the Tech Croach cyber-crawling the Information Super Highway

අන්තර්ජාලය ඔස්සේ ටීවී චැනල් බැලීමට හා රේඩියෝ චැනල් ඇසීමට පරිගණක වැඩ සටහන් නිපදවා තිබේ. මෙවැනි සමහර සොෆ්ට්වෙයාර් නොමිලේ මෙන්ම මුදල් ගෙවා ලබා ගත හැකියි. ලිනක්ස් (විශේෂයෙන් ලිනක්ස් මින්ට් හා උබුන්ටු) සඳහාද මෙවැනි සොෆ්ට්වෙයාර් ගණනාවක්ම තිබෙනවා. ඒ අතරින් Radio Tray නම් වැඩසටහන නොමිලේම ඉන්ස්ටෝල් කර ගත හැකියි. මින්ට්වල package manager ඕපන් කර radio tray ලෙස ටයිප් කළ විට මෙම වැඩසටහන පෙනේවි. එය ඉන්ස්ටෝල් කර ගන්න. එය ඉන්ස්ටෝල් කර ගත් පසු, All Applications -> Sound and Video යන මෙනුවේ මෙම වැඩසටහන රන් කිරීමට ෂෝට්කට් එක පිහිටනු ඇත. එය රන් කළ විට සිස්ටම් ට්‍රේ එකේ අයිකනයක් පෙනේවි. එය මත ක්ලික් කළ විට, දැනටමත් ඉබේම ඇතුලත් කර තිබෙන රේඩියෝ චැනල් ලිස්ට් එකක් පෙනෙනවා. රේඩියෝ ලිස්ට් එක කාණ්ඩවලට බෙදා ඇත. මෙම කාණ්ඩ වෙනස් කිරීම හා අලුතින් කාණ්ඩ ඇතුලු කිරීමටද ඔබට හැකියි. කාණ්ඩ (ගෘප්/කැටගරි) තුළ තිබෙන රේඩියෝ චැනල් මැකීමට, වෙනස් කිරීමට (edit), හා අලුත් චැනල් එකතු කිරීමටත් (add) හැකියි. කාණ්ඩයක් තුළ තිබෙන චැනලයක් මත ක්ලික් කළ විට, ඉබේම එම චැනලය ඔන් වේවි (ඇසේවි). රන් වෙන චැනලයක් රන් වන විට, එම චැනලය ඕෆ් ...

වයිෆයි (WiFi) ක්‍රමයෙන් උපකරණ දෙකක සම්බන්ධ කරන ප්‍රධාන ආකාර දෙකක් පවතිනවා. 1. infrastructure හෝ AP (Access Point) mode 2. adhoc mode මින් පළමු ආකාරයට සම්බන්ධ කිරීමට ඇක්සෙස් පොයින්ට් නමින් හැඳින්වෙන වයිෆයි ගේට්වේ/රවුටර්/ස්විච් එකක් අවශ්‍ය කරනවා. බොහෝම පහසුවෙන් ඇස්සෙස් පොයින්ට් ක්‍රමයට වයිෆයි කනෙක්ෂන් එකක් සෑදීමට බොහෝ දෙනා දන්නා, නමුත් ඇඩ්හෝක් ක්‍රමයට සෑදීම තරමක් කරදරකාරී දෙයක් වෙනවා. මෙම ලිපියෙන් පෙන්වා දෙන්නේ ලින්ක්ස්හි ඇඩ්හොක් ක්‍රමයට පහසුවෙන්ම වයිෆයි සම්බන්ධතාවක් සාදන අයුරුයි. ඇඩ්හොක් ක්‍රමයේ ඇති වටිනාකම වන්නේ මේ සඳහා අමුතුවෙන් ඇක්සෙස් පොයින්ට් නම් උපාංගයක් මිලට ගැනීමට අවශ්‍ය නොවීමයි. ඔබේ උපාංගවල දැනටමත් වයිෆයි පහසුකම ඇත්නම්, කෙලින්ම එම උපාංග එකිනෙකට වයිෆයි ක්‍රමයෙන් සම්බන්ධ කළ හැකියි. එම උපාංග වන්නේ බොහෝවිට පරිගණග, ටැබ්, සහ ජංගම දුරකතනයි. පළමුව ඔබේ ලින්ක්ස් මින්ට් මෙහෙයුම් පද්ධතියේ වයිෆයි සෙටිංස් සැකසිය යුතුයි. ඔබේ පරිගණකයේ (හාඩ්වෙයාර්) වයිෆයි ස්විචයක් ඇත්නම් එය ඕන් කරන්න (එවිට බොහෝවිට පරිගණකයේ වයිෆයි දැන් ක්‍රියාත්මකව පවතින බව හැඟවීමට කුඩා බල්බයක්ද දැල්වේවි). සිස්ටම් ...

