the Tech Croach cyber-crawling the Information Super Highway

රෑට නිදහසේ සිටින විට කවියක් දෙකක් ආශාවට ලිවීමට මිතුරන් කිහිප දෙනෙකු සමඟ වට්ස්ඇප් කවි ග්රූප් එකක් සාදා එහි කවි ලියන පුරුද්දක් මෑතක සිට ඇත. බොහෝවිට ශ්රුංගාරාත්මක කවි වැඩිපුර එහි ලියැ වේ. සමහරවිට ශ්රුංගාරය දොරෙ ගලා අතිශය සංවේදී හෝ ග්‍රාම්‍ය මට්ටමටද එය වැටේ. එය වැලැක්විය නොහැකි හොඳ කුනුහරුපයකි. අද රාත්‍රියේද සුපුරුදු ලෙසම කවි සංවාදයක් ඇරඹී පැයක් දෙකක් පමන පෙලට කවි ලීම සිදු විය.  මිතුරෙකු පාසල් කාලය ගැන මතක් කර ලියූ කවියකින් එම කවි ගැටුම ආරම්භ විය. ඇත්තටම එය ගැටුමකටත් වඩා ගනිත විද්‍යා පාඩමක් විය. සරල ගනිත ගැටලු කිහිපයකින් පටන් ගත් එය අවසානයේ පරමඅංශු භෞතිකයෙන් අවසන් විය.  එය අධ්‍යාපනික කරුනු ගැප්ව ඇති කවි ඇතුලත් නිසා මෙලෙස බ්ලොග් එකෙහි පල කිරීමට සිත් විය. මා උඹ ගනන් හපනෙක් නම් හදහං මං ගානක් කියන්නම් එක්ස් වර්ගය සමානයි වයි නම් එය වයි විශයෙන් අවකලන කරහං එය සරල වැඩි ගානකි ටිකක් සැර වැඩි කරන්නෙමි දැන් ලඝු පයි පාදයකට පහකි එය ටී ගෙන් අවකලන කර සකි අපි යං වෙන පැත්තකට සංකීර්න සංඛ්‍යාවකට ඒ ධන අයි බී ට කියනු ඔයිලර් ක්‍රමයට දී ඇති යම් ශ්‍රිතයකි එය සුමට වක් නැති එක් තැනක සිඳුරකි අවකල ගැන කිම කී ...

යූටියුබ් නරඹමින් සිටින අතරේ, කිප්ලිං කවියා විසින් 1895 වසරේදී ලියන ලද මෙම කවි පංතිය මට අහම්බෙන් අසන්නට ලැබුනා ඊයේ රාත්‍රියේදි. පහුගිය දවසක, සිංහල හා ඉංග්‍රිසි චන්දස් ශාස්ත්‍රය (prosody) - විරිත්, වෘත්ත, foot, meter ආදිය - ගැනත් සුලු අධ්‍යනයක සිටි මට, මෙම කවි පංතිය පෙර දිනයේ උගත් කරුනුද යොදවමින් සිංහලයට පරිවර්තනය කිරීමට සුදුසු යැයි සිතුනා. මෙම ඉංග්‍රීසි කවිද iambic pentameter යන ඉංග්‍රිසි චන්දස් අලංකරන රීතිය අනුව සම්පාදනය කර තිබේ. එහිදී, ඉංග්‍රිසි කවියට සාධාරනයක් ඉටු කරනු වස්, ඊට ගැලපෙන විරිතක් ලෙස මාත්‍රා දහ අටකින් යුතු සමක විරිතින්ද, මැද (නව වන මාත්‍රාව) හා අග (අහ අටවන මාත්‍රාව) එලිසමයද ගලපා පහත ලෙස පරිවර්තනය කලා. සාමාන්‍යයෙන් ක්ෂනිකව පරිවර්තන සිදු කරන මට, මෙම පේලී අටේ කවි හතර පරිවර්තනය කිරීමට ඊයේ රාත්‍රි 12 සිට පාන්දර 4 පසු වන තුරුත් අවධිව සිටීමට සිදු වූවා.   If— By Rudyard Kipling If you can keep your head when all about you Are losing theirs and blaming it on you, If you can trust yourself when all men doubt you, But make allowance for their doubting too; If you can wait a...

