Skip to main content

සන්නිවේදනය හා ආධුනික ගුවන් විදුලිය (Amateur radio) 73

අවුටර් කොරෝනා ප්‍රදේශයේදී සූර්ය සුලං (solar wind) තිබේ (එනම් මුලු සූර්යග්‍රහ මණ්ඩලයම සූර්ය සුලංවලට හසුවේ). සූර්ය සුලං යනු සූර්යාගෙන් සෑම නිමේෂයකදීම දසත විහිදෙන ආරෝපිත අංශු (ඉලෙක්ට්‍රෝන හා ප්‍රෝටෝන හා හීලියම් න්‍යෂ්ටි) වේගයෙන් සූර්යාගෙන් ඉවතට යෑමයි (එය හරියට සුලං හැමීමක් වගෙයි). තත්පරයට කිලෝමීටර් 400ක පමණ වේගයකින් එම අංශු ගමන් කරයි (සූර්ය සුළඟේ වේගය); තත්පරයට කිලෝමීටර් දහස ඉක්මවන වේගයක් වුවද අත්කර ගත හැකිය. මෙම අංශු සෙල්සියස් අංශක මිලියනයක් තරම් උෂ්ණත්වයක් සහිතයි. සූර්යා භ්‍රමණය වන ගමන් එලෙස අංශු විමෝචනය කරන නිසා එම අංශු පිටතට ගමන් කරන්නේ කරකැවීය (සර්පිලාකාරයටයි). පහත රූපයෙන් දක්වන්නේ සූර්යාගේ උත්තර ධ්‍රැවයට ඉහල සිට බලන විට සූර්ය සුළං (එක රැල්ලක්) දිස්වන ආකාරයයි.


එම වේගයෙන් සූර්යා ආසන්නයේ සිට අංශුවලට පොලොවට ළඟා වීමට, 150,000,000/400 = තත්පර 375,000ක් හෙවත් දවස් 4ක් පමණ (හෝ ඊටත් කලින්) ගත වේ. මෙම සූර්ය සුළඟ නිසා සූර්යාගේ චුම්භක ක්ෂේත්‍රය තවත් ඈතට විහිදුවනවා. සමහර අවස්ථාවලදී සූර්යාගේ සිට අවුටර් කොරෝනා දක්වා ආරෝපිත අංශු පහසුවෙන් ගමන් කරවන මාර්ග ඇති වේ. මෙම මාර්ග coronal hole ලෙස හැඳින්වේ.


ඇත්තටම සූර්යාගේ සිට එන රේඩියෝ තරංග, අධෝරක්ත කිරණ, දෘෂ්‍යාලෝකය, පහල සංඛ්‍යාත පාරජම්බූල කිරණවලින් පෘථිවි අයනගෝලයට බලපෑමක් නැත. ඉහල සංඛ්‍යාත පාරජම්බූල කිරණ හා එක්ස් කිරණවලින් විශාල බලපෑමක් තිබේ.

එහෙත් සූර්යාගේ සිට එන තරංග ආයාම 10.7cm හෙවත් 2800MHz සංඛ්‍යාතය සහිත රේඩියෝ තරංග නිරීක්ෂණය කරමින් සූර්යාගේ ක්‍රියාකාරිත්වය (solar activity) ගැන දැනුමක් ගත හැකි බව සොයා ගෙන තිබෙනවා. මෙම සංඛ්‍යාතයේ ප්‍රබලත්වයේ විචලනය නිරන්තරයෙන් මොනිටර් කර, යම්කිසි ආකෘතිකයකට අනුව අවසන් අගයක් ලබා ගත හැකියි. එම SF අගය 100ට අඩු විට, Quiet Sun (නිහඩ සූර්යා) ලෙසද, 100ට වැඩි විට Active Sun (සක්‍රිය සූර්යා) ලෙසද නම් කෙරෙනවා.

