Skip to main content

Proposal to Reform the United Nations

Proposal to Reform the United Nations     Preamble It is obvious that the current United Nations is not democratic and fair because it is effectively controlled by the five States which have the veto power.   Even to amend it to become a better democratic global institution is impossible because the Security Council stops such process.   This situation must be stopped at any cost. The vast majority of the Member states are deprived of their equitable place and dignity in this present system. Therefore, they must be prepared to be brave and smart enough to re-form a new United Nations, if the existing system is not willing to be reformed in better and democratic way.     1.      A new UN Charter should be adopted based on the current Charter with amendments to include the proposed changes herewith.     2.      The functional and administrative organizational hierarchy should be as follows.   3.      The General Assembly (UNGA) shall be made the apex body of the UN, and all other arms/of

මෝහනය / mohanaya (Hypnosis) - 16


කුඩා ළමුන් සදහා ඉහත කතන්දර ස්වරූපයේ යෝජනා නොකියා, සාමාන්‍ය ඍජු යෝජනා වුවද ඔබට දිය හැකියි. ළමයෙකුට තේරුම්ගත හැකි සරල වචන පමණක් යොදා ගැනීමට වගබලා ගත යුතුය. “සැහැල්ලු වෙනවා” (රිලැක්ස්) යන වචනය වෙනුවට “නින්ද යනවා” යන වචනයද කුඩා ළමුන් සඳහා භාවිතා කළ හැකියි.

