍රි, පලාත් සභා හා පලාත් පාලන මන්ත්‍රි, ජනපති, රාජ්‍ය සේවක තනතුරු කිසිවක් දැරීමට ඉඩ නොදිය යුතුය.

2. ව්‍යවස්ථාවෙන්ම ස්ථාපිත ස්ථීර අමාත්‍යංශ තිබිය යුතුය. එම අමාත්‍යංශ ගනන 25ක් විය යුතුය. එක් අමාත්‍යංශයකට එක් කැබිනට් ඇමතිවරයකු හා එක් නියෝජ්‍ය ඇමතිවරයකු පමනක් පත් කල යුත්තේය. 

රාජ්‍ය අමාත්‍ය, ව්‍යාපෘති අමාත්‍ය ආදී විවිධ නාම යටතේ කිසිදු ඇමතිවරුන් පත් නොකල යුත්තේය.

ජාතික ආන්ඩු බහුපක්ෂ ආන්ඩු ආදිය පිහිටුවීමට ප්‍රතිපාදන හෝ එවිට අමාත්‍යංශ ගනන හෝ ඇමතිවරු ගනන වැඩි කිරීමට තිබෙන ව්‍යවස්ථා ප්‍රතිපාදන ඉවත් කල යුතුය.

3. ජනපති කිසිදු අමාත්‍යංශයක් නොදැරිය යුත්තේය (ආරක්ෂක අමාත්‍යංශය පවා).

4. ජනපති සමාව කොන්දේසි සහිත විය යුතුය. එනම්, මරණ දඬුවම ලැබූවෙකුට ජනපති සමාව දීමට නම් පාර්ලිමේන්තුවේ බහුතර කැමැත්ත හිමි විය යුතු අතර; එවිටද, නිදහස ලබා දිය යුත්තේ නිදොස් නොකොටය. ජීවිතාන්දය දක්වා සිර දඬුවම ලැබූවකුටද නිදොස් නොකර නිදහස ලබා දීමට පෙර ජනපති විසින් කැබිනට් මන්ඩලයේ අවසරය ලබා ගත යුතුය.

5. නැවත ස්වාධීන කොමිසම් සභා බලසම්පන්න කල යුතුය. ඒවා ස්වාධින කල යුතුය.

6. විශාල බලතල සහිත ස්වාධීන විගණන කොමිසමක් ඇති කල යුතුය.

7. නීතිපති දෙපාර්තමේන්තුව ස්වාධීන කොමිෂමක් බවට පත් කල යුතුය. කොමසාරිස්වරු ලෙස නීතිපතිද ඇතුලුව සොලිසිටර් ජනරාල්වරු කිහිප දෙනෙකු පත් කල යුතුය.

8. නීතිපතිට හෝ ඕනෑම කොමසාරිස් කෙනෙකුට ස්වාධීනව නඩු දැමීමේ හැකියාව තිබිය යුතුය. එමඟින් දූෂිත නීතිපතියෙකුට නඩු ඉල්ලා අස් කිරීමේ හැකියාව මෙන්ම නඩු නොපවරා සිටීමේ හැකියාවද අවම වේ.

9. යම් කොමසාරිස්වරයකු විසින් නඩුවක් ඉල්ලා අස් කරගන්නේ නම්, එසේ අස් කර ගන්නට පෙර වෙනත් කොමසාරිස්වරයකු කැමති නම් එම නඩුව පවත්වාගෙන යෑමට ඔහුට එම නඩුව භාර ගැනීමට ඉඩ දිය යුතුය.

10. නීතිපති දෙපාර්තමේන්තුවේ නීතිපතිද ඇතුලුව කිසිදු නිලධාරියෙකු ශ්‍රේෂ්ඨාධිකරණයට හෝ අභියාචනාධිකරණයට විනිසුරුවන් ලෙස පත් කළ නොයුත්තේය.

11. මහාජන සුභසිද්ධි නඩුකර (public interest litigation) සඳහා ප්‍රතිපාදන සැලසිය යුතුය.

12. මානව හිමිකම් නඩුකර පැවරීමේ මූලික අධිකරනය ලෙස අභියාචනාධිකරණය පත් කල යුතු අතර, ඉන් අභියාචනා කිරීම ශ්‍රේෂ්ඨාධිකරනයට සිදු කල හැකි විය යුතුය.

13. මහා මැතිවරණයකින් යම් පක්ෂයකින් පත් වූ මන්ත්‍රිවරයකු ආණ්ඩු පක්ෂයකට යෑමේදී තම මන්ත්‍රි අසුන අහිමි විය යුතුය. ආන්ඩු පක්ෂයේ මන්ත්‍රිවරයකුට ස්වාධීන වීමට අයිතිය තිබිය යුතුය.

14. සෑම මන්ත්‍රී අපේක්ෂයකුම ඡන්දයකට ඉදිරිපත් වන විට තමන්ගේ නමින් මෙන්ම තම පවුලේ අයගේ (කලත්‍ර, දූදරු) නම්වලින් තිබෙන වත්කම් මැතිවරන කොමිසමට ඉදිරිපත් කල යුතු අතර, දූෂන විමර්ෂන ස්වාධීන කොමිසම හරහා එම තොරතුරු සත්‍යෙක්ෂනය කල යුතුය.

15. තොරතුරු දැනගැනීමේ අයිතිය බලාත්මක කිරීමට බලය සහිත ස්වාධීන තොරතුරු දැනගැනීමේ කොමිසමක්ද පිහිටවිය යුතුය.