සෑහෙන්න දවසක් තිස්සේ ලංකාවේ පවතින තත්වය ගැන ලිපියක් ලිවීමට සිතමින් සිටියත්, එය අරාබි නිසොල්ලාසය මෙන් ඉවරයක් නැති ඉතා දිගු ලිපියක් වීමට ඉඩ තිබුන බැවින් කල් දමමින් සිටියදි, ඇමරිකානු-ඊශ්‍රායල්-ඉරාන යුද්ධයද පැන නැඟීම නිසා, ඉතා කෙටි ලිපියක් ඒ ගැන ලිවීමට සිතුනි. විවිධ දෙස් විදෙස් ජනමාධ්‍ය හා විශේෂඥයන් හා අවශේෂ පුද්ගලයන් මෙම මැදපෙරදිග ගැටුම ගැන විවිධ අදහස් පල කරනවා. "මැදපෙරදිග" යන වචනයට අමතරව මෙම කලාපය හැඳින්වීමට "බටහිර ආසියා​ව"(Western Asia) යන වචනයද නිතර අසන්නට ලැබෙනවා (විශේෂයෙන් ඉංග්‍රිසි ජනමාධ්‍ය තුල). බොහෝ අය මෙම යුද්ධය ගැන විචාර කරන්න යොදාගන්නා මූලික ක්‍රමවේද දෙකක් පැහැදිලිවම ඉස්මතු වේ. 1. ලෝකයේ (විශේෂයෙන් ලංකාවේ) දැඩි ඇමරිකානු විරෝධි මිනිස් කොට්ඨාශයක් සිටී (මොහාන් සමරනායක වැනි). ඇමරිකාව ඍජුව හෝ ඔවුන්ගේ මූලිකත්වයෙන් බිහි කරන සියලු නූතන පහසුකම් හිරිකිතයකින් තොරව බුක්ති විඳිමින්, ඇමරිකාවට වෛර කිරීම ඔවුන්ගේ ජඩ පෞරුෂය වේ. ඇමරිකාව කුමක් කලත්, ඉන් ලෝකයට හොඳක් වුවත් විනාශයක් වුවත් ඇමරිකාවට සාප කිරීම ඔවුන්ගේ ලාක්ශනික ගතිගුනයයි. ඔවුන්ට අනුව ඇමරිකාව හා ඇමරිකන් ගැති ඊශ්‍රාලය තම...

මා දේශපාලනය හා නීතිය දැන ඉගෙන ගත් පලමු දවසේ සිටම ඉතා පිලිකුල් කල දෙයක් නම්, ඒ ලංකාවේ අධිකරණ අපහස නීතිය ලෙස අවභාවිතයේ පවතින තත්වයයි. පෞද්ගලිකව 2006 දී පමන මා හදාරමින් සිටි නීතිවේදි උපාධිය පවා අත් හළ එක් ප්‍රධාන සාධකයක් වූයේ ලංකාවේ නීතිය ගැන ඇති වූ දැඩි කලකිරීමයි. හැකි සෑම අවස්ථාවකදීම මා විවිධ ලිපි හා සංවාද හරහා එම තත්වය නිර්දය ලෙස විවේචනය කර තිබේ. රනිල්ව රිමාන්ඩ් කිරීම සම්බන්දයෙන් ක්‍රියාත්මක වූ නීති කෘත්‍ය හා අධිකරන අපහසය ගැන නැවත සැරයක් කරලියට පැමින තිබේ. නූතන මිනිස් සමාජය හා දියුනුව සලකා බලන විට, කිසිම පුද්ගලයකුට හෝ ආයතනයකට පූජනීය ස්ථානයක් ලබා නොදිය යුතුය. පූජනීයත්වය වෙනුවට පෞරුෂත්වය ආදේශ විය යුතුය. න්‍යායාත්මකවත් ප්‍රායෝගිකවත් ඒවා පූජනීය නොවේ.  තත් කාරනයට ඍජුව අදාල නොවුනත්, අප දැන්වත් විනිසුරුවරුන් "ස්වාමිනි" යන නාමයෙන් ඇමතීම තහනම් කල යුතුය. එය ඉපැරනි වැඩවසම් වචනයකි. හැම මගුලටම රිමාන්ඩ් කිරීමද නතර කල යුතුය. අදාල උසාවි දිනයේදී ඉදිරිපත් නොවන විටක, ඊට සාධාරන හේතු නැතිනම්, අන්න එය අධිකරන අපහසයක් ලෙස සලකා රිමාන්ඩ් නොව කෙලින්ම බන්ධනාගාර ගත කිරීමක් කලද කමක් නැත. ආගමික සංස්ථා පවා ...