ඇත්තටම වඩාත් නිවැරදි තරංග ආයාමය 10cm බව මේ වන විට සොයා ගෙන ඇත. එහෙනම් කොහොමද 10.7 භාවිතාවට ආවේ? එය අහම්බෙන් සිදු වූ දෙයකි. දෙවන ලෝක යුද්ධය අවසානයේදී, යුධ කාලයේ භාවිතා වූ රේඩාර් ඇන්ටනා හා උපකරණ යොදා ගෙන අභ්‍යවකාශය නිරීක්ෂණය සඳහා උපකරණයක් කැනඩාවේ ඔටාවා හි පිහිටි National Research Council නම් පර්යේෂණ ආයතනයේ සේවය කළ කොවින්ටන් (Arthur Covington) නම් පුද්ගලයා හා ඔහුගේ සගයන් සාදා ගත්තා. මෙම උපකරණ යුධ කාලයේදී තරංග ආයාමය 10.7cm රේඩියෝ තරංග සඳහායි නිර්මාණය කර තිබුණේ. එනිසා ඔවුන්ටත් මෙම තරංග ආයාමය ඉබේම අනිවාර්යෙන්ම යොදා ගැනීමට සිදු වූවා.

මෙම තරංග ආයාමයෙන් ග්‍රහලෝක හා සූර්යා ආදී ග්‍රහ වස්තු ගැන නිරීක්ෂණය කරන විට ඔවුන්ට යම් සම්බන්දතාවක් දැකගන්නට ලැබුණා සූර්යාගේ ක්‍රියාකාරිත්වය හා මෙම තරංග ආයාමය ඔස්සේ එන රේඩියෝ තරංගවල විචලනය අතර. ඉතිං දශක ගණනාවක් පුරා මෙම තරංග ආයාමය ඔස්සේ කළ නිරීක්ෂණ දත්ත පදනම් කර ගෙන සූර්ය ක්‍රියාකාරිත්වය ගැන අදහසක් ගැනීමට හැකියාව තිබෙනවා. විද්‍යාත්මක උපකරණ මඟින් මෙම කටයුත්ත ඉතා නිවැරදිව මැනිය හැකි නිසා අදටත් හොඳ ක්‍රමයකි එය. මීට පෙර තිබුණේ එතරම් හොඳ ක්‍රමයක් නොවේ; මිනිස් ඇසින් සූර්යා මත ඇති සූර්ය ලප නිරීක්ෂණය කරමින් යම් ඇගයීමක් ලෙසයි එය එකල සිදු කළේ.

සූර්යාගේ ක්‍රියාකාරිත්වය ගැන අධ්‍යනය කිරීමට ඇති හොඳම විද්‍යුත්චුම්භක තරංග සංඛ්‍යාත පරාසය වන්නේ ඉහල සංඛ්‍යාත පාරජම්බූල කිරණයි. අයනගෝලයට වැඩිම බලපෑම සිදු කරන්නේ එම තරංගයි. තවද, එම සංඛ්‍යාත පරාසයේ විකිරණ හා සූර්යලප අතර ඍජු සම්බන්දයක්ද තිබෙනවා මොකද සූර්ය ලප වැඩි වන තරමට හා සක්‍රිය වන තරමට මෙම සංඛ්‍යාත කලාපයේ විකිරණය ප්‍රබල වේ. එහෙත් මෙම අධිසංඛ්‍යාත පාරජම්බූල කිරණ වායුගෝලය (ඕසෝන් ස්ථරය) විසින් කපා දමන නිසා පොලොව මතට පැමිණෙන්නේ නැත. එනම්, පොලොව මත සිට එය මැනිය නොහැකියි. චන්ද්‍රිකා තාක්ෂණය දියුණු වූයේ පසු කාලීනව බැවින්, දැන් අභ්‍යවකාශයේ රඳවා තිබෙන චන්ද්‍රිකා විසින් එය මනිනවා (එහෙත් මුල් කාලයේ එය කිරීමට නොහැකි වූවා). එය පොලොවේ සිට 10.7 මනිනවාට වඩා නිරවද්‍ය වේ. http://www.oa.uj.edu.pl/ වැනි වෙබ් සයිට්වල 10.7 හා තවත් සංඛ්‍යාතයන් සඳහා තත්කාලීන අගයන් නොමිලේම ලබා ගත හැකියි (පැරණි දත්තයන්ද ලබා ගත හැකියි). පහත දැක්වෙන්නේ එවැනි දත්ත සටහනකට උදාහරණයකි.


