අන්තර්ජාලයෙන් රේඩියෝ ඇසීම

අන්තර්ජාලය ඔස්සේ ටීවී චැනල් බැලීමට හා රේඩියෝ චැනල් ඇසීමට පරිගණක වැඩ සටහන් නිපදවා තිබේ. මෙවැනි සමහර සොෆ්ට්වෙයාර් නොමිලේ මෙන්ම මුදල් ගෙවා ලබා ගත හැකියි. ලිනක්ස් (විශේෂයෙන් ලිනක්ස් මින්ට් හා උබුන්ටු) සඳහාද මෙවැනි සොෆ්ට්වෙයාර් ගණනාවක්ම තිබෙනවා. ඒ අතරින් Radio Tray නම් වැඩසටහන නොමිලේම ඉන්ස්ටෝල් කර ගත හැකියි.

මින්ට්වල package manager ඕපන් කර radio tray ලෙස ටයිප් කළ විට මෙම වැඩසටහන පෙනේවි. එය ඉන්ස්ටෝල් කර ගන්න. එය ඉන්ස්ටෝල් කර ගත් පසු, All Applications -> Sound and Video යන මෙනුවේ මෙම වැඩසටහන රන් කිරීමට ෂෝට්කට් එක පිහිටනු ඇත. එය රන් කළ විට සිස්ටම් ට්‍රේ එකේ අයිකනයක් පෙනේවි.

එය මත ක්ලික් කළ විට, දැනටමත් ඉබේම ඇතුලත් කර තිබෙන රේඩියෝ චැනල් ලිස්ට් එකක් පෙනෙනවා. රේඩියෝ ලිස්ට් එක කාණ්ඩවලට බෙදා ඇත. මෙම කාණ්ඩ වෙනස් කිරීම හා අලුතින් කාණ්ඩ ඇතුලු කිරීමටද ඔබට හැකියි. කාණ්ඩ (ගෘප්/කැටගරි) තුළ තිබෙන රේඩියෝ චැනල් මැකීමට, වෙනස් කිරීමට (edit), හා අලුත් චැනල් එකතු කිරීමටත් (add) හැකියි. කාණ්ඩයක් තුළ තිබෙන චැනලයක් මත ක්ලික් කළ විට, ඉබේම එම චැනලය ඔන් වේවි (ඇසේවි).

රන් වෙන චැනලයක් රන් වන විට, එම චැනලය ඕෆ් කිරීමට මෙනු අයිටමයක් ඉබේම මෙනු එකේ උඩින්ම එකතු වේ (turn off <channel name>). එය ක්ලික් කළ විට දැනට රන් වෙන චැනලය ඕෆ් වේ. ඊට අමතරව වෙනත් චැනලයක් තෝරන විට, ඉබේම දැන් ප්ලේ වෙන චැනලය නතර වේවි.

සාමාන්‍යයෙන් මෙම සොෆ්ට්වෙයාර් එක ඉන්ස්ටෝල් කළ විට, එහි ශ්‍රී ලංකාවේ චැනල් දක්නට ලැබෙන්නේ නැත. ඇත්තටම අන්තර්ජාලය තුළ දහස් ගණනක් රේඩියෝ චැනල් තිබුණත්, ඉබේම එම සියලුම චැනල් මෙම සොෆ්ට්වෙයාර් එකට එකතු වෙන්නේ නැත. එවැනි අවස්ථාවකදී, ඔබ සොයන චැනලය ඉන්ටර්නෙට් එක හරහා විසුරුවා හරිනවාද කියා සොයා බැලිය යුතුයි. ඉන්ටර්නෙට් එකේ දැනටමත් එය විසුරුවා හරින්නේ නැති නම්, මෙම සොෆ්ට්වෙයාර් එකෙන් හෝ වෙනත් ඕනෑම සොෆ්ට්වෙයාර් එකකින් ඊට ඇහුම්කන් දිය නොහැකි බවද මතක තබා ගන්න.

දැන් ඔබට අවශ්‍ය චැනලය ඔනලයින්/ඉන්ටර්නෙට් එකේ විසුරුවා හරිනවා නම්, එම ඔන්ලයින් චැනලයේ URL එක හා port එක සොයා ගත යුතුයි. පහත දැක්වෙන්නේ ලංකාවේ චැනල් කිහිපයක url හා port ය (පෝට් එක සාමාන්‍යයෙන් url එකේ අගට එකතු කර ලිවිය යුතුයි කෝලන් එකකින්; පෝට් එකක් ලියන්නේ නැති නම් ඉන් කියන්නේ පෝට් අංකය 80 බවයි).

පහත දැක්වෙන්නේ එවැනි ඔන්ලයින් චැනල් කිහිපයක url වේ.

ශ්‍රි ලංකා ගුවන් විදුලියේ ස්වදේශීය සේවය : http://220.247.227.1/live
ශ්‍රී ලංකා ගුවන් විදුලියේ වෙළඳ සේවය: http://220.247.227.2/live
ශ්‍රී ලංකා ගුවන් විදුලියේ දෙමළ සේවය (thendral): http://220.247.227.3/live
ශ්‍රී ලංකා ගුවන් විදුලියේ සිටි එෆ් එම්: http://220.247.227.6/live
සිරස එෆ් එම්: http://76.164.217.100:7024
Gold FM: http://209.95.39.46:8020
හිරු එෆ් එම්: http://209.95.39.46:8010
Lite FM: http://192.99.99.195:8020
නෙත් එෆ් එම්: http://66.55.144.67:8104
Sun FM: http://37.130.229.188:8090
Yes FM: http://76.164.217.100:7030
Y FM: http://76.164.217.100:7036
BBC Word Service (NEWS): http://bbcwssc.ic.llnwd.net/stream/bbcwssc_mp1_ws-einws
BBC Radio 1: http://bbcmedia.ic.llnwd.net/stream/bbcmedia_radio1_mf_p
BBC Radio 2: http://bbcmedia.ic.llnwd.net/stream/bbcmedia_radio2_mf_p
BBC Radio 3: http://bbcmedia.ic.llnwd.net/stream/bbcmedia_radio3_mf_p
BBC Radio 4: http://bbcmedia.ic.llnwd.net/stream/bbcmedia_radio4fm_mf_p
BBC Radio 5: http://bbcmedia.ic.llnwd.net/stream/bbcmedia_radio5live_mf_p

මෙවැනි චැනලයක් add කිරීමට ඉහත සොෆ්ට්වෙයාර් එක මත ක්ලික් කර එහි Preferences -> Configure radios... යන්න ක්ලික් කරන්න. එවිට පහත රූපයේ ආකාරයට වින්ඩෝ එකක් එනවා.

එහි තමන් කැමති කැටගරි එක තෝරාගන්න. අවශ්‍ය නම් අලුත් නමකින් කැටගරි එකක් පළමුව සාදා ගන්න. ඒ සඳහා Add Group යන්න ක්ලික් කර නමක් ලබා දෙන්න. දැන් Add යන්න ක්ලික් කරන්න. එහි URL යන්නට රේඩියෝ එකේ url එක ලබා දෙන්න. Radio name යන්නට තමන් කැමති නමක් (චැනල් එකේ නම) දෙන්න. Group යන්නෙන් මෙම චැනලය ඇඩ් කරන ගෘප් එක තෝරන්න. එච්චරයි