පිලිගත් (බලපත්‍රලාභි) මාධ්‍යයන්ට හා මාධ්‍යවේදින්ට පොදු ස්ථානයක සිදුවන සිදුවීමක් ආවරනය කිරීමට අයිතිය තිබිය යුතු අතර, ඊට බාධා කරන ඕනෑම කෙනෙකු වසර 3ක සිර දඬුවමකට ලක් කල යුතුය. 

මාධ්‍යයන්ට හෝ මාධ්‍යෙව්දින්ට තොරතුරු ලැබුනු ආකාරය හෙලි නොකර සිටීමට අයිතිය තිබිය යුතුය.

16. ප්‍රාදේශිය මට්ටමේ සිට ජාතික මට්ටම දක්වා රජයේ සියලු ප්‍රසම්පාදන ක්‍රියාවලිය ඍජුවම අධීක්ෂනය කරන බලවත් ස්වාධීන ප්‍රසම්පාදන කොමිසමක් පිහිටවිය යුතුය.

17. ජනතා බදු මුදල් රුපියලක් හෝ යොදවා ඇති ව්‍යාපාර, ව්‍යාපෘති සියල්ල අනිවාර්යෙන්ම විගනන කොමිසමේ විගනනයට යටත් විය යුතුය.

විගනන කොමිෂම් වාර්තාවෙන් යම් දේශපාලකයකු හෝ නිලධාරියකු නම් කරන විට, වහම දූෂන විමර්ෂන කොමිසම විසින් ඔහු ගැන විමර්ෂනය කර නඩු පැවරිය යුතුය.

18. මන්ත්‍රි විශ්‍රාම වැටුප ලැබීමට නම් පාර්ලිමේන්තු මන්ත්‍රිවරයකු අඩුම තරමේ වසර 10ක් එක දිගට හෝ කඩින් කඩ හෝ මන්ත්‍රීවරයකු ලෙස පත් වී සිටිය යුතුය.

මන්ත්‍රිවරයකුට මන්ත්‍රි වැටුපට හා හිමි සාමාන්‍ය වරප්‍රසාදවලට අමතරව කිසිදු දීමනාවක් මුදල් වශයෙන් හෝ අමතර වරප්‍රසාද ලෙස ලබා නොදිය යුතුය. ඇමතිවරයකුට මන්ත්‍රී වැටුප හා වරප්‍රසාදවලට අමතරව, ඇමති වැටුප හා ඇමතිවරයකුට හිමි වරප්‍රසාද පමනක් ලබා දිය යුතුය.

19. පිරිසිදු වාතය, පිරිසිදු ජලය, පෝෂ්‍යදායි ආහාර (වේල් 3ක්) සෑම පුරවැසියකුටම හිමි වීම මූලික අයිතිවාසිකමක් ලෙස ඇතුලත් කල යුතුය.

රටේ උපත ලැබූ කිසිවෙකු කුසගින්නේ සිටී නම් එවැනි රටක ආන්ඩුවක් තිබීමෙන් පලක් නැත. දුගීන් සවිබල ගන්වන වැඩසටහන් ක්‍රියාත්මක කල යුතු අතර, එමඟින් දුගී මිනිසුන් සවිබල වන තුරු, රජයේ වියදමින් හෝ ආහාර ලබා දීම අනිවාර්යෙන්ම කල යුතුය.

20. විදේශ රටක් සමඟ ඇති කර ගනු ලබන ඕනෑම වර්ගයක ගිවිසුමක් පාර්ලිමේන්තුවේ පූර්ව අනුමැතිය ලබාගත් පසු ගිවිසුම්ගත විය යුතුය.

21. ශ්‍රී ලංකා භූමියෙන් ඉඩම් කිසිදු විදේශිකයකු හෝ විදේශ ආයතනයකට සින්නක්කර අයිතිය නොලැබිය යුතුය. උපරිම 49 අවුරුදු බදු පදනම යටතේ පමනක් ලබා දිය හැකි විය යුතුය. 

දැනට සින්නක්කර ලබා දී ඇති ඉඩම්ද බදු පදනම් යටතේ පවරා දීම් බවට පරිවර්තනය කල යුතුය. 

තානාපති කාර්යාල සඳහා පමනක් අඛන්ඩව එම ඉඩම් එම තානාපති කාර්යාලවලට භුක්ති විදීමට අවසර දිය යුතුය.

22. ශ්‍රී ලංකාවට අනන්‍යව අයත් මුහුදු කලාපය ශ්‍රී ලංකා මුහුද (Sea of Sri Lanka) ලෙස නම් කල යුතුය.

23. ජාතික ලැයිස්තුවේ නම් කල මන්ත්‍රින් හැර ලැයිස්තුවෙන් පිට හෝ මැතිවරනයකින් පැරදුනු කිසිම කෙනෙකු පාර්ලිමේන්තු මන්ත්‍රිවරයකු ලෙස පත් නොකල යුතුය.

ජාතික ලැයිස්තුවේ අනුපිලිවෙලට එම පත් කිරීම් කල යුතුය.

24. හදිසි පනත් ගෙන ඒමට තිබෙන ප්‍රතිපාදන ඉවත් කල යුතුය.