සටහන

Radio Astronomy

පොලොවේ සිට හෝ අභ්‍යවකාශයේ රඳවා තිබෙන චන්ද්‍රිකා විසින් ඈත අභ්‍යවකාශ වස්තුන්ගෙන් නිකුත් වන බොහෝ විද්‍යුත්චුම්භක විකිරණ නිරීක්ෂණය කරමින් එම වස්තුන් පිළිබඳ ඉතා වැදගත් තොරතුරු සොයා ගත හැකියි. මෙලෙස රේඩියෝ තරංග නිරීක්ෂණය කරමින් සිදු කරන තාරකා විද්‍යා අධ්‍යන ක්ෂේත්‍රය radio astronomy ලෙස හැඳින්වෙනවා. මෙහිදී යෝධ (හා කුඩා) දීසි ඇන්ටනා යොදා ගන්නවා. මේවා ඇන්ටනා වුවත්, තාරකා විද්‍යාවේදී radio telescope කියා හැඳින්වෙනවා. එම දීසි ඇන්ටනාව නිශ්චිතව යම් ආකාශ වස්තුවක් තිබෙන දිශාවට එල්ල කළ විට ඉන් එන තරංග ග්‍රහණය කළ හැකියි.



පාරජම්බූල පරාසය, අධෝරක්ත පරාසය, ක්ෂුද්‍රතරංග පරාසය, රේඩියෝ තරංග පරාසය යන සියලු පරාසයන් මෙලෙස නිරීක්ෂණය කෙරෙනවා. පැරණි යුගයේ තාරකා අධ්‍යනය සිදු කළේ සාමාන්‍ය දුරදක්න (optical telescope) ආධාරයෙන් පමණි; එනම් දෘෂ්‍යාලෝක කලාපය පමණයි යොදා ගත්තේ. එය ඉතාම සීමාසහිතය. බොහෝ ඈත මෙන්ම වැඩි විස්තර ඉන් බැලිය නොහැකිය. අද විවිධාකාරයේ මන්දාකිනි, සූර්යා ආදි ග්‍රහවස්තුන් ගැන දකින වර්ණවත් රූප රේඩියෝ තාරකාවිද්‍යාවෙන් ලබාගත් රූප වේ (එම රූප සාදා ගන්නා හැටි විසිතුරු වුවත්, විෂයෙන් පරිභාහිර වන නිසා විස්තර නොකෙරේ).


තාරකා විද්‍යාවට රේඩියෝ තරංග වැදගත් ඇයි යන ප්‍රශ්නයට දිගු පිලිතුරක් දිය හැකිය. එහෙත් ඉතාම කෙටියෙන් ඒ ගැන විමසමු.

පදාර්ථ හා විද්‍යුත්චුම්භක තරංග අතර අන්තර්ක්‍රියාකාරිත්වයක් තිබෙන බව මීට පෙර අප ඉගෙන ගත්තා. විශේෂයෙන් පදාර්ථ විසින් යම් යම් සංඛ්‍යාතයන් අවශෝෂණය කර ගැනීම සඳහන් කළ හැකියි. විශ්වයේ සියලු පදාර්ථ සෑදී තිබෙන්නේ එකිනෙකට වෙනස් මූලද්‍රව්‍ය 120කට අඩු ප්‍රමාණයකිනි (එනම් පරමාණු වර්ග 120ක් පමණ ඇත).

