Skip to main content

බලු වූ රජු

වසර දෙකකට වැඩි කාලයක නිහැඩියාවකින් පසු ලියන පලමු ලිපියයි. රාජපක්කයන්ට රට භාර දීම ගැන දැඩි සේ කලකිරීමෙන් අධ්‍යාපනික ලිපි ලිවීමට මා නතර කලද, රාජපක්කවරුන්ගෙන් රට ගිලිහෙමින් පවතින පරිසරය දැකීමෙන් තරමක සතුටක් දැනේ. 

එදා හැටනව ලක්ෂයක මුග්ධ ජනයා රජකුටත් වඩා එහාට ගොස් දෙවියකු සේ දුටු පුද්ගලයා අද හිස් කාඩ්බෝඩ් වීරයකු සේ නිවැරදි ආකාරයෙන්ම ජනයාට දර්ශනය වේ. 

මා හැමවිටම පැවසූයේ කුරිරු ත්‍රස්තවාදය තුරන් කිරීමේ නායකත්වය සරත් ෆොන්සේකාට හා මහින්ද රාජපක්ෂ යන දෙදෙනාට හිමි විය යුතු බවයි. යුද පිටිය තුල ෆොන්සේකාත් දේශපාලන පරිසරය කලමනාකරණය කරමින් මහින්දත් කල සේවාව ඇත්තටම අගය කල යුතුය. ගෝටා යනු නිකංම ලිපි එහා මෙහා හුවමාරු කල අමාත්‍යංශ ලේකම් කෙනෙකු පමනි. ඔහු ලේකම් කෙනෙකු වශයෙන් ලිපිකරු වැඩේ ඉතා ඉහල අන්දමින් කරන්නට ඇතැයි කිසිදු චකිතයක් නැත.

ඉන්පසු ගෝටා ගැන කතා කරන්නේ නාගරික සංවර්ධනය ඔහු සිදු කළ ආකාරය ගැනයි. සහෝදරයා ජනපති නොව රජකු ලෙස වැජඹෙන පරිසරයක් තුල ගෝටාට ඕනෑම තීරනයක් හොඳින් හෝ නරකින් ගෙන දේවල් සිදු කිරීමට තිබුනු අවස්ථාවෙන් ඔහු ඉබේම සාර්ථකව තම රාජකාරිය කල බවකුයි මා නම් දකින්නේ. එය හරියට නිවසක බාල පුතාට බොහෝ දේවල් සිදු කිරීමට නිවසේ අන්‍යයන්ගෙන් ලැබෙන පිටිවහල බඳුය. බාලයාට ස්ට්‍රෙස් එක ලැබෙන්නේ බොහෝ අඩුවෙනි. මහින්දගේ චිචී පුතාද තවත් හොඳ උදාහරනයකි. රොකට් එකක් යැවීමට ඔහුට ශක්තිය ලැබෙන්න ඇත්තේ කොහොමදැයි සිතා ගත හැකි නම්, ගෝටාද සාර්ථක වූයේ එම පදනමින්ම බව තේරුම් ගැනීම සංකීර්න නැත.

එහෙත් රටේ බරපතලම වගකීමක් ගැනීමට එලෙස හුරතලේට හැදුනු බාල පුතුට බැරිය. ඔහුට ස්ට්‍රෙස් දැරීමට නොහැකිය. ඉතා ඉක්මනින් කෝප වෙයි. තමන් ගන්නා තීරන හැමවිටම හරි යැයි සිතයි. බාධක අඩු පරිසරයක් තුල ඉතා විනයානුකූලව ක්‍රමානුකූලව වැඩ කළත් පරිසරය අධිපීඩනයකට ලක් වන විට, පල් මෝඩයකු සේ ක්‍රියා කරයි. තව වටපිට අමු පිස්සන් කොටුවක් වෙයි. ගෝටාට වුනෙත් එය දේමයි. එමඟින් අද රට පිස්සන් කොටුවක් බවට පත්ව ඇත.