ප්‍රතිගමනය

ප්‍රතිගමනය (regression) යනු මෝහනයේ සිටින විට ඔහුව අතීතයට ගෙන යෑමයි. එනම් යම් අතීත සිද්ධියක් නැවත සිහිගැන්වීමයි. බොහෝ අය මෝහනයෙන් පෙර ආත්මයට යනවා යැයි (වැරදියට) තේරුම් ගෙන තිබෙන්නේද මෙයයි.
ඔබ ඊයේ දවල් කෑවේ මොනවාදැයි බොහෝ විට ඔබට මතක තිබේ. එලෙසම ගිය වසරේ අද වගේ දවසක දවල්ට කෑවේ මොනවාදැයි ඔබට මතකයක් තිබේද? නැහැ නේද? අපගේ මතකයේ තිබෙන්නේ නිතර භාවිතා කෙරෙන දේවල් බව සාමාන්‍ය පිළිගැනීමයි. භාවිතා නොකරන දේවල් ක්‍රමයෙන් මතකයෙන් දුරස් වේ. යම් කාලයකට පෙර ඔබ බොහොම මහන්සියෙන් පාඩම් කළ බොහෝ දේවල් මතක නැහැ නේද? වෛද්‍ය හා මනෝ විද්‍යාත්මකව මතකය ගැන බොහෝ න්‍යායන් ගොඩනඟා ඇත.
එහෙත් මෝහනවේදයට එම න්‍යායන් එතරම්ම වැදගත් නැත. මෝහනවේදය අනුව නම්, (දිගු කාලීන) මතකය යටි සිතේ පවතින ලක්ෂණයක් වේ. අප උපන්දා සිට මේ වන තුරු කරපු කියපු ඒවා එහි තැන්පත්ව ඇත. බොහෝ අය විශ්වාස කරන්නේ මෙලෙස තැන්පත් වන සියලු දේම සදහටම යටි සිතේ පවතින බවයි.
(මා හට පෞද්ගලිකවම එය විශ්වාස කළ නොහැකියි. බොහෝ දේවල් මතකයේ පැවතියත් සෑම දේම එසේ පැවතිය නොහැකි බව විද්‍යාත්මකව තර්ක කළ හැකියි. මෙය තව දුරටත් විද්‍යාවෙන් පර්යේෂණ කර සොයා බැලිය යුත්තකි. මා තර්ක කරන්නේ මෙවැන්නකි. ඔබ යමක් කළ විට එහි බලපෑම නිසා තවත් දෙයක් සිදු වේ; ඒකෙන් තවත් දෙයක්ද; ඒකෙන් තවත් දෙයක්ද ආදී වශයෙන් දම්වැලක පුරුක් ස්වරූපයෙන් සිදුවීම් දාමයක් හටගනී. ඇත්තටම මෙය රේඛීයව සරල ආකාරයට නැතිව ජාලයක් සේ (ගසක සංකීර්ණ ආකාරයට අතු බෙදී ඇති ආකාරයකට) අති සංකීර්ණ ස්වරූපයක් ගනී. එහෙත් මේ සිදුවීම් ජාලය අතරම එවැනි ජාලගත නොවන හුදකලා සිදුවීම්ද ඕනෑ තරම් සිදු කරයි. ඒවා පසු හා පෙර සිදුවීම්වලට තීරණාත්මකව සම්බන්ධ නොවේ. මෙවැනි හුදකලා සිදුවීම් මතක තබා ගැනීමට අවශ්‍යතාවක් හෝ වටිනාකමක් ජීවියෙකුට නොමැත. එහෙත් එම සිදුවීම් පවා ටික කාලයක් මනසේ/මොලයේ රැඳී පවතී. ඊට හේතුව ඕනෑම මතකයක් යනු මොලයේ ශෛල අතර සිදුවන යම් රසායනික ක්‍රියාවකි. එම රසායනික ක්‍රියාව වියැකී යෑමට යම් කාලයක් ගත වේ. (එය හරියට ඔබේ නිවසේ බිත්තියක තීන්ත ගානවා බදුයි. තීන්ත ගා යම් කාලයකට පසුව එම තීන්ත අවපැහැ ගැන්වේ. එවිට නැවත ඔබ තීන්ත ගානවා නේද?) එතෙක් එම මතකය තිබේ. අපට මතක තබා ගත යුතු දේවලදී මෙම රසායනික ක්‍රියාව නැවත නැවත සිදු වේ. එය හරියට බැටරියක් නැවත චාජ් කරනවා බදුයි. එමනිසා එවැනි මතකයන්ට අදාල රසායනික තත්වය දිගින් දිගටම පවතී. උදාහරණයක් ලෙස ඔබ සාමාන්‍යයෙන් දවල්ට කන එක මතක තබා ගැනීමේ වටිනාකමක් නැත. එහෙත් ඔබ ඔබේ පෙම්වතිය සමග පළමු වරට කෑම ගත් අවස්ථාව එසේ පහසුවෙන් අමතක නොවේ. ඔබ යම් කෑමක් කෑ පසු දැඩිව රෝග වූ විටකත් එම කෑම වේල අමතක නොවේ. තවද, කාලයත් සමග එවැනි මතකයන් පවා යම් යම් වෙනස්වීම්වලට භාජනය වේ. ඊට හේතුව සිදුවීමක් නිසා ඇති වන මුල් මතකයේ රසායනික ක්‍රියාව ඒ ලෙසම නැවත “චාජ් වීමේදී” ඇති නොවේ. එය ඔබට පහසුවෙන් තේරුම්ගත හැකි දෙයක් නේද? චිත්‍රයක් වුවත් බලාගෙන තව චිත්‍රයක් අඳින විට මුල් චිත්‍රය එලෙසම අඳින්න බැහැ. කාලයක් මුලුල්ලේ මෙවැනි කුඩා කුඩා වෙනස්කම් නිසා අවසානයේ අපට මතක තිබෙන්නේ සියුම් කාරණා මැකී ඇති, වැදගත් කාරණා පමණක් රැඳී තිබෙන මතකයකි.)