මේ එක් එක් පරමාණු සාම්පලයක් ගෙන ඊට යම් හර්ට්ස් පරාසයක සන්තතික (එනම් එම පරාසය තුල සියලු සංඛ්‍යාතයන් ඇති) විද්‍යුත්චුම්භක විකිරණයක් (සිතමු කිලෝහර්ට්ස් 1000 සිට ගිගාහර්ට්ස් 1000 දක්වා කියා) එල්ල කළ විට, එම පරමාණුවල තිබෙන ඉලෙක්ට්‍රෝන විසින් ඉන් සමහර සංඛ්‍යාතයන් උරාගන්නවා. ඒ කියන්නේ අප එක පැත්තකින් එල්ල කරන්නේ සන්තතික විකිරණ පරාසයක් වුවත්, අනෙක් පැත්තෙන් මතු වන්නේ සමහර සංඛ්‍යාතයන් පමණක් නැති විකිරණ පරාසයකි. මෙම ක්‍රියාවලිය spectroscopy ලෙස හැඳින්වෙනවා.

පහත රූපයේ උඩින්ම නිරූපණය කරන්නේ සන්තතික විකිරණ පරාසයයි. ඊට යටින් තිබෙන්නේ යම් පදාර්ථයක් තුලින් යැවූ පසු යම් යම් සංඛ්‍යාතයන් නැති (missing) විකිරණ පරාසයයි (නැති වූ සංඛ්‍යාතයන් කලුපාට ඉරි සේ දිස් වේ). මෙවැනි සටහනක් absorption spectrum ලෙස හැඳින්වෙනවා. තෙවැනි රූපයෙන් දැක්වෙන්නේ absorption spectrum හි විලෝමය වන emission spectrum වේ. එහිදී උරාගත් සංඛ්‍යාතයන් පමණක් ඇඳ තිබෙනවා.


එම නැති වෙච්ච සංඛ්‍යාතය එම මූලද්‍රව්‍යට ආවේණික බව සොයා ගෙන තිබෙනවා. ඒ කියන්නේ අපට එම සංසිද්ධිය යොදා ගත හැකියි එම මූලද්‍රව්‍ය හඳුනාගැනීමට (එය එක් එක් පුද්ගලයා අනන්‍යව හඳුනා ගැනීමට භාවිතා කරන ඇඟිලි සලකුණක් වැනිය). අනෙක් මූලද්‍රව්‍යද එවැනිම ගතිගුණයක් පෙන්වන අතර, එහෙත් ඒවායේ නැති වුණ (අවශෝෂණ වන) සංඛ්‍යාතයන් එකිනෙකට වෙනස්ය. ඒ අනුව, විවිධ මූලද්‍රව්‍ය දැන් අපට වෙන් වෙන්ව හඳුනා ගත හැකියි. ඒ සඳහා කරන්නට තියෙන්නේ එක් එක් මූලද්‍රව්‍ය පරමාණු සාම්පලය බැඟින් ගෙන, අර කියූ ලෙස සන්තතික විකිරණයක් එල්ල කොට ඉන් නැතිවන සංඛ්‍යාතයන් මොනවාදැයි වෙන් වෙන්ව සටහන් කරගැනීමයි.


සූර්යා සතුව ගෝලාකාර ප්‍රබල විශාල චුම්භක ක්ෂේත්‍රයක් පවතිනවා. සූර්ය සුළං නිසා එම චුම්භක ක්ෂේත්‍රය තවත් ඈතට විහිදෙනවා. මෙලෙස මුලු සූර්යග්‍රහ මණ්ඩලය පුරාම විසිරී ගිය චුම්භක ක්ෂේත්‍රය Interplanetary magnetic field (IMF) හෙවත් Heliospheric magnetic field (HMF) ලෙස හැඳින්වෙනවා.

සූර්යාට මෙන්ම පෘථිවියටත් තමන්ගේම පෘථිවි චුම්භක ක්ෂේත්‍රයක් (geomagnetic field) තිබෙනවා. එය පොලොව කේන්ද්‍ර කරගෙන ගෝලීයව විහිදී පවතිනවා. පොලොවේ තැනින් තැනට චුම්භක ප්‍රබලතාව වෙනස් වන අතර, එය ගවුස් 0.25 සිට 0.65 දක්වා අගය පරාසයක පවතිනවා.