25. මහජන උපයෝගිතා කොමිසමද ව්‍යවස්ථාවෙන් ස්ථාපිත ස්වාධීන කොමිසමක් බවට පත් කල යුතු අතර, විදුලිය, ජලය, ප්‍රවාහනය, බල ශක්තිය (ඉන්දන හා ගෑස්) යන ක්ෂේත්‍රවල නියාමනය ඊට ලබා දිය යුතුය.

26. ස්වාධීන අධිකරන කොමිසම බලසම්පන්න කල යුතුය. 

නීතිඥයන් දිවුරුම්දීම, ඔවුන්ට විරුද්ධව විනය ක්‍රියාමාර්ග ගැනීම මෙම කොමිසමෙන් සිදු කල යුතුය.

සියලු අධිකරනවල විනිසුරුවන්ගේ දූෂන චෝදනා ඇත්නම්, ඊට විරුද්ධව පැමිනිලි ලැබ විමර්ෂනය කිරීමට පුලුල් බලතල මීට හිමි විය යුතුය.

අධිකරන ආරක්ෂක අංශය මෙම කොමිසම විසින් පවත්වාගෙන යා යුතුය.

ප්‍රාථමික අධිකරනවල සිට උපරිම අධිකරනය දක්වා සියලු නඩුකාරවරුන්ගේ කාර්ය සාධනය සොයා වාර්තා තබා ගැනීම මෙම කොමිසම විසින් සිදු කල යුතුය.

27. අධිකරන අපහස නීතිය අර්ථ දැක්විය යුතුයි අධිකරනයකින් නඩු විභාගයකින් පසු ලබා දුන් තීන්දුවක් ඊට අදාල පාර්ශව විසින් පිලි නොගෙන කටයුතු කිරීම ලෙස. 

අධිකරනයට අවලාද නැඟීම සාමාන්‍ය අපරාද නීතිය යටතේ මාස 3කට නොවැඩි සිර දඬුවමක් ලබා දිය හැකි වරදක් ලෙස අර්ථ දැක්විය යුතුය.

28. නඩුකාරයන්ගේ ජ්‍යෙෂඨත්වය මත හා අධිකරණ කොමිසම විසින් පවත්වාගෙන යන නඩුකාරයන්ගේ කාර්ය සාධන දත්ත මත පමනක් ඔවුන්ට උසස් වීම් ලබා දිය යුතුය.

29. නඩුකාරවයකුව සිට විශ්‍රාම ගොස් හෝ ඉල්ලා අස් වූ පසු ඉදිරියට තවත් වසර 5ක් යන තුරු ස්වයංව නීතිඥයකු ලෙස හෝ නීති උපදේශකයකු ලෙස හෝ රජයෙන් වැටුප් හෝ දීමනා ලබන කිසිම තනතුරකට හෝ පත් වීමකට නුසුදුසු විය යුතුය.

30. රජයේ මුදල් වියදම් කරන සෑම විටකම, නිසි බලධාරි රාජ්‍ය සේවකයකුගේ අනුමැතිය යටතේ එය විය යුතු අතරම එම වියදම හා එම වියදම අනුමත කල නිලධාරියා නිශ්චිතව සටහන් විය යුතු අතර; ඊට අදාලව යම් අක්‍රමිකතාවක් සිදු වූ විට, එම රාජ්‍ය නිලධාරියා පෞද්ගලිකව එම වගකීම භාර ගත යුතුය. ඊට සුදුසු දඬුවම් සාමාන්‍ය අපරාධ නීතිය යටතේ පැනවිය යුතුය.

31. ආන්ඩුවේ ඇමතිවරයකු, නියෝජ්‍ය ඇමතිවරයකු බොරු දත්ත පාර්ලිමේන්තුව තුල ඉදිරිපත් කලහොත් පාර්ලිමේන්තු වගකීම් කාරක සභාව යනුවෙන් පිහිට වූ නව කාරක සභාවකට රටේ ඕනෑම පුරවැසියකු විසින් ඉදිරිපත් කරනු ලබන පැමිනිල්ලක් මත විභාගයක් පවත්වා; ඉන් වැරදිකරු වූ විට, මාස 3කට එම ඇමතිකම හෝ නියෝජ්‍ය ඇමතිකම අහෝසි කර සාමාන්‍ය මන්ත්‍රිවරයකු බවට පත් කල යුතුය.

32. ශරීයා නීතිය, තේසවලාමෙ නීතිය, කන්ද උඩරට නීතිය ඇතුලු පුද්ගල නීති අහෝසි කර, සියලු පුරවැසියන් රටේ එක පොදු නීතියට යටත් කල යුතුය.

33. රාජ්‍ය සේවයේ ජ්‍යෙෂ්ඨත්වය අනුව අමාත්‍යංශ ලේකම්වරු (අතිරේක ලේකම්ලාද) ඇතුලුව අමාත්‍යංශවල නිලධාරින්ද පත් විය යුතුය. රාජ්‍ය සේවයෙන් පිට අයට එම තනතුරු නොලැබිය යුතුය. 

විදේශ තානාපති සේවාව සඳහාද පත් කල යුත්තේ රාජ්‍ය සේවාව තුල සිටින නිලධාරින් පමනි.

34. කිසිදු ඇමති හෝ මන්ත්‍රීවරයකු තමන්ගේ කාර්ය මන්ඩලයට තම පවුලේ හෝ ඥාතිත්වයක් සහිත අය (දෙමව්පියෙක්, දූදරුවෙක්, දූදරුවෙකුගේ කලත්‍රයන්, කලත්‍රයන්, කලත්‍රයාගේ දෙමව්පියන්, කලත්‍රයගේ සහෝදරයන්, මුනුපුරන්, සහෝදරයන්, සහෝදරයන්ගේ කලත්‍රයන්, නැනදා, මාමා, පුංචි, බාප්පා) පත් කර ගැනීමට තහනම් විය යුතුය.