ඊටත් අමතරව, සමාජයේ සෑම ස්ථරයකම ඉහලින් වැජඹුන පිරිස් ගෝටාගේ කරේ රත්තරං බැන්දා. එනිසා ඉහත ගති ලක්ෂන සිය දහස් ගුනයකින් දැඩි වීමක් අනිවාර්යෙන්ම සිදු වන්නට ඇති. කටුස්සාගේ කරේ රත්තරං බැන්දහම තමා නිකංම කටුස්සෙක් බව ඌට අමතක වී යයි.

 ගෝටාගේ ආරක්ෂක, ආර්ථික ආදි පැතිකඩවල් ගැන විවිධ විචාර තිබුණත්, මා හිතන්නේ ඔහුගේ බොල්බව වටහ ගැනීමට ඔහු ගැන මනෝවිද්‍යා විශ්ලේෂනයක් ඒ විෂය ගැන ප්‍රවීනයන් අපක්ෂපාතිව සිදු කිරීම වටිනවා. ඔහු අතිශය අසාර්ථ දේශපාලකයකු හා නායකයකු බව අද අමුතුවෙන් කිව යුතු නැත. 

තවමත් ගෝටගෙන් විකුම් පෑම අපේක්ෂා කරන්නේ ගොන්නු පමනි.

බුර්කාව තහනම් කිරීමට ගෙන ආ එඩිතර නායකයා නිසා අද සිංහල බෞද්ධයන්ද නෝම්බි අල්ලන තත්වයට පත්ව තිබෙනවා ආහාර හා භාණ්ඩු පරිභෝජනය කිරීමට ජනයාට තිබෙන අපහසුතාව නිසා.

බැඳුම්කරු හොරු අල්ලනවා වෙනුවට උන් නිදහස් විය.

පට්ට හොරුන්ට තිබෙන නඩු එකින් එක ඉවත් වෙමින් පවතී. නීතිපතිට සාක්ෂි මඳිලු. සමහර රටවල නීතිපති යනු වේස මඩම් භාරව සිටින “මැඩම්“ වැනිය. සමහරවිට ලංකාවේ එහෙම නැතිව ඇති නේ?

ඡන්දෙකින් පත් නොවූ ද්විත්ව වැසියකු වන “කපුටාස් ෆල්යිං ඇන්ඩ් හිටි ගේ බැසිල්“ වැනි නූගතෙකුට රටේ සම්පත් වෙන්දේසි කිරීමට පූර්න බලතල ලැබී තිබේ. ඌව පාර්ලිමේන්තුවට ගෙන ඒමට ව්‍යවස්ථා සංශෝධනයට කැමැත්ත පල කල වීරවංශලා ගම්මන්පිලලා දැන් විලාප දෙන හැටි බලං සිටීමම අප්‍රියජනකය.

එක පොහොර කඳුලක් රට තුලට ගොඩ නොබස්සවා චීන අසූචි නැවකට ඩොලර් ගෙවීය. නොවටිනා ඊනියා නැනෝ පොහොරකට ඩොලර් පිදුවේය. රට තුලට මේ දිනවල ගෙනෙන සෑම තෙල් හා ගෑස් නැව්වලට ඉන්දන බිලට වඩා ප්‍රමාද ගාස්තු ඩොලර්වලින් ගෙවන්නට සිදු වේ. මේවා කොතරම කාලකන්නි සක්කිලි මූසල සිදු වීම්ද... අපට අත්‍යවශ්‍යම වත්කමක් වන ඩොලරය නිකරුනේ බිලි පූජා කිරීම දරුනු අපරාදයකි. ඇත්තටම ඉදිරි ආන්ඩුක් තුල එම ක්‍රියාවලට මඟ පෑදූ දේශපාලුවන් හා නිලධාරින් සියල්ලට දැඩි දඬුවම් දිය යුතුය.