Comments

  1. සුපිරි ... :) බොහොම ස්තුතී..වැදගත් ගෝඩාක් දේ දැනගත්තා..

    ReplyDelete

Post a Comment

Thanks for the comment made on blog.tekcroach.top

Popular posts from this blog

දන්නා සිංහලෙන් ඉංග්‍රිසි ඉගෙන ගනිමු - පාඩම 1

මෙම පොත (පාඩම් මාලාව) පරිශීලනය කිරීමට ඔබට එදිනෙදා සිංහල භාෂාව භාවිතා කිරීමේ හැකියාව හා සාමාන්‍ය බුද්ධිය පමණක් තිබීම අවම සුදුසුකම ලෙස මා සලකනවා.  තවද, ඇසෙන පරිදි ඉංග්‍රීසි අකුරින් ලිවීමට හැකිවීම හා ඉංග්‍රීසියෙන් ලියා ඇති දෙයක් කියවීමට හැකි නම්, ඔබට මෙතැන් සිට මෙම පාඩම් මාලාව කියවා ඉගෙන ගත හැකිය.  ඔබට එසේ ඉංග්‍රීසි කියවීම හා ලිවීම ගැන දැනීමක් දැනටමත් නොමැත්තේ නම්, කරුණාකර මෙ‍ම පොතෙහි “අතිරේකය - 1 ”  බලා පළමුව එම හැකියාව ඇති කරගන්න.  තවද, හැකි පමණ ඉංග්‍රීසි වචනද පාඩම් කරගන්න. ඔබ හිතවතෙකුගේ නිවසකට හෝ වෙනත් පිටස්තර තැනකට යන විටෙක හැසිරෙන්නේ ඔබට අවශ්‍ය විදියටම නෙමේ නේද?  එනම්, පිට නිවසකට ගිය විට අහවල් පුටුව තිබෙන තැන හරි නැහැ, අහවල් එක මෙහෙම තිබෙන්නට ඕනෑ ආදී ලෙස ඔවුනට පවසන්නේ නැහැ, මොකද අප සිටින්නේ අනුන්ගේ තැනක නිසා.  එලෙසම, ඉංග්‍රීසි භාෂාව යනු සිංහල නොවේ.  ඔබ කැමැති වුවත් නැතත් ඉංග්‍රීසි ඉගෙනීමේදීද අප ඉංග්‍රීසි ව්‍යාකරණ රීති හා රටා එපරිද්දෙන්ම උගත යුතුය.  එනම්, සෑම සිංහල වගන්ති රටාවක්ම ඉංග්‍රීසියට ඔබ්බන්නට නොව, ඉංග්‍රීසියේ ඇති රටා ඔබ දන්නා සිංහල භාෂාව තුළින් ඉගෙනීමට උත්සහ කළ යුතුය. 

කතාවක් කර පොරක් වන්න...