මතකය (memory) සමගම එකට බැඳී පවතින තවත් මානසික තත්වයක් තමයි ස්මරණය (remembering, recalling) කියන්නේ. මතකයේ පවතින දෙයක් සිහි කිරීම හෙවත් උඩු සිතට මතු කර ගැනීම මින් සිදු වේ. ඇත්තටම ඔබ සිතනවාට වඩා අති විශාල ප්‍රමාණයක තොරතුරු ඔබේ යටි සිතේ දිගු කාලීන මතකයේ පවතී. එහෙත් ඉන් ඉතාම ස්වල්ප ප්‍රමාණයක් විතරයි ඔබට මතක් කර ගන්නට හැක්කේ. සමහරක් ඉතා පහසුවෙන් හා ක්ෂණයෙන් මතක් වේ. උදාහරණයක් ලෙස ඔබේ නම, ඔබේ මවගේ රූපය, ප්‍රියතම සිංදුව ආදිය ඔබට ක්ෂණයෙන් පහසුවෙන් මතක් වන අතර, ඔබ කුඩා කාලයේ ඉගෙන ගත් කවි එලෙස පහසුවෙන් මතක් නොවේ. සමහර දේවල් ගැන කිසිම හැඟීමක් නැතිවත් (ඒ කියන්නේ මතකයන් නැහැ වගේ) යටි සිතේ තිබිය හැකියි.
විවිධ දේවල් විවිධ මට්ටම්වලින් මතක් කිරීමට ඇති හැකියාව පිටුපස හේතු කිහිපයක් තිබේ. එකක් නම්, ඔබ ඒ ඒ කාරණා එදිනෙදා භාවිතයට ගැනෙන වාර ගණන (frequency) වේ. නිතර භාවිතයට ගැනෙන දේවල් ඉක්මනින් මතක් කර ගත හැකියි. කුස්සියක වුණත් නිතර භාවිතා කරන අමුද්‍රව්‍ය පේනතෙක් මානයේ තබා ගන්නවා නේද? තවත් හේතුවක් නම්, සමහර මතක නිතර මතකේ තිබීම ජීවියාට අහිතකර අන්දමින් බලපාන්නට පුළුවන්. එවිට යටි සිතේ ආරක්ෂක උපක්‍රමය විසින් එවැනි මතක උඩු සිතට මතුවීම වලක්වනවා. (ඉහතදී අපසර්ජනය ගැන කතා කරන විට මේ ගැන ඉගෙන ගත්තා මතකද?) මෙවැනි විටක එම මතකයන් ගැන උඩු සිතට වගේ වගක් නැත. සමහර අය දරුණු අනතුරුවලට ආදිය මුහුණ දුන් පසු ඒ ගැන මතකයක් ඔවුන්ට නැති වෙන අවස්ථා ඔබ අසා තිබෙනවා නේද? එහෙත් යටි සිතේ මෙම මතකය හොඳින් ගබඩා වී පවතිනවා. උඩු සිතට ස්මරණය කිරීමට නොහැකියාවක් පමණයි තිබෙන්නේ.
ඉහත කරුණු සිහියේ තබාගෙන ප්‍රතිගමනය ගැන ඉගෙන ගත යුතුයි. ප්‍රතිගමනය සිදු වෙන්නේ මෝහනයේදී බැවින් ඉහත ස්මරණ ගැටලුවක් ඊට නැත. යටි සිතේ යම් මතකයක් තිබෙයි නම් පහසුවෙන්ම ඒ මතකයන් ඔස්සේ යා හැකියි. එහෙත් යටි සිතේ පවතින මතකයන් කාලයත් සමග සිදු වූ වෙනස්කම් එලෙසම පවතී. ඒ කියන්නේ මෝහනයේදී පවා අපට මුල්ම (ඔරිජිනල්) මතකයම හමු නොවේ. එහෙත් අනිවාර්යෙන්ම සාමාන්‍ය තත්වයට වඩා අති විශාල මතකයන් ප්‍රමාණයක් සමග මෝහනයේ සිටින විටදී ගනුදෙනු කෙරේ.