කප්පරක් හොර වංචා බදු වංචා ආදිය සිදු වේ. පරිසර හානිය උපරිමයෙන් සිදු කරන්නට උත්සහ දැරීය. නැවතත් පවුලක් විසින් රටම ගසා කන සමූහ දූෂනයට ලක් වන තැනකට ලක් විය.

මේ සියලු දේ මැද ජනයා අතිගරු ජනපතිගේ සිට සියල්ලටම සුද්ද සිංහලින් කතා කිරීමට පටන් ගෙන ඇත. එය හොඳ ප්‍රවනතාවකි. හරිනම්, ජනමාධ්‍ය විසිනි බීප් නොදමා එම මහජන අදහස් ප්‍රචාරය කල යුතුය. වැසිකිලි වලක් ශුද්ධ කරන විට, එය සුවඳ දසත විහිදුවමින් කල නොහැකිය. එය ශුද්ධ කල පසු දසත සුවඳින් පැතිරෙන පරිසරයක් එහි නිර්මානය කල හැකිය. ලංකාවේ වැසිකිලි වල ශුද්ධ කිරීමට මේ හොඳම කාලයයි. අයෙත් රජවරුන්ගේ පුනුරුත්පත්ති, දියසෙන් කුමරුගේ පැමිනීම වැනි ගොන් ආතල්වලට නොගොස් ඇත්තටම නිර්මානශීලි, විද්‍යාත්මකව සිතන, රට පරිසරය ගැන සැබෑ කැක්කුමක් තිබෙන පුද්ගලයන් දේශපාලනයට යොමු කළ යුතුය.


Comments

  1. සාදරයෙන් පිලිගන්නවා!

    චීන පෝර නැව ගූ නැවක් නෙමෙයි. ඒක කුමන්ත්‍රණයක්.

    ReplyDelete
    Replies
    1. ස්තූතියි ජගත් :)

      සකල විද්‍යා චක්‍රවර්ති ඩබ්ල් පීඑච්ඩී නන්දසේන හා මොල හතානෝ හා තවත් මහේශාක්‍ය පොට්ටුධාරින් කුමන්ත්‍රනවලටත් ගොදුරු වෙනවද? මාරයිනෙ...

      Delete

Post a Comment

Thanks for the comment made on blog.tekcroach.top

Popular posts from this blog

දෛශික (vectors) - 1

එදිනෙදා ජීවිතයේදිත් විද්‍යාවේදිත් අපට විවිධාකාරයේ අගයන් සමඟ කටයුතු කිරීමට සිදු වෙනවා . ඉන් සමහරක් නිකංම සංඛ්‍යාවකින් ප්‍රකාශ කළ හැකි අගයන්ය . අඹ ගෙඩි 4 ක් , ළමයි 6 දෙනෙක් ආදී ලෙස ඒවා ප්‍රකාශ කළ හැකියි . තවත් සමහර අවස්ථාවලදී නිකංම අගයකින් / සංඛ්‍යාවකින් පමණක් ප්‍රකාශ කළ නොහැකි දේවල් / රාශි (quantity) හමු වේ . මෙවිට “මීටර්” , “ තත්පර” , “ කිලෝග්‍රෑම්” වැනි යම් ඒකකයක් (unit) සමඟ එම අගයන් පැවසිය යුතුය ; නැතිනම් ප්‍රකාශ කරන අදහස නිශ්චිත නොවේ . උදාහරණයක් ලෙස , “ මං 5 කින් එන්නම්” යැයි කී විට , එම 5 යනු තත්පරද , පැයද , දවස්ද , අවුරුදුද ආදි ලෙස නිශ්චිත නොවේ . මේ දෙවර්ගයේම අගයන් අදිශ (scalar) ලෙස හැඳින්වේ . අදිශයක් හෙවත් අදිශ රාශියක් යනු විශාලත්වයක් පමණක් ඇති දිශාවක් නැති අගයන්ය . ඔබේ වයස කියන විට , “ උතුරට 24 යි , නැගෙනහිරට 16 යි” කියා කියන්නේ නැහැනෙ මොකද දිශාව යන සාධකය / කාරණය වයස නමැති රාශියට වැදගත්කමක් නැත . එහෙත් සමහර අවස්ථා තිබෙනවා අගයක් / විශාලත්වයක් (magnitude) මෙන්ම දිශාවක්ද (direction) පැවසීමට සිදු වන . මෙවැනි රාශි දෛශික (vector) ලෙස හැඳින්වේ . උදාහරණයක් ලෙස , ඔබ යම් “බලයක්...

