Skip to main content

රේඩියෝ විකිරණය දැනෙන්නේ කෙසේද?

මා මීට දින කිහිපයකට පෙර දීර්ඝ වශයෙන් රේඩියෝ විකිරණය ගැන ලියා තිබේ. රේඩියෝ විකිරණයෙන් තාප උත්සර්ජනයක් පේශි තුල ඇති විය හැකි බවත්, ඉන් ප්‍රෝටීන් විකෘති වී ඌනතා රෝග ඇති විය හැකි බවත් අද විද්‍යාවෙන් හොඳින් තහවුරු කර ඇති මතයකි.

මෙම කුඩා ලිපිය ලියන්නට හේතුව මීට සුලු වෙලාවකට පෙර මා පෞද්ගලිකව ලබපු අත්දැකීමකි. එක්තරා රූපවාහිනි වැඩසටහනකට ප්‍රේක්ෂකයෙක් ලෙස මා සම්බන්දවීමට එක දිගටම පැයක් පමණ එම වැඩසටහනේ ටෙලිෆෝන් අංකය මාගේ ජංගම දුරකතනයෙන් (3G නොවන දුරකතනයක්) ඩයල් කරමින් සිටියා. ලයින් බිසි නිසා දිගටම ට්‍රයි කළා (එක දිගටම 200 වතාවකට වැඩිය කෝල් අරන් තිබේ). එහෙත් පැයක් විතර ගිය පසු ෆෝන් එක රඳවාගෙන සිටි අතේ ඇඟිලි සියල්ලම පිච්චෙනවා සේ දැනුනා. මෙම ලිපිය ලියන මොහොත වන විටත් එම දැවිල්ල තරමක් අඩුවෙන් දැනෙනවා. මීට හේතුව අනිවාර්යෙන්ම රේඩියෝ විකිරණය නිසා ඇති වූ තාප උත්සර්ජනයක් විය යුතු යැයි සිතේ.

මෙවැනි අත්දැකීම් ලබපු අය සිටිත් නම්, කොමෙන්ට් එකක් හෝ ඊමේල් පනිවුඩයක් එවන්නේ නම් අගය කොට සලකමි (මාගේ අධ්‍යයනය සඳහා).

A nice report on low level ionizing radiation

How you feel radio frequency radiation...

I am writing this short English version of the above Sinhala post in case somebody who can't read sinhala text happens to visit this page.

Today I kept dialing a certain busy telephone number continuously (in order to join in a tv program), and after an hour or so, I felt my fingers where my cellular phone was held  kind of burning and tingling. I am positive I felt so because of thermal dissipation due to RF radiation. I could of course do the same to double-check it, but I am reluctant to do so consciously, and I do urge you not to try it yourself. However, if you have had this same kind of experience someday before, please let me know with a short description. It would help my studies.

Comments

  1. හරිම වටිනවා.දැනුම දානයක් කියන්න පුලුවන්.තෑන්ක්ස් .

    ReplyDelete
  2. මට සාමානයෙන් පැයකට වඩා සමහරවිට පැය බාගයකට වඩා පෝන් එක කනේ තියන් ඉන්න බෑ..ඔලුව රිදෙනවා..කැරකෙනවා..මත්වෙනවා වගේ වෙනවා..මං ඵෝන් පාවිච්චිකරන්නේ නෑ දැන් අතයවශය දෙයකට හැර..එක්කෝ ඉයර්පෝන් එකකින් තමයි..ඒත් එපාවෙනවා..මටත් හිතෙන්න් මගේ තත්වයත් විකිරන නිසා මට ඔරොත්තුදෙන්නේ නෑ වගේ කියල..වෙන හේතු වෙන්නත් පුලුවන්..නමුත් ගර්ල් එක්ක කෝල්කරනකොට (මල් කඩන වෙලාවට) ඒක හොදටම තේරෙනවා..

    ReplyDelete
    Replies
    1. :) ඔව් විකිරණය නිසා වෙන්න පුලුවන්... පරිස්සමින් මල් කඩන්න... නැතිනම් මල්වඩමක හිමිකාරයෙකු වෙන්නත් බැරි නැහැ ෆෝන් එක නිසා... hahaha...

      Delete

Post a Comment

Thanks for the comment made on blog.tekcroach.top

Popular posts from this blog

ලංකාවේ දේශපාලන පවුල්

තරමක ඕපාදූපයක් ගැන ලියන්නට හිතුනා. මේක දේශපාලන ඔපාදූපයක්. ලංකා දේශපාලනය හැඩගැස්වීමට (හොඳට නරකට) මූලික වූ දේශපාලන චරිත හා පරම්පරා කිහිපයක තොරතුරු ටිකක් ගැනයි මේ සටහන. ඔවුන් එකිනෙකා නෑයෝ. අන්න ඒ නෑදෑකම් ගැන පමනයි මා මෙහිදි සටහන් කරන්නට සිතන්නේ. සේනානායක, බණ්ඩාරනායක, ඔබේසේකර, විජේවර්ධන, ජයවර්ධන, කොතලාවල ආදී පරම්පරා අතර තිබෙන නෑ සබඳතා ගැනයි මේ විමසුම. එහෙත් ඒ ගැන ලිවීමට පෙර මේ මොහොතේ සමාජ මාධ්‍ය තුල පක්ෂ විපක්ෂව කතා කෙරෙන ජනපති අනුර හා පිරිසගේ විදෙස් සංචාර වියදම හා ඊට සාපේක්ෂව හිටපු ජනපතිවරුන්ගේ විදෙස් සංචාරක වියදම ගැනත් කෙටියෙන් සටහනක් තැබීමට කැමතියි. හිටපු ජනපතිවරුන්ගේ, විශේෂයෙන් මහින්ද රාජපක්කගේ විදෙස් සංචාර ගැන අපට ඇත්තටම ඇත්තේ පිලිකුලකි. උන් රටේ දුප්පත් ජනයාගේ වියදමින් එම ගමන් බිමන් ගියේ හා විනෝද වුනේ ධනවත් කුවේරයන් මෙනි. ඒ ගැන තිබෙන පිලිකුල එලෙසම නොවෙනස්ව තිබේ. ඊට සාපේක්ෂව අනුර කුමාරගේ වියදම රුපියල් ලක්ෂ 18ක් බව පැවසේ. මේ ගැන චාමර මන්ත්‍රී වරයා පාර්ලිමේන්තුවේදී අපූරු කතාවක් කලා. අනුරට බාගේ ටිකට් කඩලද දන්නේ නැහැ යනුවෙන් ඔහු කල හාස්‍යජනක ප්‍රකාශය ඇත්තටම ඇසිය යුතු ඉතාම නිවැරදි ප්‍රකාශයය...