පහත දැක්වෙන ලින්ක් එකෙන් මවිසින් සිංහල බසින් ලියන ලද ලිනක්ස් මෙහෙයුම් පද්ධතිය පිළිබඳ පොත නොමිලේම ඩවුන්ලෝඩ් කරගත හැකියි. පෞද්ගලික පාවිච්චිය සඳහා පමණයි. වින්ඩෝස් වෙනුවට ලිනක්ස්

Scanner සැකසීම කොලයක තිබෙන දෙයක් පරිගණකය තුළට ගැනීමට ඇති හොඳම ක්‍රමය මෙය වේ . ස්කැනර් එකක් නැති අවස්ථාවක ෆෝන් එකේ කැමරාවෙන් හෝ වෙනත් කැමරාවකින් එම කොලයේ ෆොටෝ එකක් ගෙන එය පරිගණය තුළට ගැනීමට හැකියි . එවිට හොඳම කොලිටියෙන් ෆොටෝ එක ගැනීම වැදගත් . අද පවතින ස්කැනර් usb පෝට් එකකින් පරිගණකයට සම්බන්ධ කෙරේ . ඔබ කොමියුනිකේෂන්වල නිතර දකින ෆොටෝකොපි යන්ත්‍රයද ස්කැනරයක් හා ප්‍රින්ටරයක් යන දෙකම එකට පවතින උපකරණයකි . එහිදී ඔබ දැක ඇති එම යන්ත්‍රයේ පියනක් ඔසවා කොපි කළ යුතු කොලය තබයි . එවිට එම කොලය ස්කෑන් වී එහි ඇති ලේසර් ප්‍රින්ටරයෙන් ප්‍රින්ට් වේ . පරිගණකයකට ස්කැනර් එකක් ගැනීමේදී අර ෆොටෝකොපි මැෂින් එකේදී මෙන් පියන ඇර කොලය තැන්පත් කළ හැකි ආකාරයේ එකක් ගැනීමට වගබලා ගන්න (flatbed scanner). ඔබ දැක තිබෙනවා ෆැක්ස් මැෂින් . එහිත් ඇත්තටම ස්කැනර් එකක් හා ප්‍රින්ටරයක් ඇත . එහෙත් මෙහිදී ෆැක්ස් කළ යුතු කොලය ඇතුලු කරන්නේ සිහින් ට්‍රේ එකක් තුළටය . එවිට එම කොලය එම ට්‍රේ එකේ කැරකෙන රෝලර් අතරින් ගමන් කරයි . මේ ආකාරයට සාදා තිබෙන ස්කැනර්ද ඇත . එහෙත් එවැන්නකට වඩා ඉහත ෆ්ලැට්බෙඩ් ස්කැනර් එකක් ගැනීම උචිතයි . ෆ්ලැට්බෙඩ් වර්ගයේ ...

PDF ෆයිල් යනු නැතිවම බැරි ෆයිල් ෆෝමැට් එකකි. බොහෝ අවස්ථාවලදී පීඩීඑෆ් ෆයිල් කියවීමට පමණක් පුරුදු වී සිටියද, සමහර අවස්ථා තිබෙනවා පීඩීඑෆ් ෆයිල් එක මතම යම් යම් දේවල් ලිවීමට. බොහෝ අවස්ථාවලදී මේ සදහාම නිපදවා ඇති PDF Form ෆෝමැට් එකද ඇත. සාමාන්‍ය පීඩීඑෆ් ෆයිල් එකක් වේවා පීඩීඑෆ් ෆෝර්ම් එකක් වේවා, මේ දෙයාකාරයේම පීඩීඑෆ් ෆයිල් සමග ඉතාම පහසුවෙනුත් ඉතා ඉක්මනිනුත් තමන්ට අවශ්‍ය ඕනෑම සංස්කරණයක් (ලිවීමක්, ඇදීමක්) සිදු කිරීමට හැකි සොෆ්ට්වෙයාර් එකක් ඉනස්ටෝල් කර ගැනීම ඉතාම ප්‍රයෝජනවත්. ලිනක්ස් සදහා ඇති එවැනි අපූරුතම හා හොදම සොෆ්ට්වෙයාර් එක ලෙස මා සිතන්නේ Master PDF Editor for Linux ය. එය නොමිලේම පෞද්ගලික පාවිච්චිය සදහා  https://code-industry.net/downloads/  යන ලින්ක් එකෙන් ඩවුන්ලෝඩ් කරගත හැකියි. එය 8MB පමණ සයිස් එකේ ෆයිල් එකකි. එහි ඉන්ටර්ෆේස් එකේ ප්‍රොෆෙෂනල් බව මෙන්ම එහි ඇති ටූල්ස් (ෆන්ක්ෂන්ස්) විශාල සංඛ්‍යාව නිසා ඕනෑම එඩිට් එකක් මෙමගින් සිදු කරගත හැකියි.