35. ජනපති, අගමැති, කතානායක යන තනතුර තුනට එකම පවුලේ හෝ ඥාතිත්තවයක් සහිත අය පත් නොවිය යුත්තේය. පවුලේ අය හා ඥාතිත්වය ඇති අය කවුරුන්ද යන්න ඉහත 34 වගන්තියේ අර්ථ දක්වා ඇත.

36. ජනපති හෝ අගමැතිගේ පවුලේ අය හෝ ඥාතිත්වයක් ඇති අයට කැබිනට් ඇමති තනතුරු උපරිම දැරිය හැක්කේ එකකි. (උදාහරන ලෙස, ජනපතිගේ හෝ අගමැතිගේ එක් ඥාතියෙකු පමනක් කැබිනට් ඇමතිවරයකු ලෙස සිටිය හැකිය). 

එලෙසම, නියෝජ්‍ය ඇමතිකම් උපරිම දැරිය හැක්කේ ඥාතින් දෙදෙනෙකුට පමනි.

 

 

තව අයට තවත් යෝජනා තිබිය හැකිය. ඇත්තටම තව යෝජනා රාශියක් තිබුනත් ඒවා ජනමත විචාරනයකට තුඩු දෙන බැවින් සටහන් කලේ නැත. ඉතිං, වහම 21 වැනි ව්‍යවස්ථා සංශෝධනය ගෙන ආ යුතුය. එලෙස සංශෝධන ගෙන ආවත්, පවතින ආන්ඩුව ජනතා අධිකරනය මත විභාග විය යුතුමය. ඔවුන්ට දඬුවම් දිය යුතුය. ඒ සියල්ලටම පෙර, පවතින පාලකයන් පන්නා දැමිය යුතුය. පාලකයන් තව ටික කලක් හෝ බලයේ ඉන්නට උත්සහ කරනවා නම්, එවුන් ලවා 21 වැනි සංශෝධනය සිදු කර ගත යුතුද වේ.


Read More »

NOW OR NEVER! END THE REVOLUTION TRIUMPHANT!

0

The only acceptable means to end these non-stopping people's struggles is to take over the government from the corrupt incumbent rulers by a group of patriotic apolitical intellectuals in the country.

No solution can come out of the Parliament. The 225 MP's are not adept or qualified enough to solve these issues anymore.

We must not find solutions through the current constitution. No amendments to the constitution can bring any good to the country. These political bastards can revoke the good amendmens at a later time just as they did to the 19th amendment.

Amids so many grievances and problems, this is the golden opportunity to bring in socio-political reforms into the country. We can do the SYSTEM CHANGE now. The established political parties and infrastructure can't deliver what the PEOPLE longed for decades.

People's revolutions are legitimate. Revolutions are accepted by the law. So, it's not barbaric, nor illegal, nor substandard. Yes, revolutions are so hard to come and succeed, but we have gone through the hardest part. The only part left is to hand over the power by the corrupt rulers to the people now. We can do it too.

Even the present constitution recognizes that the supremacy and sovereignty lie within the people of the country. If the people demand in unison that the present president and the government must step down, they shall do it. 

#GotaGoHome


Read More »

දැන් අපි මොකද කරන්න ඕන?

0

නීති රාමු, සංකල්ප, දේශපාලන විද්‍යා කෝන ඔස්සේ අද රටේ පවතින තත්වයට විසඳුම් යෝජනා කරනවා බොහෝ දෙනා. ඒවා දෙස බලන විට, ඔවුන් ගතානුගතික හෝ තමන්ගේ සැඟවුනු දේශපාලන බල තන්හාව මුල් කරගෙන සිටින බව පැහැදිලියි. 

අවශ්‍යයෙන්ම උසස් සංකල්ප, දියුනු දේශපාලන භාවිතාවන්, ගැඹුරු ආර්ථික සැලසුම් හා ඒ ඔස්සේ ප්‍රමුඛතා පදනම මත සිදු කල හැකි කටයුතු තිබිය යුතුය. එහෙත් මේ මොහොත ලංකාව තුල අතිශය තීරනාත්මක වන්නේ ජනයා විඳිමින් සිටින හා රට වැටී තිබෙන දරුනු අගාධය නිසාම නොවේ, රටේ අන්සතු කල නොහැකි ස්වාධිපත්‍ය බලය විශාල ලෙස පුරවැසියා වෙත කේන්ද්‍ර වෙමින් පැවතීමයි. ඉතිං, රටට අත්‍යවශ්‍ය සමාජ ආර්ථික දේශපාලන සංශෝධන ඇති කර දියුනු ජනරජයක් බිහි කිරීමට හොඳම අවස්ථාව මෙයයි. 

හරියට එය කාන්තාවක් අතිශය වේදනාවක් ඉවසා දරුවකු ප්‍රසූත කරනවා බඳුය. එහෙත් මේ සිදුවන දේ දෙස බලන විට, ගැහැනිය ප්‍රසූත කරන්නට යන්නේ මල දරු උපතක් දැයි දෙගෙඩියාවක් මතු වෙනවා.