මල ගෙවල්වල රාත්‍රිය ගෙවා දමන්නට හා නෑදෑයන් එකතු වූ මොහොතක අප කවුරුත් සෙල්ලම් කරන්නට පුරුදුව සිටින ඉතා ලස්සන කාඩ් සෙල්ලමක් තමයි ඕමි කියන්නේ. එහෙත් එය එකවර පුද්ගලයන් සතර දෙනෙකුට පමනයි සෙල්ලම් කල හැක්කේ. අද මට මිතුරියක් පැවසූ දෙයක් නිසා, මට සිතුනා එය සය දෙනෙකුට සෙල්ලම් කරන්න බැරිද කියා. ඒ අනුව සුලු වෙනස්කම් කිහිපයක් සිදු කළ විට, අපූරුවට සය දෙනෙකුට එය සෙල්ලම් කල හැකි බව පෙනුනා. ඒ ගැන පිටු තුනක කුඩා ටියුට් එකක්ද සාදා මා ඇයටත් අන් මිතුරන්ටත් බෙදා හැරියා. ඒ අතරේ සිතුනා බ්ලොග් එකෙත් දමන්නට. බලන්න ඔබත් මෙය සෙල්ලම් කර. සය පුද්ගල ඕමි සෙල්ලම සාමාන්‍ය ඕමි සෙල්ලම කරන්නේ පුද්ගලයන් 4 දෙනෙකු කන්ඩායම් දෙකකට බෙදීය. එම සෙල්ලම පුද්ගලයන් 6 දෙනෙකු විසින් කන්ඩායම් 3කට බෙදී කල හැකි ලෙස සකස් කර ඇති අතර, එහිදී එම වෙනස්කම්වලට අදාලව සිදු කල සරල රීති සංශෝධන හා අලුත් රීති පහත විස්තර කෙරේ.   මේ සඳහා 52 ක කොල කුට්ටම හා ජෝකර් කාඩ් 2ද අත්‍යවශ්‍ය වේ.   එක කන්ඩායමකට පුද්ගලයන් දෙදෙනකු සිටින අතර, එවැනි කන්ඩායම් 3ක් සිටී. ඒ අනුව පුද්ගලයන් 6 දෙනෙකුට මෙම සෙල්ලම කල හැකිය.   6 ඉලක්කමේ සිට (6ද ඇතුලුව) ඉහලට ඇති කොල 3...