කෙනෙකුගේ ජීවිතය තුල අඩුම වශයෙන් එක් වතාවක් හෝ කතාවක් පිරිසක් ඉදිරියේ කර තිබෙනවාට කිසිදු සැකයක් නැත. පාසැලේදී බලෙන් හෝ යම් සංගම් සැසියක හෝ රැස්වීමක හෝ එම කතාව සමහරවිට සිදු කර ඇති. පාසලේදී කතා මඟ හැරීමට ටොයිලට් එකේ සැඟවුනු අවස්ථාද මට දැන් සිහිපත් වේ. එහෙත් එදා එසේ කතා මඟ හැරීම ගැන අපරාදේ එහෙම කළේ යැයි අද සිතේ. යහලුවන් ඉදිරියේ "පොර" වෙන්න තිබූ අවස්ථා මඟ හැරුණේ යැයි දුකක් සිතට නැඟේ. ඇත්තටම කතාවක් කිරීම "පොර" කමකි. දක්ෂ කතිකයන්ට සමාජයේ ඉහල වටිනාකමක් හිමි වේ. පාසැලේදී වේවා, මඟුලක් අවමඟුලක් හෝ වෙනත් ඕනෑම සමාජ අවස්ථාවකදී වේවා දේශපාලන වේදිකාව මත වේවා කතාවක් කිරීමේදී පිලිපැදිය යුත්තේ සරල පිලිවෙතකි. එහෙත් එම සරල පිලිවෙත තුල වුවද, තමන්ගේ අනන්‍යතාව රඳවන කතාවක් කිරීමට කාටත් හැකිය. පුද්ගලයාගෙන් පුද්ගලයා වෙනස් වේ. එම වෙනස ප්‍රසිද්ධ කතා (public speaking) තුලද පවත්වාගත හැකිය. මේ ගැන මට ලිපියක් ලියන්නට සිතුනේ මාගේ මිතුරෙකුට ප්‍රසිද්ධ කතාවක් කිරීමට අවශ්‍ය වී, ඒ ගැන මේ ළඟ දවසක අප පැයක් පමණ සිදු කළ සංවාදයක් නිසාය. මා ප්‍රසිද්ධ දේශකයකු නොවුණත් මේ විෂය සම්බන්දයෙන් පාසැල් කාලයේ සිටම පත

දන්නා සිංහලෙන් ඉංග්‍රිසි ඉගෙන ගනිමු - අතිරේකය 1

මූලික ඉංග්‍රීසි ලිවීම හා කියවීම ඉංග්‍රීසියෙන් ලියන්නේ හා ඉංග්‍රීසියෙන් ලියා ඇති දෙයක් කියවන්නේ කෙසේද?  ඉංග්‍රීසිය ඉගෙනීමට පෙර ඔබට මෙම හැකියාව තිබිය යුතුමය.  එය එතරම් අපහසු දෙයක්ද නොවේ.  ඔබේ උනන්දුව හොඳින් ‍තිබේ නම්, පැය කිහිපයකින් ඔබට මෙම හැකියාව ඇති කර ගත හැකිය.  මුල සිට පියවරෙන් පියවර එය උගන්වන්නම්.   මුලින්ම මිනිසා භාෂාවක් භාවිතා කළේ ශබ්දයෙන් පමණි.  එනම් ලිඛිත භාෂාව ඇති වූයේ පසු කාලයකදීය.  කටින් නිකුත් කරන ශබ්ද කනින් අසා ඔවුන් අදහස් උවමාරු කර ගත්තා.  පසුව ඔවුන්ට වුවමනා වුණා මෙම ශබ්ද කොලයක හෝ වෙනත් දෙයක සටහන් කර ගන්නට.  ඒ සඳහායි අකුරු නිර්මාණය කර ගත්තේ.  එම අකුරු නියෝජනය කරන්නේ ශබ්දයි .  මෙසේ මූලික අකුරු කිහිපයක් ඔවුන් එක එක භාෂාව සඳහා නිර්මාණය කර ගත්තා.  ඉංග්‍රීසියේදී මෙලෙස මූලික අකුරු 26ක් ඇත.   එය ඉංග්‍රීසි හෝඩිය ලෙස හැඳින් වෙනවා. අප ඉගෙන ගත යුත්තේ මෙම අකුරු මඟින් නියෝජනය කෙරෙන ශබ්ද මොනවාද යන්නයි.  එවිට ඔබට ඉංග්‍රීසි ලිවීමට හා කියවීමට හැකි වෙනවා.  ඊට පෙර අප අකුරු 26 දැනගත යුතුයි.  එම අකුරු 26 පහත දක්වා ඇත.  ඉංග්‍රීසියේදී සෑම අකුරක්ම “සිම්පල්” හා “කැපිටල්” ලෙස දෙයාකාර