ඒ නිසා, නැවත නැවතත්, නැවත නැවතත් අවධාරනය කරන්නේ මෙය ජනතා විප්ලවයක් ලෙස පටන් ගත්තා ආකාරයටම ජනතා විප්ලවයක් ලෙසම අවසන්ද කල යුතු වෙනවා. එහෙත් අනේක දුක් ගැහැට විඳ මෙම අරගලයේ අවසන් සටන කරන්නට පාර්ලිමේන්තුවේ 225 දෙනාට භාර කිරීම තරම් මෝඩ තකතීරු අමනකමක් තවත් නැත. 

පාමයන් යනු ජනතාවගේ නියෝජිතයන්ය. ඉතිං, ජනතාව දැන් තම බලය තමන් විසින්ම මෙහෙයවීමට ඉල්ලා සිටින විට, පාමයන් මහේශාක්‍ය දෙවිවරු මෙන් පාර්ලිමේන්තුව තුල රඟන්නේ නැතිව ගෙවල්වලට යා යුතුය. උන් කටයුතු කරන්නේ උන් රජවරු කියාය. බලය එන්නේ උන්ගේ පරම්පරාවලින් කියාය. උන් ජනතාවගේ සේවකයන් බව උන්ට අමතකය. නීතිය ගැන පාරම්බාන එවුන්ට එම සරල සිද්ධාන්තය අමතකය. උන් එච්චරට ගතානුගතිකය.

ඔය පාර්ලිමේන්තුව තුල හොඳ අය ටිකක් සිටිය හැකිය. ඔවුන් එසේ සිටියදිත් රට අගාධයට ගිය හැටි සිහි කර ගත යුතුයි. එනිසා, මේ මොහොත ගෙවා දමා ජනයා සන්සුන් වූ විට, නැවත ඕකුන් පරන විදියටම රට කාබාසිනියා කරනු ඇත. සමහරවිට මුහුනු කිහිපයක් එහාට මෙහාට වුවත්, නැවත් අපව පාලනය කිරීමට එනු ඇත්තේ උන්ගේම සනුහරේ එවුන්ය මොකද සිස්ටම් එකේ වරදක් තිබේ. එම සිස්ටම් එකේ වරද මුන් කිසිදා සාදන්නේ නැත. උන් දුන් උතුම් අතීත පොරොන්දු ගැන සිහි කර බලන්න. මුන්ගේ පොරොන්දු සත පහකට විශ්වාස නොකල යුතුය.

එනිසා, ජනතා අරගලය ජනතා විප්ලවලයක් ලෙසම අවසන් කල යුතුය. ඒ සඳහා කඩිනමින් පහත ක්‍රියාවන් සිදු කල යුතුය.

1. රට පුරා ස්ථාන දහස් ගනනක පැවැත්වෙන සියලු උද්ඝෝෂන දැන් කොළඹට ආ යුතුය. අරලිය ගහ මැදුර හා ජනපති නිල නිවස හා ජනපති ලේකම් කාර්යාලය යන එම මුලු ප්‍රදේශයම මිනිස් හිස්වලින් වැසී යා යුතුය. පහසුවෙන්ම මිනිසුන් ලක්ෂ 20ක් මේ මොහොතේ එසේ ගෙන ආ හැකියි. සමහරවිට එය ලක්ෂ 30ක් හෝ ඊටත් වැඩි විය හැකියි මොකද සමස්ථ රටවැසියාටම රට වෙනස් කිරීමට හැඟීමක් ඇති නිසා, සියල්ලන්ම ගෙන ඒමට හැකියාවක් පවතිනවා.

2. ජන අරගලය මිනිසුන් අතරින් පැන නැංග එකක් නිසා, තනි සංවිධානාත්මක ස්වරූපයක් එහි නොවීම දුර්වලතාවක් මේ මොහොතේ. එනිසා, වහම රටටම පිලිගත හැකි උගත් බුද්ධිමත් දේශයට ආදරය කරන කන්ඩායමක් මෙම අවසන් අධියරයේදී නායකත්වය ගත යුතුයි. හැබැයි එම නායකත්වය අරගලය පාවා නොදෙන එවුන් විය යුතුය. පාවාදෙන්නේ නම්, උනුත් ඉවත් කල යුතුයි එසැනින්.

3. රටට අවශ්‍ය සියලුම ආකාරයේ සංශෝධන සාරාංශ වශයෙන් හෝ ලේකන ගත කල යුතුය. සෝෂල් මීඩියා හරහා ඒවා හෙලි දැක්විය යුතුය. විප්ලවයෙන් පසු රට කරගෙන යන ආකාරය රටට ගෙන එන සංශෝධන දැන් හෙලි දැක්විය යුතුය. එම සංශෝධන තුල රට තුල දේශපාලන බලය බෙදා හරින ක්‍රමය, දූෂනයට වැට බඳින ආකාරයේ පාලන ක්‍රමය, ඵලදායිතාව වැඩි වන රාජ්‍ය සේවය (විශේෂයෙන් විද්‍යුත් රාජ්‍ය ක්‍රමය), බලය බෙදාහැරීම, පරිසර විනාශය නැති කිරීම හා විනාශ වී ඇති පරිසරය නැවත වැඩිදියුනු කිරීම, දැනට පවතින අර්බුදවලට තිබෙන කෙටි කාලීන විසඳුම් ආදිය ඇතුලත් විය යුතුය. විශේෂයෙන් විද්‍යුත් රාජ්‍ය ඉතා වේගයෙන් හා ඉතා අඩු වියදමින් සිදු කරන ආකාර ගැන අපටත් සැලසුම් ඇත.