Mobile phone පරිගණකයට සම්බන්ධ කිරීම අද තිබෙන ඕනෑම මොබයිල් ෆෝන් එකක් ලින්කස්වලට සම්බන්ධ කළ හැකියි . ඉහත දැක්වූ ලෙස බ්ලූටූත් ඊට භාවිතා කළ හැකියි . USB කේබල් එකක් භාවිතා කිරීමටද හැකියි . කෙසේ වෙතත් , බ්ලූටූත්වලට වඩා කේබල් එකක් භාවිතා කිරීම යෝග්‍ය විය හැකියි . ඊට හේතුව කේබල් එකකින් කනෙක්ට් කර තිබෙන විට , එය වඩා වේගවත් වන අතර , කනෙක්ෂන් එක වඩා විශ්වාසනීය ( ශක්තිමත් ) වේ . සාමාන්‍යයෙන් USB සොකට් වර්ග තුනක් ඇත . පරිගණකයට ප්ලග් කරන විශාල වර්ගය normal USB වේ . ඊට වඩා කුඩා එක mini USB ද , ඊටත් වඩා කුඩාම එක micro USB ද වේ ( පහත රූපය ). ෆෝන්වල තිබෙන යූඑස්බී පෝට් එක බොහෝ විට මයික්‍රො යූඑස්බී වේ ( මිනි යූඑස්බී තිබෙන ඒවාද ඇත ). මා මෙම වචන තුන ඔබට හඳුන්වා දුන්නේ බොහෝ අය මෙම නම් නොදන්නා නිසාය . ෆෝන් එකක් සම්බන්ධ කළ පමණින් බොහෝවිට වෙනත් කිසිදු අමතර සෙටිං සැකසීමකින් තොරවම එම ෆෝන් එකේ storage ( ෆෝන් එකේ අභ්‍යන්තර ෆ්ලෑෂ් ඩ්‍රයිව් එක හා එහි සවිකර තිබෙන භාහිර මෙමරි කාඩ් ) පරිගණකයේ පෙන්වයි ( සාමාන්‍යයෙන් ෆයිල් හා ෆෝල්ඩර් බලන ආකාරයට caja වලින් බැලිය හැකියි ). ඒවා සාමාන්‍යයෙන් ඔටෝ මවුන්ට් වේවි . ඔටෝ මවුන...

බ්ලූටූත් අයිකනය මත ක්ලික් ( හෝ රයිට් ක්ලික් ) කර , එහි උඩින්ම තිබෙන Turn Bluetooth On යන්න එබූ විට බ්ලූටූත් සක්‍රිය කෙරේ . සක්‍රියව තිබෙන විට , එය Turn Bluetooth Off ලෙස පෙනෙන අතර , එවිට එය තේරීමෙන් බ්ලූටූත් ඕෆ් වේ . එම මෙනු එකේම Setup New Device… යන්න තේරීමෙන් පරිගණකය සමග යම් බ්ලූටූත් උපකරණයක් සම්බන්ධ කරන්න (pair) අවස්ථාව ලැබේ ( ඒ සඳහා පහත ආකාරයේ වින්ඩෝ එකක් පෙනේවි ). මෙහි Forward යන්න ඔබන්න . එවිට පහත ආකාරයට එය දිස්වේවි . මෙහි මැද විශාල කොටුවේ දිස්වන්නේ පරිගණකය ස්කෑන් කළ විට ඊට සොයාගත හැකි වූ අහල පහල ඇති බ්ලූටූත් උපකරණ වේ . නැවත ස්කෑන් කිරීමට ඊට යටින් තිබෙන " ලොකු කර බලන කන්නාඩිය " (magnifying glass) රූපය සහිත අයිකන් එක මත ක්ලික් කරන්න . ඔබට කනෙක්ට් කිරීමට අවශ්‍ය බ්ලූටූත් උපකරණය මෙම ලිස්ට් එකේ තිබිය යුතුය . ( එය දිස් නොවේ නම් , එම උපකරණයේ බ්ලූටූත් ඔන් කර ඇත්දැයි බලන්න . තවද , එම උපකරණයේ Visibility එක Hidden කර ඇත්නම් , එය වෙනස් කරන්න (visible/show). තවද , එම උපකරණය පරිගණකයට ආසන්නව තබාගන්න .)   එවිට එම උපකරණය මෙහි දිස්වනු ඇත . දැන් එය තෝරාගෙන Forward කරන්න . එවිට ...