දෙවැනි ගෝටාගමනය

මාලිමා ආණ්ඩුවක් පතමින් විශාල පිරිසක් දිවා රෑ වෙහෙසෙමින් කටයුතු කරන බවක් පෙනෙන අතර, ඇත්තටම මට ආයේ මතක් වන්නේ ගෝඨාභය ජනපතිවරණයට තරග වදින කොට තිබුණු තත්වයමයි.  මාලිමාව ගෙඩි පිටින්ම කරන්නේ එකල රාජපක්කලා කරපු ප්‍රචාරණ වැඩපිලිවෙලමයි. එහෙත් කිසිදු විමසිල්ලක් නැති සිංහල තරුන වහල්ලු ජවිපෙ/මාලිමා රජයක් ආ විට බොහෝවිට ඇති විය හැකි දේවල් ගැන සිතා බලා තිබේද? ගෝඨාභය ඇන ගත් දේවල් අතර ලොකුවටම තිබුනේ විදෙස් විනිමය හිඟ වීමය. එම නිසා රටට අවශ්‍ය ඉන්ධන, ගෑස්, බෙහෙත් හා තවත් අත්‍යවශ්‍ය දේ රටට ආනයනය කිරීමට බැරි විය. එනිසාම විදුලිය කපන්නට සිදු විය. තෙල් පෝලිම්වල වරුගනන් සිටින්නට සිදු විය. ඒ අත්දැකීම් එකින් එක නැවත මතක් කිරීමට අවශ්‍ය නැත මොකද අප එය හොඳටම විඳෙව්වෙමු.  එහෙත් එම අත්දැකීමට ආයේ මුහුන දීමට සිදු විය හැකි බවක් පෙනේ. කවදත් විදෙස් ණය වලින්ම විදෙස් ණය සේවාකරණය කරමින් සිටි ලංකාව මෑත ඉතිහාසයේ කිසිදා දේශීය නිෂ්පාදනය ඉහල දැමීමෙන් එම ණය ගෙවන තත්වයක සිටියේ නැත. එමනිසා නිරන්තරයෙන් අප විදෙස් ණය උගු​ලේ සිර වී සිටියා. මාලිමා රජයක් ආ සැනින් එම තත්වය කනපිට පෙරලෙන්නේ නැත. ඒ සඳහා වසර කිහිපයක් ගත වනු ඇත (ඔවුන් ...

තෙරුවන් සරන ගිය මාලිමාව

තවත් අපූරු ඡන්දයක් නිම විය. එය කරුණු රැසක් නිසා අපූර්ව වේ. සමහරු කියන පරිදි රදලයන්ගේ දේශපාලනයේ අවසානයක් (තාවකාලිකව හෝ) ඉන් සිදු විය. වැඩ කරන ජනයාගේ, නිර්ධන පංතියේ නායකයෙකු හා පක්ෂයක් බලයට පත් වීමද සුවිශේෂී වේ. රටේ මෙතෙක් සිදු වූ සකල විධ අපරාධ, දූෂන, භීෂන සොයා දඩුවම් කරනවා යැයි සමස්ථ රටවැසියා විශ්වාස කරන පාලනයක් ඇති විය. තවද, බහුතර කැමැත්ත නැති (එනම් 43%ක කැමැත්ත ඇති) ජනපතිවරයකු පත් විය. ජවිපෙ නායකයෙක් "තෙරුවන් සරණයි" කියා පැවසීමත් පුදුමය. මේ සියල්ල ලංකා ඉතිහාසයේ පලමු වරට සිදු වූ අපූරු දේශපාලන සංසිද්ධි වේ. මාද විවිධ හේතුන් මත අනුරට විරුද්ධව මෙවර තර්ක විතර්ක, සංවාද විවාද, හා "මඩ" යහමින් ගැසූ තත්වයක් මත වුවද, ඔහු දැන් රටේ ජනපති බැවින් ඔහුට පලමුව සුබ පතමි.  ඔහුට විරුද්ධව වැඩ කලත්, මා (කිසිදා) කිසිදු පක්ෂයකට හෝ පුද්ගලයකුට කඩේ ගියේද නැති අතර අඩුම ගණනේ මාගේ ඡන්දය ප්‍රකාශ කිරීමටවත් ඡන්ද පොලට ගියෙ නැත (ජීවිතයේ පලමු වරට ඡන්ද වර්ජනයක). උපතේ සිටම වාමාංශික දේශපාලනය සක්‍රියව යෙදුනු පවුලක හැදී වැඩී, විප්ලවවාදි අදහස්වලින් මෙතෙක් කල් දක්වා සිටි මා පලමු වරට සාම්ප්‍රදායික (කන්සර්වටිව්...