4. ජනපති ඇතුලු සමස්ථ පාලක පක්ෂයෙ දේශපාලුවන් දැනටත් බලය අත් නොහැර සිටින එකම කාරනය හමුදාව පොලිසිය උන් සතු වීමයි. එනිසා හමුදාව හෝ අඩුම ගානේ පොලිසිය (හෝ STF එක) ජනතා අරගලයට විරුද්ධ නොවන තැනකට පත් වූ සැනෙන් රාජපක්කලාගේ සාදය හමාර වනු ඇත.

එහෙත් හමුදාව පහසුවෙන් එවැනි ස්ථාවරයකට එන්නේ නැත. අපි කවුරුත් දන්නවා හමුදා සෙබලා හා පොලිස් නිලධාරියාද ජනතා අරගලයට කැමතියි. එහෙත් ඔවුන්ගේ සාම්ප්‍රදායික විනය ඔවුන්ව බැඳ තබා තිබෙනවා. මා විශ්වාස කරනවා ඔවුන්ව අරගලයට කැඳවා ගත හැකියි. ඒ සඳහා තැන තැන පොඩි පොඩි උද්ඝෝෂන වෙනුවට මෙතෙක් ඉතිහාසය තුල දකින්නට ලැබෙන විශාලතම ජනගඟ කොළඹ වැටලිය යුතුයි. එක තැනකට රැස් විය යුතුයි.

ඉන්පසු හමුදාවේ සහය ඇතිව හෝ නැතිව දූෂිත ජනපති, අගමැති ඇතුලු කන්ඩායම සිර අඩස්සියට පත් කල යුතුයි. හමුදාපති හෝ පොලිස්පති එවැනි ජනගඟක් පාලනය කිරීමට උන්ඩය භාවිතා නොකරනු ඇත. බැරිවෙලාවත් උන්ඩය තෝරා ගන්නේ නම්, ඌ උග්‍ර මානසික රෝගියකු විය යුතුයි.

මෙවැනි ජන ගඟක් සමග රටම පිලිගත් විද්වතුන් එම සටනේ පෙරමුනේ සිට නායකත්වය දිය යුතුයි. එවිට හමුදාවටත් තේරුම් යනවා තමන් ආරක්ෂා කල යුත්තේ කුමන පිලද වග. එසේ ජනතාවට සහය දක්වන ආරක්ෂක භටයන්ව ජනතා ආන්ඩුව පත් වූ විගස ජාතික වීරයන් සේ සලකා (ගැසට් කර) ඔවුන්ට ගරුබුහුමන් දක්වන බවත් ඔවුන්ව ආරක්ෂා කරන බවත් සපත කල යුතුයි. වැඩිය ඕන නැහැ; හමුදා පොලිස් සෙබලුන් එක සියයක් ජනතාව පැත්තට මාරු වෙනවා නම්, එය ගඟක් ගලන්නා සේ ඉතිරි හමුදා සෙබලුනුත් මාරු වනු ඇත. ඇත්තටම දහස් ගනනක් ඒම අවශ්‍යත් නැත. හමුදාවේ එක සියයයක් දෙසියයක් මාරු වුවත් ප්‍රමානවත් වෙනවා. මෙහිදී ඉතා දක්ෂ ලේ උනු කල හැකි ලෙස කතා කල හැකි කතිකයන් සිටිය යුතුය. නූතන කැප්පෙටිපොලලා බිහි කල හැකිය.

5. ඉන්පසු හමුදාවේ හා/හෝ පොලිසියෙ සහය ලැබීමෙන් අනතුරුව, සියලු දූෂිත දේශපාලුවන් හා දූෂිත නිලදාරින් අත්අඩංගුවට ගත යුතුය. වහම ජනතාව අතරින් බුද්ධිමතුන් පිරිසක් රටේ පාලනය තමන් බාර ගන්නා බවට ප්‍රකාශ කල යුතුය.

6. මා තවත් යෝජනවාක් කරනවා. මා දන්නවා මෙය සමහරකු තරයේම ප්‍රතික්ෂේප කරාවි. එහෙත් රාජපක්කවරු හා උන්ගේ සනුහරේ එවුන් මංකොල්ල කාපු ධනයක් තිබෙනවා. ඒවා වහම රටට නැවත හිමි කර දිය යුතුය. එම ධනය රට තුල ඉඩකඩම් වශයෙනුත්, රුපියල් වශයෙනුත්, විදේශ මුදල් (ඩොලර්) ලෙස විදෙස් රටවල බැංකුවල තැන්පතු වශයෙනුත් තිබෙනවා. මේ සියල්ල ක්ෂණිකව ලබා ගත යුතුය.

එහෙත් එය දැනට පවතින ඕලාරික නීතියෙන් බැරිය. කලු සල්ලි සුදු කරන හැටි මාත් කාලයක් තිස්සේ අධ්‍යනය කර තිබෙන අතර, ඒවා ඇත්තටම නීතිය මඟින් අල්ලා ගැනීම සිහිනයක්. කට්ටිය හිතං හිටියට එවුන්ට නීතිය ක්‍රියාත්මක කර එම ධනය අත්පත් කර ගන්නට, එය දවස් සිහිනයකි.

