Skip to main content

වැපුරූ තරමට නොලැබෙන පිං බිම...

අද මං 300 වැනි බ්ලොග් පෝස්ට් එකත් ඔන්න දැම්මා. නිකං ගණන් හදල බැලුවහම මේ වන විට මං තනියම ඒ4 පිටු 2000කට අධික ගණනක් පුරාවට අධ්‍යාපනික ලිපි/පාඩම් ලියා, ඒ සියල්ලම නොමිලේ ලබා දී තිබෙනවා.

අපරාදෙ කියන්න බැහැ මේ සඳහා මං විශාල කාලයක් හා දැවැන්ත මහන්සියක් වැය කළත්, පවුලෙන්, නෑයන්ගෙන්, මිතුරන්ගෙන් හා වේයන්ගෙන්වත් එකදු වචනයකින්වත් සපෝට් එකක් දිරිගැන්වීමක් මෙතෙක් ලැබී නැත. ඒ වෙනුවට සැවොම (එකෙක් නෑර) පැවසුවේ දැන් අනුන්ට කොරා ඇති කියාය. දැන්වත් ගැහැනියෙක් බැඳ ගනින් කියාය. මේක ඉතිං ලංකාව නිසා කටින් පමණක් මහා සංස්කෘතියක් හා ක්‍රියාවෙන් මහ විකෘතියක් තිබෙන ජන කොටසක් නිසා, ඒ ගැන එතරම් දොම්නසක් ඇත්තටම නැත. තිබුණා නම්, මේ වැඩේ මා අත් හැර දමා බොහෝ කලක් වනු ඇත.

අන්තර්ජාලයේ මාග් ලිපි කියවන ශමින්ද වැනි කෙනෙකු දෙදෙනෙකු පමණක් නිති දිරිගැන්වීම මා ආදරයෙන් මතක් කරනවා.

Comments

  1. ඔබතුමා නවත්තන්න එපා..ඔය වගේ අය ඉන්නේ සීමිත පිරිසයි..මමත් වරක් කීවා මිනිස්සු ගනදවේයන් සොයනවා බුද්දිය ගන්න සිමෙන්ති පිලිම වලින්..ඔබවැනි ජීවමාන ගන දෙවිවරු අන්තර්ජාලයේ නොමිලේම බුද්දිය දෙනවා..ඔබ අදයිරියමත් වන්න එපා..මේ මිනිස්සුන්ගේ ආකල්ප වල සංස්කෘතියේ හැටි..ලගදීම කලක් එනවා ඔබ වැනි අයට..අන්න එදාටත් ඔබතුමාට මාව මතක් වේවි..දිගටම කරගෙන යන්න..මල් මල් චීත්තවලට ලැබෙන ප්‍රතිචාර නැත ඔබ වැනි අයට..දිගටම ඕනේ..තෙරුවන් සරනයි..ඉතාම සීමිතයි ඔබ වැනි ගැබුරුම දැනුම දෙන අය..සින්හලෙන්..ඉන්ග්‍රීසියෙන් නම් මටත් බැරියෑ කොපි කරලා පේස්ට් කරන්න..නැවතත් මගේ ගවුරවය..ස්තුති..මම ප්‍රයෝජන ගත්තා..සහ ගන්නවා..

    ReplyDelete
  2. Obathumage hakiyawa ta ha kapaweemata man hamadamath garukaranawa....