තවද, ප්‍රතිගමනයේදී බොහෝ විට මෝහනලාභියා එම “බොහෝ දුරට සත්‍ය” මතකයන් සමග තමන් විසින් නිර්මාණය කරන ලද කරුණුද කිව හැකියි (ඒ කියන්නේ බොරුද කිව හැකියි). මෙලෙස බොරු කීම වුවමනාවෙන් හෝ වුවමනාවක් නැතිවම සිදු විය හැකියි. ඔබ දන්නවා මෝහනයේදී වුවත් තමන්ට කැමති දේවල් සිදු කරන්න පුළුවන් කියා. එනිසා ඔහුට අවශ්‍ය නම් යම් තොරතුරු නොකියා සිටීමටත්, සමහරක් තොරතුරු විකෘති කිරීමත් කළ හැකියි. එය තීරණය වන්නේ පුද්ගලයාගේ අවංකභාවය මතයි. එනිසයි, උසාවි කටයුතුවලදී අපරාධ සිදුවීම්වල සාක්කි ලෙස මෝහනය යොදාගන්නේ නැත්තේ. එහෙත් අපරාධ චූදිතයින් ගැන විමර්ශන නිළධාරින්ට යම් යම් හෝඩුවාවල් සොයා ගැනීමට මෝහනය යොදා ගත හැකියි. උදාහරණයක් ලෙස, යම් මිනීමරුවෙකු දැක්කත් ඔහුගේ විස්තර හොඳ හැටි සාමාන්‍ය මතකයෙන් කිව නොහැකි අවස්ථාවක, එසේ ඇසින් දුටු සාක්කිකරුවාව මෝහනයට පත් කර, අපරාධකරුවාගේ හැඩරුව හා වෙනත් අවශ්‍ය විස්තර සොයා ගැනීමට පුළුවන් විය හැකියි (මොකද අපරාධකරුවාව ඇත්තටම දැක්කා නම්, ඔහුගේ විස්තර යටි සිතේ තිබිය යුතුයි).
ප්‍රතිගමනය ඇත්තටම අපට අවශ්‍ය කාලයක් දක්වා අතීතයට ගෙන යා හැකියි. සමහර විට, මෝහනලාභියා මෙලොවට බිහි වෙන්නට පෙර මවු කුස තුළ සිටින අවධියට වුවත් එය කිරීමේ හැකියාවක් තිබෙනවා. මෙය තවදුරටත් අතීතයට ගෙන යා හැකියි. එවිට, මවු කුසට එන්නට පෙර අවස්ථාවටත් යා හැකියි. ඒ කියන්නේ “පෙර භවය/ආත්මය” (previous life) යි. මෙය ඇත්තටම සිත්ගන්නාසුළු කාරණයක්. සමහර අය මෙලෙස පුද්ගලයන්ව පෙර ආත්මයන් දක්වා මෝහනය කර එමගින් පුනර්භවය (reincarnation) ගැන පර්යේෂණ කරනවා. තව දුරටත් අතීතතයට ප්‍රතිගමනය සිදු කර ආත්මයන් ගණනාවකට පසුපසටත් ගමන් කළ හැකියි.
මින් කියන්නේ මෝහනය පුනර්භවය ඔප්පු කරන බවක්ද? (පෙර භවයන් තිබෙන බවක්ද?) ඊට පිළිතුරක් සිතීමට පෙර මේ ගැනත් බලන්න. මෝහනයෙන් කෙනෙකුව අතීතයට පමණක් නොව ඉදිරියටත් (අනාගතය දෙසට) ගෙන යා හැකියි. එවිට ඇත්තටම “ප්‍රතිගමනය” යන වචනයද සුදුසු නොවේ මක්නිසාදයත් එහි තේරුම “ආපස්සට යෑම” වැන්නක්. (මේ අවස්ථා දෙකමට, එනම් අතීතයටත් අනාගතයටත් මෝහනය තුළින් ගමන් කිරීමට සුදුසු වචනයක් යෝජනා කරන්න.) එතකොට මෝහනය මගින් අනාගතය දැකීමේ හැකියාවකුත් පවතීද? තවද, මා මොහොතකට පෙරත් පැවසුවා ප්‍රතිගමනයේදී මෝහනලාභියා ප්‍රබන්ධ (එනම් බොරු) සාදන බවත්. මේ කරුණු කිහිපයම සලකා බලන විට, ඔබ විවෘත මනසකින් බලන විට පිළිතුරක් ලැබේ. අවශ්‍ය නම්, ඔබටම මෙවැනි පර්යේෂණ සිදු කර බැලිය හැකියි. විද්‍යා උපකරණ හෝ විද්‍යාගාර හෝ මුදල් වැය වීමක් මෝහනය සඳහා අවශ්‍ය නොවන නිසා පහසුවෙන් එවැනි පර්යේෂණ සිදු කළ හැකියි.
එක එක්නෙකාගේ විශ්වාසය කුමක් වුවත්, එක් කාරණයක් ගැන නම් සෑම කෙනාටම එකඟ වන්නට පුළුවන්. එය නම්, ප්‍රතිගමනය ඉතා හොඳ මෝහන ප්‍රතිකර්ම ක්‍රමයක් බව. සිය ගණනක් වූ භිතිකා (phobia) වර්ග සුව කිරීමට ප්‍රතිගමනය යොදාගන්නා ඉතාම සුලභ අවස්ථාවක්.