මෑතකදී මා මිල දී ගත් අව් කන්නාඩියේ ප්‍රමිතිය ගැන මට ගැටලුවක් ඇති විය. දැන් මා එම ගැටලුව මුලු මනින්ම විසඳා ගත් අතර, එහි ඇති වැදගත්කම නිසා ඒ ගැන කෙටි ලිපියක් ලියන්නට සිතුනා. සමහර අය සිතන්නේ අව් කන්නාඩි පලදින්නේ සෝබනේට බවයි. ඔව්, සෝබනේටත් එය පැලදිය හැකි අතර මා සිතන්නේ ලංකාවේ බොහෝ අය එය පලදින්නේ ඇත්තටම සෝබනේට තමයි මොකද ඔවුන් මිල දී ගන්නා අව් කන්නාඩියේ තිබිය යුතු වැදගත් අංග මොනවාද යන්න ගැන අවබෝධයක් නැති අතර, හුදෙක්ම එහි හැඩය ගැන පමනයි සලකන්නේ. පලමුව කිව යුත්තේ ප්‍රමිතිගත අව්කන්නාඩි පැලදීම ඇත්තටම ඉතාම හොඳ සෞඛ්‍යසම්පන්න පුරුද්දක් බව. ඊට හේතු කිහිපයක් තිබේ. එලිමහනේ යද්දී හෝ සිටිද්දී අපේ ඇසට සාමාන්‍ය ආලෝකයට පමනක් නොව පාරජම්බූල කිරන (ultraviolet rays - UV rays) පවා ඇතුලු වේ. පාරජම්බූල කිරන යනු ඇසට පමනක් නොව, බොහෝ දේවලට අහිතකර කිරණ විශේෂයකි (හරියට එක්ස්රේ වගේ දරුනුයි යැයි සිතන්න). ඉතිං, එක්ස් කිරණ මෙන්ම පාරජම්බූල කිරණද අපේ ඇසට කොතරම් ඇතුලු වුවත් අපට එය තේරෙන්නේ නැත (ඇස සංවේදී නැත). ඉතිං, පාරජම්බූල කිරණ ඇසට ඇතුලු වූ විට ඇසේ සුද මතු වේ. අද එය සුලභ රෝගයකි (බොහෝ අය කාච දමන්නේ එම රෝගය නිසාය).  ඉති...

තරමක ඕපාදූපයක් ගැන ලියන්නට හිතුනා. මේක දේශපාලන ඔපාදූපයක්. ලංකා දේශපාලනය හැඩගැස්වීමට (හොඳට නරකට) මූලික වූ දේශපාලන චරිත හා පරම්පරා කිහිපයක තොරතුරු ටිකක් ගැනයි මේ සටහන. ඔවුන් එකිනෙකා නෑයෝ. අන්න ඒ නෑදෑකම් ගැන පමනයි මා මෙහිදි සටහන් කරන්නට සිතන්නේ. සේනානායක, බණ්ඩාරනායක, ඔබේසේකර, විජේවර්ධන, ජයවර්ධන, කොතලාවල ආදී පරම්පරා අතර තිබෙන නෑ සබඳතා ගැනයි මේ විමසුම. එහෙත් ඒ ගැන ලිවීමට පෙර මේ මොහොතේ සමාජ මාධ්‍ය තුල පක්ෂ විපක්ෂව කතා කෙරෙන ජනපති අනුර හා පිරිසගේ විදෙස් සංචාර වියදම හා ඊට සාපේක්ෂව හිටපු ජනපතිවරුන්ගේ විදෙස් සංචාරක වියදම ගැනත් කෙටියෙන් සටහනක් තැබීමට කැමතියි. හිටපු ජනපතිවරුන්ගේ, විශේෂයෙන් මහින්ද රාජපක්කගේ විදෙස් සංචාර ගැන අපට ඇත්තටම ඇත්තේ පිලිකුලකි. උන් රටේ දුප්පත් ජනයාගේ වියදමින් එම ගමන් බිමන් ගියේ හා විනෝද වුනේ ධනවත් කුවේරයන් මෙනි. ඒ ගැන තිබෙන පිලිකුල එලෙසම නොවෙනස්ව තිබේ. ඊට සාපේක්ෂව අනුර කුමාරගේ වියදම රුපියල් ලක්ෂ 18ක් බව පැවසේ. මේ ගැන චාමර මන්ත්‍රී වරයා පාර්ලිමේන්තුවේදී අපූරු කතාවක් කලා. අනුරට බාගේ ටිකට් කඩලද දන්නේ නැහැ යනුවෙන් ඔහු කල හාස්‍යජනක ප්‍රකාශය ඇත්තටම ඇසිය යුතු ඉතාම නිවැරදි ප්‍රකාශයය...