දෛශික (vectors) - 1

එදිනෙදා ජීවිතයේදිත් විද්‍යාවේදිත් අපට විවිධාකාරයේ අගයන් සමඟ කටයුතු කිරීමට සිදු වෙනවා . ඉන් සමහරක් නිකංම සංඛ්‍යාවකින් ප්‍රකාශ කළ හැකි අගයන්ය . අඹ ගෙඩි 4 ක් , ළමයි 6 දෙනෙක් ආදී ලෙස ඒවා ප්‍රකාශ කළ හැකියි . තවත් සමහර අවස්ථාවලදී නිකංම අගයකින් / සංඛ්‍යාවකින් පමණක් ප්‍රකාශ කළ නොහැකි දේවල් / රාශි (quantity) හමු වේ . මෙවිට “මීටර්” , “ තත්පර” , “ කිලෝග්‍රෑම්” වැනි යම් ඒකකයක් (unit) සමඟ එම අගයන් පැවසිය යුතුය ; නැතිනම් ප්‍රකාශ කරන අදහස නිශ්චිත නොවේ . උදාහරණයක් ලෙස , “ මං 5 කින් එන්නම්” යැයි කී විට , එම 5 යනු තත්පරද , පැයද , දවස්ද , අවුරුදුද ආදි ලෙස නිශ්චිත නොවේ . මේ දෙවර්ගයේම අගයන් අදිශ (scalar) ලෙස හැඳින්වේ . අදිශයක් හෙවත් අදිශ රාශියක් යනු විශාලත්වයක් පමණක් ඇති දිශාවක් නැති අගයන්ය . ඔබේ වයස කියන විට , “ උතුරට 24 යි , නැගෙනහිරට 16 යි” කියා කියන්නේ නැහැනෙ මොකද දිශාව යන සාධකය / කාරණය වයස නමැති රාශියට වැදගත්කමක් නැත . එහෙත් සමහර අවස්ථා තිබෙනවා අගයක් / විශාලත්වයක් (magnitude) මෙන්ම දිශාවක්ද (direction) පැවසීමට සිදු වන . මෙවැනි රාශි දෛශික (vector) ලෙස හැඳින්වේ . උදාහරණයක් ලෙස , ඔබ යම් “බලයක්

දැනගත යුතු ඉංග්‍රිසි වචන -1

ඉංග්‍රිසි බස ඉගැනීමේදී වචන කොපමණ උගත යුතුද, එම වචන මොනවාදැයි බොහෝ දෙනෙකුට මතුවන ගැටලුවක් වන අතර, බොහෝ දෙනා ඊට විවිධ පිලිතුරුද සපයා ඇත. මේ ගැන හොඳින් පරීක්ෂණය කර ඇමරිකානු ආයතනයක් විසින් වචන 5000ක ලැයිස්තුවක් ඉදිරිපත් කර ඇත. එම ලැයිස්තුව මා කෙටස් දෙකකට (දිගු වැඩි නිසා) සිංහල තේරුම්ද සහිතව ඉදිරිපත් කර ඇත. (මේවා සැකසුවත් සෝදුපත් බලා නැති නිසා සුලු සුලු දෝෂ සමහරවිට තිබිය හැකිය). පහත ලැයිස්තුවේ වචන 2500ක් ඇත.    Word    තේරුම        be    ඉන්නවා    and    හා    of    ගේ    in    තුල    to    ට    have    තියෙනවා    to    ට    it    ඒක, ඌ    I    මම    that    ... කියලා, ඒ/අර, ඒක/අරක    for    සඳහා    you    ඔබ, ඔබලා    he    ඔහු    with    සමඟ    on    මත    do    කරනවා, "මෙව්ව කරනවා"    say    කියනවා    this    මේ, මේක    they    උන්, ඒවා, ඒගොල්ලෝ    at    දෙස, අසල    but    නමුත්    we    අපි    his    ඔහුගේ    from    සිට, ගෙන්    not    නැහැ    by    විසින්, මඟින්    she    ඇය    or    හෝ, හෙවත්    as    විට, නිසා, වශයෙන්    what    මොකක්ද,