ඇත්තටම, ප්‍රතිගමනය හොඳ මෝහන ප්‍රතිකර්මයකට අමතරව විනෝදාස්වාදය (recreation) සඳහාද බහුලව යොදා ගන්නවා. ඒ කියන්නේ තමන් ගිය ආත්මයේ කවුරු වගේ සිටියාද ඉදිරියේදී කවුරු වගේ වේවිද කියා දැන ගැනීමට කුතුහලයක් බොහෝ දෙනාට පවතින නිසා, සාස්තරකාරයන්, ජ්‍යෝතිෂකාරයන් ගාවට ගොස් එවැනි අද්භූත දේවල් ගැන දැනගන්නාක් මෙන් මෝහනයේ ප්‍රතිගමනයද එලෙසම යොදාගන්නවා. මෙය විනෝදාත්මක ප්‍රතිගමනය (recreational regression) කියා හැඳින්වෙනවා. මෙය විනෝදයට පමණක් සිදු කරනවා නම් කිසිදු අහිතකර දෙයක් නොමැති අතර, එවැනි පෙර ආත්ම හෝ ඉදිරියට වෙන දේවල ගැන කියන තොරතුරු සත්‍ය යැයි පිළිගන්න සූදානම් වන අය ඇත්තටම පරිස්සම් විය යුතුයි. ඒවා විශ්වාස කරමින් පසු තැවෙමින් භය වෙමින් ජීවිතය කාලකන්නි කර ගැනීමටත් එය හේතුවක් විය හැකියි.
ප්‍රතිගමනය මගින් සහනයක් ලබා ගන්නේ කෙලෙසද? ඊට හේතු මොනවාද? මීට ඇත්තේ සරල පිළිතුරකි. (යටි සිතේ පවතින) යම් යම් හේතු නිසා මානසිකවත් ශාරීරිකවත් අප රෝගින් හෝ දුබලයන් බවට පත් වේ. උදාහරණයක් ලෙස කරුවලට භීතිකාවක් පවතින කෙනෙකු සලකමු. ඇත්තටම කරුවලට භය වීමට හේතු නැතිවා නොවේ. කරුවලේදී සර්පයන්ගෙන් සොර සතුරන්ගෙන් කරදර ඇති විය හැකියි. එවැනි බියක් ඇතිවීම නම් සාධාරණයි. එහෙත් කරුවලට ඇති භීතිකාව එවැන්නක් නොවේ. කරුවල වැටුණු පසු තමන්ගේම කාමරයේ ලයිට් එකක් නැතිව නිදා ගන්නට ඔහු බියක් දක්වනවා. අවශ්‍යතාවකටවත් රෑට ගෙදරින් එලියට බහින්නට බියයි. රෑට වටපිට බලන්නට බියයි. මෙය නම් අසාමාන්‍ය තත්වයක්. මෙවැනි භීතිකාවක් ඔහුට ඇති වූයේ කෙලෙසද? බොහෝ විට, මෙය ඔහුට අතීතයේදී සිදු වූ යම් සිදුවීමක් නිසා ඇති වූවක්. සමහරවිට එම සිද්ධිය වූයේ ඔහු ඉතා කුඩා කාලයෙ වන්නට පුළුවන්. උදාහරණයක් ලෙස, කුඩා කාලයේ ඔහු බලපු “හොල්මන් කතාවක්” වෙන්නට පුළුවන්. සමහරවිට වචනයක්වත් කතාකරන්නට බැරි වයසේ අත දරුවෙකුව සිටි කාලයේ සිදුවීමක් වන්නටත් පුළුවන්. උදාහරණයක් ලෙස කුඩා දරුවා රෑ සිටින විට, ඉතා විශාල ශබ්දයක් එකවර ඇති වී ළඳරුවා දැඩි පීඩාවකට ලක් වීමක් විය හැකියි. තවත් සමහර සිදුවීම් මව්කුස තුළ සිටින විට සිදු වූවක් විය හැකියි. තවත් සිද්ධීන් “ගිය ආත්මයක” සිදුවීමක් දක්වා යයි (ඇත්තටම ගිය ආත්මයක් තිබේද නැද්ද යන්න අපට මෙහිදී වැදගත් නැත. මෝහනවේදියා වශයෙන් ඔබ එවැන්නක් විශ්වාස කළත් නැතත් වැඩක් නැත. පූසා මැටියෙන් හැදුවත් මීයන් අල්ලනවා නම් එච්චරයි නේද ඔබටත් අවශ්‍යය? ප්‍රතිගමනය අපට තවත් එක් මෙවලමක් විතරයි.) මේ කුමන ආකාරයක සිද්ධියක් ඔහුගේ දැන් පවතින ගැටළුවට හේතුවක්. අනිවාර්යෙන්ම මෙවැනි අතීත සිදුවීමක් තිබෙනවා සෑම භීතිකාවක් පිටුපස.
දැන් ඔබ කළ යුත්තේ ඔහුට එම භීතිකාව (හෝ වෙනත් ගැටළුවක්) ඇති කළ අතීත සිදුවීමට ප්‍රතිගමනය කර, එම සිදුවීම මගින් ඔහුට ඇතිකරන අයහපත් බලපෑම ඉවත් කිරීමයි. එම ඍණාත්මක සිදුවීම ඉවත් කළ පසු, ඒ මොහොතේ සිටම එම පීඩාව ඔහුගෙන් ඉවත් වේ. මෝහන ප්‍රතිකර්මය එයයි. මෙහදී ප්‍රතිගමනය අපට ඒ සඳහා එක් මෙවලමක් පමණයි. අප දැන් ඉගෙන ගත යුතුයි ප්‍රතිගමනය සිදු කරන අයුරුත් ඉන් ප්‍රයෝජනය ගන්නා අයුරුත්.