එහෙත් එම ධනය ලබා ගත හැකියි සමහරවිට පැය ගනනකින්. මෙම ක්‍රමය මට ප්‍රසිද්ධියේ කිව නොහැකිය. එහෙත් කල හැකියි. රටට අවශ්‍ය ඩොලර් බිලියන ගනනක් (අඩුම ගනනේ බිලියන 6ක් වත්) ඉන් ක්ෂනිකව ලබා ගත හැකියි. එම මුදලින් රටට අවශ්‍ය ඉන්දන හා පොහොර ගෙන්වා දැනට පවතින උද්දමනකාරි තත්වය වහම සමනය කල හැකියි.

7. රටට අවශ්‍ය නව ජනතාවාදි ව්‍යවස්ථාවක් මාසයක් දෙකක් ඇතුලත ගෙන ආ යුතුය. ඒ සඳහා පාර්ලිමේන්තුව අවශ්‍ය නොවේ. ජනතා මන්ඩපයක් තුල සාකචඡා කල හැකියි. ජනතා නායකයන් විසින් පලමුව ව්‍යවස්ථා සැකිල්ලක් (ඩ්‍රාෆ්ට් එකක්) හෙලි දැක්විය යුතුය. අප සතුවත් එවැනි ඩ්‍රාෆ්ට් ඇත. මෙමඟින් අප රට බැඳ තබා ඇති ඉන්දු ලංකා ගිවිසුම් වැනි ගිවිසුම් නොසලකා වැඩ කල යුතුය. එසේ කල හැකිය. රටට මෙයින්ම ඇති වන සෙත අතිවිශාලය. ලංකාව තවත් රටක ප්‍රාන්තයක් හෝ ගුබ්බෑයමක් නොවේ.

8. ඉන්පසු රටට අවශ්‍ය ප්‍රතිසංස්කරන සියල්ල සිදු කර, අවසානයේ නව ව්‍යවස්ථාවට අනුව රටේ භාරකාරත්වය පවරන මැතිවරනයක් පවත්වා රට නැවත සාමාන්‍ය පීල්ලට දැමිය යුතුය.

ඇත්තටම, කල හැකි හා කල යුතු දේ බොහෝ ඇත. ක්‍රීඩා, කෘෂිකර්මය, අධ්‍යාපනය, තාක්ෂනය, රාජ්‍ය සේවය, සමාජ දේශපාලනය ආදි නොයෙක් පැතිකඩවල කල යුතු සංශෝධන සිය දහස් ගනනක් අප සතුවත් තිබේ. එවැනි තවත් පිරිස් රට පුරා සිටී. පලමුව මේ මොහොත අනවශ්‍ය විදියට ගිලිහී  යන්නට නොදී පාලනය ජනතාව අතට ගැනීම අනිවාර්ය වේ. ජනතාව පාලනය අතට ගැනීම අරාජිකත්වයක් නොවේ. එය වැරදි අදහසකි. නායකත්වය ජනතාව අතට ගැනීම යනු ජනතාව අතරින් බුද්ධිමතුන් හා හොඳ හැඟීමක් හැකියාවක් ඇති පිරිසක් අතට බලය ගැනීමයි ජනතාව වෙනුවෙන් නිශ්චිත වැඩ කොටසක් ඉටු කිරීම වෙනුවෙන්.

Read More »

ජනතා ආන්ඩුවක් ඇති කරමු

2

රටේ පවතින ජනතා සටන දැන් දැන් වෙනතකට යොමු වන බවක් පෙනෙනවා. එය වහම නිවැරදි ට්‍රැක් එකට නැවත ගෙන ආ යුතුයි.

සති ගනනාවක් තිස්සේ පැවති ජනතා උද්ඝෝසන උත්කර්ෂයට පැමිනෙමින් සිටින මොහොතක, මහා නායක හිමිවරුන්ද ඇතුලුව තවත් සමහර අය අන්තර්පාලන ආන්ඩුවක් හෝ එවැනි අටමගලයකට යා යුතු බව පවසනවා. එය නොවෙයි ජනතා අභිලාෂය. 

ව්‍යවස්ථානුකූලව හෝ පවතින නීතියට අනුව වැඩ කරන්නැයි කියන එකෙන් අනියමින් කියවෙන්නේම නැවතත් සිටිනා පාලකයන්ම එම තනතුරුවල සිටිය යුතු බවයි.

අන්තර්පාලන ආන්ඩුවට පවතින ව්‍යවස්ථාව අනුව පත්වන්නේ අනිවාර්යෙන්ම දැනට සිටින පාර්ලිමේන්තු මන්ත්‍රින්ගෙන් පිරිසක්ම වේ. එය කිසිසේත් වෙනස් කල නොහැකියි. ආන්ඩුක්‍රම ව්‍යවස්ථා සංශෝධනයක් ගෙනැවිත් පාර්ලිමේන්තු තුනෙන් දෙකක ඡන්දයෙන් එය සම්මත කර ගත්තත් එය වෙනස් කල නොහැකියි මොකද ඊට ජනමත විචාරනයක් අවශ්‍ය වේ. 

ජනමත විචාරනයක් මෙම අවස්ථාවේ කල හැකි නම් මහා මැතිවරනයක් වුවද කල හැකියිනෙ. එනිසා, අන්තර්පාලන යෝජනාව පිලිගත නොහැකියි.