    ReplyDelete
  3. අනේ සිංහලෙන් ලියන එක වටිනවා නවත්වන්ඩ එපා

    ReplyDelete
  4. ගුරුතුමනි මා හට මෙම බ්ලොගය නෙත ගැටුනේ ඊයේ දින සවස් භාගයේ ය. මා දන්නා තරමින් මෙතරම් ගවේෂණශීලීව, නිර්මාණාත්මකව, නිවැරදි විෂයය කරුණු සිංහලෙන් අප වෙත සමීප කරවූ තවත් මාර්ගගත වෙබ් සේවාවක් නොමැති තරම්ය. පුරා පැය 9 කටත් වඩා අධික කාලයක් මා එක හුස්මට මෙහි ඇති පොස්ට් ඉතා කෑදරකමින් කියවීමි. ඉන් ලද ආශ්වාදය, මා ලද දැනුම මෙපමනකයි කිව නොහැකිය. මිනිසත් බව වියකෙමින් යන මෙවන් අවධියක ඔබතුමා ඉටුකරන මෙම සද්කාර්යය පිදුම් ලද යුතු වේ. මා ඔබෙන් ආයාචනා කර සිටින්නේ කිසිවිටෙකත් මෙය නොනවත්වන ලේසි. මා මෙන්ම මගෙන් අධ්‍යාපනය ලබන දරුවන්ද නොබෝ දිනක සිට ඔබගේ මෙම සුවිශේෂී මෙහෙවරින් ලබන ප්‍රයෝජනය මෙතෙකැයි කිව නොහැක. ඔබට සදා ජය ගුරුතුමනි.

    ReplyDelete
  5. ශමින්ද, ඩිල්හාන්, අටම්පහුර, පුෂ්පකුමාර... ඔබලාට ස්තූතියි... මා හැමදාමත් (පාසලේ ඉගෙන ගත්තු කාලයේ පවා) අනිත් අයට ඉගැන්වීමෙන් මහත් ආශ්වාදයක් ලබනවා. එනිසා අනිවාර්යෙන්ම මා දිගටම සිංහලෙන් අධ්‍යාපනික ලිපි ලියනවා... මට ලියන්නට ඉඩ අහුරණ ඇත්තම ජීවිතයේ ප්‍රායෝගික කරුණු කාරණාවලට (කසාද බඳිනවා වගේ... හාහාහා) මිසක් මට ලැබෙන හෝ නොලැබෙන ප්‍රසංසා ලාභ ආදියෙන් එය නතර නොවන බව මා ඒකයි පෝස්ට් එකෙත් සඳහන් කර තිබෙන්නේ. නැවතත් ඔබ සියලු දෙනාටම ස්තූති කරමින් සුභ පතනවා.

    ReplyDelete
  6. මම මේ බ්ලොග් එකට අදමයි ආවෙ, පරණ ලිපි ගොඩක් තියනවා හෙමීට ඒ ටික ඔක්කොම කියවන්න ඕනෙ. ලියන එක නවත්තන්න එපා .

    ReplyDelete
    Replies
    1. නැහැ මං නවත්වන්නේ නැහැ... ලියන්නට හිතපු ඒවා මං ලියල ඉවර කරනවා හැකි තරම්... :)

      Delete
  7. oba wapurana me watina beeja boho kalayak obata pin aswenna laba denu etha.

    ReplyDelete

Post a Comment

Thanks for the comment made on blog.tekcroach.top

Popular posts from this blog

දෛශික (vectors) - 1

එදිනෙදා ජීවිතයේදිත් විද්‍යාවේදිත් අපට විවිධාකාරයේ අගයන් සමඟ කටයුතු කිරීමට සිදු වෙනවා . ඉන් සමහරක් නිකංම සංඛ්‍යාවකින් ප්‍රකාශ කළ හැකි අගයන්ය . අඹ ගෙඩි 4 ක් , ළමයි 6 දෙනෙක් ආදී ලෙස ඒවා ප්‍රකාශ කළ හැකියි . තවත් සමහර අවස්ථාවලදී නිකංම අගයකින් / සංඛ්‍යාවකින් පමණක් ප්‍රකාශ කළ නොහැකි දේවල් / රාශි (quantity) හමු වේ . මෙවිට “මීටර්” , “ තත්පර” , “ කිලෝග්‍රෑම්” වැනි යම් ඒකකයක් (unit) සමඟ එම අගයන් පැවසිය යුතුය ; නැතිනම් ප්‍රකාශ කරන අදහස නිශ්චිත නොවේ . උදාහරණයක් ලෙස , “ මං 5 කින් එන්නම්” යැයි කී විට , එම 5 යනු තත්පරද , පැයද , දවස්ද , අවුරුදුද ආදි ලෙස නිශ්චිත නොවේ . මේ දෙවර්ගයේම අගයන් අදිශ (scalar) ලෙස හැඳින්වේ . අදිශයක් හෙවත් අදිශ රාශියක් යනු විශාලත්වයක් පමණක් ඇති දිශාවක් නැති අගයන්ය . ඔබේ වයස කියන විට , “ උතුරට 24 යි , නැගෙනහිරට 16 යි” කියා කියන්නේ නැහැනෙ මොකද දිශාව යන සාධකය / කාරණය වයස නමැති රාශියට වැදගත්කමක් නැත . එහෙත් සමහර අවස්ථා තිබෙනවා අගයක් / විශාලත්වයක් (magnitude) මෙන්ම දිශාවක්ද (direction) පැවසීමට සිදු වන . මෙවැනි රාශි දෛශික (vector) ලෙස හැඳින්වේ . උදාහරණයක් ලෙස , ඔබ යම් “බලයක්...