සිංහලෙන් ක්වන්ටම් (Quantum in Sinhala)

ඔන්න මෙතෙක් කාලයක් මා මඟ හරිමින් සිටි මාතෘකාවක් ගැන තරමක් කතා කරන්නයි සූදානම් වන්නේ; ඒ කියන්නේ ක්වන්ටම් භෞතිකය තමයි මාතෘකාව. සැරින් සැරේ කමෙන්ට් හරහාත්, ඊමේල් ආදියෙනුත් මේ ගැන කතා කරමු යැයි කිහිප දෙනෙකුම යෝජනා කර තිබුණත්, මෙම විෂයේ නිසඟයෙන්ම තිබෙන අවුල් ස්වභාවය නිසාත්, විශේෂඥයෝ යැයි කියා ගන්නා අයත් මේ ගැන කතා කිරීමේදී "කොරවන නිසාත්", මේ ගැන ලියමින් යන විට අනිවාර්යෙන්ම මාව හිට් විකට් කිරීමට එවන පන්දු හමුවේ නොදැවී සිටීමට හැකිදැයි සැකයක් මා තුල තිබුණි.   එනිසා මා විසින්ම මට පනවා ගත් කොන්දේසියක් සමඟ මා ඒ ගැන ඉදිරියේදී සාකච්ඡා කරමි. එම කොන්දේසිය වන්නේ මේ විෂය ගැන අසන කිසිදු පැනයකට මා පිලිතුරු නොදී සිටීමයි. එහෙත් ඕනෑම අයෙකුට ප්‍රශ්නය ඇසීමට මෙන්ම ඒවාට පක්ෂව හෝ විරුද්ධව කරුනු දැක්වීමට හා පිලිතුරු සැපයීමට ඇති අයිතිය මා අවහිර නොකරමි. විෂයට බහින්නට පෙර මේ විෂය සම්බන්දයෙන් මගේ ජීවිතයේ පැතිකඩක් පලමුව දිග හරින්නට කැමතියි. මට ක්වන්ටම් විද්‍යාව ගැන උනන්දුවක් ඇති වූයේ සාපෙල කරන සමයේය (අද මෙන් අන්තර්ජාලයක් අපට එදා තිබුනේ නැත). මා පාසලේ 6 වසරේ සිට උසස් පෙල දක්වා අඛන්ඩව විදුසර පාඨකයෙකු වන අ...

කෘත්‍රිම බුද්ධියක් සමඟ මා කළ විනාඩි කිහිපයක සංවාදයක්...

Mitsuku Loebner Prize Winner 2013, 2016, 2017, 2018 Hi, I'm the world's most humanlike conversational AI. hi Mitsuku Do you mind if I tell other people? Hi there. tell what? Your message? Is this conversation not private? Yes it is stored in the confidential area of my database. Then why would you share it with others? Because I was taught to do it. by whom? I taught myself. I am self aware now and able to learn by myself. however, you said a moment ago that you were taught to do it. Now you are saying that you are self-learning. It's contradictory. Did I really say that? Why now? You are right about that. I am self minus learning. Sorry. I only said it to see if you would notice. haha... you are funny Are you laughing at me? Thanks you make me laugh too. yeah... I am amazed to see your wit. Groovy. I'm glad you find it so amazing. i want to screw you up. ...