Hypnosis (mohanaya) ... 

මවිසින් ඉංග්‍රිසි බසින් ලියා ඇමසන් හි ප්‍රකාශයට පත් කළ මෝහනය මුල සිට ක්‍රමානුකූලව උගන්වන අත්පොත පහත ලින්ක් එක මත ක්ලික් කර දැන් නිවසටම ගෙන්වා ගත හැකිය.

https://www.amazon.com/dp/B0851MHRSM

Comments

Popular posts from this blog

දන්නා සිංහලෙන් ඉංග්‍රිසි ඉගෙන ගනිමු - පාඩම 1

මෙම පොත (පාඩම් මාලාව) පරිශීලනය කිරීමට ඔබට එදිනෙදා සිංහල භාෂාව භාවිතා කිරීමේ හැකියාව හා සාමාන්‍ය බුද්ධිය පමණක් තිබීම අවම සුදුසුකම ලෙස මා සලකනවා.  තවද, ඇසෙන පරිදි ඉංග්‍රීසි අකුරින් ලිවීමට හැකිවීම හා ඉංග්‍රීසියෙන් ලියා ඇති දෙයක් කියවීමට හැකි නම්, ඔබට මෙතැන් සිට මෙම පාඩම් මාලාව කියවා ඉගෙන ගත හැකිය.  ඔබට එසේ ඉංග්‍රීසි කියවීම හා ලිවීම ගැන දැනීමක් දැනටමත් නොමැත්තේ නම්, කරුණාකර මෙ‍ම පොතෙහි “අතිරේකය - 1 ”  බලා පළමුව එම හැකියාව ඇති කරගන්න.  තවද, හැකි පමණ ඉංග්‍රීසි වචනද පාඩම් කරගන්න. ඔබ හිතවතෙකුගේ නිවසකට හෝ වෙනත් පිටස්තර තැනකට යන විටෙක හැසිරෙන්නේ ඔබට අවශ්‍ය විදියටම නෙමේ නේද?  එනම්, පිට නිවසකට ගිය විට අහවල් පුටුව තිබෙන තැන හරි නැහැ, අහවල් එක මෙහෙම තිබෙන්නට ඕනෑ ආදී ලෙස ඔවුනට පවසන්නේ නැහැ, මොකද අප සිටින්නේ අනුන්ගේ තැනක නිසා.  එලෙසම, ඉංග්‍රීසි භාෂාව යනු සිංහල නොවේ.  ඔබ කැමැති වුවත් නැතත් ඉංග්‍රීසි ඉගෙනීමේදීද අප ඉංග්‍රීසි ව්‍යාකරණ රීති හා රටා එපරිද්දෙන්ම උගත යුතුය.  එනම්, සෑම සිංහල වගන්ති රටාවක්ම ඉංග්‍රීසියට ඔබ්බන්නට නොව, ඉංග්‍රීසියේ ඇති රටා ඔබ දන්නා සිංහල භාෂාව තුළින් ඉගෙනීමට උත්සහ කළ යුතුය. 

කතාවක් කර පොරක් වන්න...