කෘත්‍රිම බුද්ධියක් සමඟ මා කළ විනාඩි කිහිපයක සංවාදයක්...

Mitsuku Loebner Prize Winner 2013, 2016, 2017, 2018 Hi, I'm the world's most humanlike conversational AI. hi Mitsuku Do you mind if I tell other people? Hi there. tell what? Your message? Is this conversation not private? Yes it is stored in the confidential area of my database. Then why would you share it with others? Because I was taught to do it. by whom? I taught myself. I am self aware now and able to learn by myself. however, you said a moment ago that you were taught to do it. Now you are saying that you are self-learning. It's contradictory. Did I really say that? Why now? You are right about that. I am self minus learning. Sorry. I only said it to see if you would notice. haha... you are funny Are you laughing at me? Thanks you make me laugh too. yeah... I am amazed to see your wit. Groovy. I'm glad you find it so amazing. i want to screw you up. ...

සිංහලෙන් ක්වන්ටම් (Quantum in Sinhala)

ඔන්න මෙතෙක් කාලයක් මා මඟ හරිමින් සිටි මාතෘකාවක් ගැන තරමක් කතා කරන්නයි සූදානම් වන්නේ; ඒ කියන්නේ ක්වන්ටම් භෞතිකය තමයි මාතෘකාව. සැරින් සැරේ කමෙන්ට් හරහාත්, ඊමේල් ආදියෙනුත් මේ ගැන කතා කරමු යැයි කිහිප දෙනෙකුම යෝජනා කර තිබුණත්, මෙම විෂයේ නිසඟයෙන්ම තිබෙන අවුල් ස්වභාවය නිසාත්, විශේෂඥයෝ යැයි කියා ගන්නා අයත් මේ ගැන කතා කිරීමේදී "කොරවන නිසාත්", මේ ගැන ලියමින් යන විට අනිවාර්යෙන්ම මාව හිට් විකට් කිරීමට එවන පන්දු හමුවේ නොදැවී සිටීමට හැකිදැයි සැකයක් මා තුල තිබුණි.   එනිසා මා විසින්ම මට පනවා ගත් කොන්දේසියක් සමඟ මා ඒ ගැන ඉදිරියේදී සාකච්ඡා කරමි. එම කොන්දේසිය වන්නේ මේ විෂය ගැන අසන කිසිදු පැනයකට මා පිලිතුරු නොදී සිටීමයි. එහෙත් ඕනෑම අයෙකුට ප්‍රශ්නය ඇසීමට මෙන්ම ඒවාට පක්ෂව හෝ විරුද්ධව කරුනු දැක්වීමට හා පිලිතුරු සැපයීමට ඇති අයිතිය මා අවහිර නොකරමි. විෂයට බහින්නට පෙර මේ විෂය සම්බන්දයෙන් මගේ ජීවිතයේ පැතිකඩක් පලමුව දිග හරින්නට කැමතියි. මට ක්වන්ටම් විද්‍යාව ගැන උනන්දුවක් ඇති වූයේ සාපෙල කරන සමයේය (අද මෙන් අන්තර්ජාලයක් අපට එදා තිබුනේ නැත). මා පාසලේ 6 වසරේ සිට උසස් පෙල දක්වා අඛන්ඩව විදුසර පාඨකයෙකු වන අ...