මා යෝජනා කරන විසඳුමක් තිබේ. මා සිතන පරිදි පොදු ජනයාගේ අවශ්‍යතාවත් එයමයි. එනම්, මේ ජනතා උද්ඝෝෂනය ජනතා විප්ලවයක් ලෙස පිලිගෙන, ත්‍රිවිධ හමුදාවද ඊට අවනත විය යුතුයි. දැනට සිටින පාලකයන් හා දූෂිත අයුරින් ක්‍රියා කල ඉහල මට්ටමේ රාජ්‍ය නිලධාරින් තාවකාලිකව හෝ නිවාස අඩස්සියට පත් කල යුතුය.

විප්ලවයක් සිදු වූ පසු, රටට අලුත් ව්‍යවස්ථාවක් හඳුන්වා දිය හැකියි පාර්ලිමේන්තුව හරහා නොගොස් ඍජුවම ජනතා විචාරනයක් හරහා. එමඟින් චීනය, ඉන්දියාව, ඇමරිකාව, යුරෝපා සංගම් වැනි විදෙස් බලපෑම්වලින් තොරවද එම කටයුත්ත උගතුන් බුද්ධිමතුන් රටට අවශ්‍යම පරිදි එය සිදු කල හැකියි.

විප්ලවයෙන් පසු ජනතාව විසින්ම පිලිගත් දූෂන භීෂන චෝදනා නැති පිරිසක් භාරකාර ආණ්ඩුවක් ලෙස පත් කර ගත හැකිය. එම පිරිස විශ්ව විද්‍යාල ප්‍රජාවෙන්, වෙනත් වෘත්තික ප්‍රජාවෙන් හා පොදු ජනතාව අතරින් තෝරා ගත් හැකිය.

එක එකාගේ දේශපාලන න්‍යායන්ට හසු නොවෙමු. සුද්දාගෙන් නිදහස ලැබූ පසු ජනතාව ඇත්තටම තම බලය හඳුනාගත් අවස්ථාව මෙය වේ. එය අපතේ යැව්වොත් එය ලෝක අපරාදයකි. නැවත පරන අවජාතක දේශපාලුවන් තව මාස කිහිපයකින් පාලනය අතට ගන්න ඉඩ තියෙනවා.

එනිසා, ජනපති, අගමැති ඇතුලු මුලු ආන්ඩුවම ඉවත් කල යුතුයි (බලෙන්). විප්ලවයක් ලෙස පිලිගන්නේ නම්, “අරක කරන්න බැහැ මේක කරන්න බැහැ නීතියට අනුව“ වැනි පුස් වැකි අවලංගු වේ. ජනතාවගෙන් පිරිසක් තෝරා ගෙන භාරකාර ජනතා රජයක් බිහි කල යුතුය. ඉන් අලුත් ආන්ඩුක්‍රම ව්‍යවස්ථාවක් හඳුන්වා දී, ප්‍රජාතන්ත්‍රවාදි ඡන්දයකින් නව ආන්ඩුවක් බිහි කල යුතුය.

 

Read More »

WHO REVIEWS FACEBOOK CONTENTS IN SINHALA?

0

I HAVE BEEN CONSTANTLY HARASSED BY THE SINHALA CONTENT REVIEWERS WORKING FOR FACEBOOK. THEY DEFINITELY ARE HENCHMEN OF RAJAPAKKAS, MAYBE ILLEGIMATE OFFSPRINGS OF SATAKA APPACHCHI (IE, RAJAPAKKA). DURING THE PAST YEARS, I HAD COMPLAINED SEVERAL TIMES ABOUT THEM TO THE FB ADMINS.

AGAIN JUST A WHILE AGO, MY FB ACCOUNT HAS BEEN RESTRICTED. FB IS JUST TRIVIAL TO ME. ANYBODY CAN CREATE HUNDREDS OR THOUSANDS OF ACCOUNTS FOR THAT MATTER.

THIS TIME, THE REASON FOR RESTRICTING MY ACCOUNT IS DUE TO MY POSTING OF A VIDEO SHOWING A BRUTAL MOTHER ABUSING SEEMINGLY HER CHILD. I POSTED IT TO GET SOME INFORMATION ABOUT THIS INFORMATION TO HELP THE CHILD PROTECTION AUTHORITIES IN THE COUNTRY BY GIVING THEM THE NECESSARY DETAILS. ACTUALLY SEVERAL PEOPLE HAD COMMUNICATED TO ME ABOUT IT. HOWEVER, I KNOW THE REAL INTENT IS SOMETHING ELSE; THEY ARE HAVING POLITICAL INTERESTS.

YES... 

I AM AGAINST HOMOSEXUALITY. 

I AM AGAINST CORRUPTION. 

I AM AGAINST ALL SORTS OF CRUETLY TOWARDS CHILDREN. 

THEREFORE, NOBODY CAN STOP ME WRITING OR VOICING AGAINST THEM. 

I CAN'T REMEMBER HOW MANY TIMES MY FB PROFILES (AND PHONE NUMBERS AND EMAIL ACCOUNTS ASSOCIATED WITH THEM) HAVE BEEN BANNED BY THE FB (STILL BANNED) ON ONE OR SEVERAL GROUNDS MENTIONED ABOVE. 

POOR POLITICAL PROSTITUTES WORKING AS SINHALA CONTENT REVIEWERS FOR THE FB MUST BE SENT HOME IF THEY CANNOT STAY UNBIASED.

I DO URGE ANYBODY WHO THINKS THE FB SINHALA CONTENT REVIEWERS GO BEYOND THEIR DUE MANDATE OR SCOPE, PLEASE COMPLAIN ABOUT THEM TO THE FACEBOOK ADMINISTRATION.

Read More »

අලුත් කමෙන්ට්