කෙනෙකුගේ ජීවිතය තුල අඩුම වශයෙන් එක් වතාවක් හෝ කතාවක් පිරිසක් ඉදිරියේ කර තිබෙනවාට කිසිදු සැකයක් නැත. පාසැලේදී බලෙන් හෝ යම් සංගම් සැසියක හෝ රැස්වීමක හෝ එම කතාව සමහරවිට සිදු කර ඇති. පාසලේදී කතා මඟ හැරීමට ටොයිලට් එකේ සැඟවුනු අවස්ථාද මට දැන් සිහිපත් වේ. එහෙත් එදා එසේ කතා මඟ හැරීම ගැන අපරාදේ එහෙම කළේ යැයි අද සිතේ. යහලුවන් ඉදිරියේ "පොර" වෙන්න තිබූ අවස්ථා මඟ හැරුණේ යැයි දුකක් සිතට නැඟේ. ඇත්තටම කතාවක් කිරීම "පොර" කමකි. දක්ෂ කතිකයන්ට සමාජයේ ඉහල වටිනාකමක් හිමි වේ. පාසැලේදී වේවා, මඟුලක් අවමඟුලක් හෝ වෙනත් ඕනෑම සමාජ අවස්ථාවකදී වේවා දේශපාලන වේදිකාව මත වේවා කතාවක් කිරීමේදී පිලිපැදිය යුත්තේ සරල පිලිවෙතකි. එහෙත් එම සරල පිලිවෙත තුල වුවද, තමන්ගේ අනන්‍යතාව රඳවන කතාවක් කිරීමට කාටත් හැකිය. පුද්ගලයාගෙන් පුද්ගලයා වෙනස් වේ. එම වෙනස ප්‍රසිද්ධ කතා (public speaking) තුලද පවත්වාගත හැකිය. මේ ගැන මට ලිපියක් ලියන්නට සිතුනේ මාගේ මිතුරෙකුට ප්‍රසිද්ධ කතාවක් කිරීමට අවශ්‍ය වී, ඒ ගැන මේ ළඟ දවසක අප පැයක් පමණ සිදු කළ සංවාදයක් නිසාය. මා ප්‍රසිද්ධ දේශකයකු නොවුණත් මේ විෂය සම්බන්දයෙන් පාසැල් කාලයේ සිටම පත

දන්නා සිංහලෙන් ඉංග්‍රිසි ඉගෙන ගනිමු - අතිරේකය 1

මූලික ඉංග්‍රීසි ලිවීම හා කියවීම ඉංග්‍රීසියෙන් ලියන්නේ හා ඉංග්‍රීසියෙන් ලියා ඇති දෙයක් කියවන්නේ කෙසේද?  ඉංග්‍රීසිය ඉගෙනීමට පෙර ඔබට මෙම හැකියාව තිබිය යුතුමය.  එය එතරම් අපහසු දෙයක්ද නොවේ.  ඔබේ උනන්දුව හොඳින් ‍තිබේ නම්, පැය කිහිපයකින් ඔබට මෙම හැකියාව ඇති කර ගත හැකිය.  මුල සිට පියවරෙන් පියවර එය උගන්වන්නම්.   මුලින්ම මිනිසා භාෂාවක් භාවිතා කළේ ශබ්දයෙන් පමණි.  එනම් ලිඛිත භාෂාව ඇති වූයේ පසු කාලයකදීය.  කටින් නිකුත් කරන ශබ්ද කනින් අසා ඔවුන් අදහස් උවමාරු කර ගත්තා.  පසුව ඔවුන්ට වුවමනා වුණා මෙම ශබ්ද කොලයක හෝ වෙනත් දෙයක සටහන් කර ගන්නට.  ඒ සඳහායි අකුරු නිර්මාණය කර ගත්තේ.  එම අකුරු නියෝජනය කරන්නේ ශබ්දයි .  මෙසේ මූලික අකුරු කිහිපයක් ඔවුන් එක එක භාෂාව සඳහා නිර්මාණය කර ගත්තා.  ඉංග්‍රීසියේදී මෙලෙස මූලික අකුරු 26ක් ඇත.   එය ඉංග්‍රීසි හෝඩිය ලෙස හැඳින් වෙනවා. අප ඉගෙන ගත යුත්තේ මෙම අකුරු මඟින් නියෝජනය කෙරෙන ශබ්ද මොනවාද යන්නයි.  එවිට ඔබට ඉංග්‍රීසි ලිවීමට හා කියවීමට හැකි වෙනවා.  ඊට පෙර අප අකුරු 26 දැනගත යුතුයි.  එම අකුරු 26 පහත දක්වා ඇත.  ඉංග්‍රීසියේදී සෑම අකුරක්ම “සිම්පල්” හා “කැපිටල්” ලෙස දෙයාකාර

දෛශික (vectors) - 1

එදිනෙදා ජීවිතයේදිත් විද්‍යාවේදිත් අපට විවිධාකාරයේ අගයන් සමඟ කටයුතු කිරීමට සිදු වෙනවා . ඉන් සමහරක් නිකංම සංඛ්‍යාවකින් ප්‍රකාශ කළ හැකි අගයන්ය . අඹ ගෙඩි 4 ක් , ළමයි 6 දෙනෙක් ආදී ලෙස ඒවා ප්‍රකාශ කළ හැකියි . තවත් සමහර අවස්ථාවලදී නිකංම අගයකින් / සංඛ්‍යාවකින් පමණක් ප්‍රකාශ කළ නොහැකි දේවල් / රාශි (quantity) හමු වේ . මෙවිට “මීටර්” , “ තත්පර” , “ කිලෝග්‍රෑම්” වැනි යම් ඒකකයක් (unit) සමඟ එම අගයන් පැවසිය යුතුය ; නැතිනම් ප්‍රකාශ කරන අදහස නිශ්චිත නොවේ . උදාහරණයක් ලෙස , “ මං 5 කින් එන්නම්” යැයි කී විට , එම 5 යනු තත්පරද , පැයද , දවස්ද , අවුරුදුද ආදි ලෙස නිශ්චිත නොවේ . මේ දෙවර්ගයේම අගයන් අදිශ (scalar) ලෙස හැඳින්වේ . අදිශයක් හෙවත් අදිශ රාශියක් යනු විශාලත්වයක් පමණක් ඇති දිශාවක් නැති අගයන්ය . ඔබේ වයස කියන විට , “ උතුරට 24 යි , නැගෙනහිරට 16 යි” කියා කියන්නේ නැහැනෙ මොකද දිශාව යන සාධකය / කාරණය වයස නමැති රාශියට වැදගත්කමක් නැත . එහෙත් සමහර අවස්ථා තිබෙනවා අගයක් / විශාලත්වයක් (magnitude) මෙන්ම දිශාවක්ද (direction) පැවසීමට සිදු වන . මෙවැනි රාශි දෛශික (vector) ලෙස හැඳින්වේ . උදාහරණයක් ලෙස , ඔබ යම් “බලයක්

දැනගත යුතු ඉංග්‍රිසි වචන -1

ඉංග්‍රිසි බස ඉගැනීමේදී වචන කොපමණ උගත යුතුද, එම වචන මොනවාදැයි බොහෝ දෙනෙකුට මතුවන ගැටලුවක් වන අතර, බොහෝ දෙනා ඊට විවිධ පිලිතුරුද සපයා ඇත. මේ ගැන හොඳින් පරීක්ෂණය කර ඇමරිකානු ආයතනයක් විසින් වචන 5000ක ලැයිස්තුවක් ඉදිරිපත් කර ඇත. එම ලැයිස්තුව මා කෙටස් දෙකකට (දිගු වැඩි නිසා) සිංහල තේරුම්ද සහිතව ඉදිරිපත් කර ඇත. (මේවා සැකසුවත් සෝදුපත් බලා නැති නිසා සුලු සුලු දෝෂ සමහරවිට තිබිය හැකිය). පහත ලැයිස්තුවේ වචන 2500ක් ඇත.    Word    තේරුම        be    ඉන්නවා    and    හා    of    ගේ    in    තුල    to    ට    have    තියෙනවා    to    ට    it    ඒක, ඌ    I    මම    that    ... කියලා, ඒ/අර, ඒක/අරක    for    සඳහා    you    ඔබ, ඔබලා    he    ඔහු    with    සමඟ    on    මත    do    කරනවා, "මෙව්ව කරනවා"    say    කියනවා    this    මේ, මේක    they    උන්, ඒවා, ඒගොල්ලෝ    at    දෙස, අසල    but    නමුත්    we    අපි    his    ඔහුගේ    from    සිට, ගෙන්    not    නැහැ    by    විසින්, මඟින්    she    ඇය    or    හෝ, හෙවත්    as    විට, නිසා, වශයෙන්    what    මොකක්ද,