"
මෙය අනාවැකියකි. නමුදු මේ අනාවැකිය මා ගැන නොව ඔබ ගැනයි. මේ අනාවැකියෙන් කියැවෙන්නේ ඔබේ අනාගතයයි. මෙය ඔබේ වම් මොළයෙන් පමණක් කියවීමෙන් ඔබට ඉතා පහසුවෙන් මෙය හාස්‍යයට, උපහාසයට, අපහාසයට ලක්කල හැකිය. එවිට ඔබේ දකුණු මොළයද ඉතා තදින් මෙම අනාවැකිය යථාර්තයෙන් බැහැර බවට සෘනාත්මක ශක්ති ප්‍රවාහ ඔබේ ස්නායු පද්ධතියට මුදා හරිමින් තහවුරු කිරීමට ඉතා ඉඩ ඇත. කෙසේ නමුත් ඔබේ වම් මොළයත් දකුණු මොළයත් මැනවින් සන්කලනය වී විශ්වයේ පවතින අනන්ත වියහැකියා විභවය සමග අනුබද්දව ඔබේ තුල සැඟව පවත්නා ශ්‍රේෂ්ඨත්වයේ, උත්කෘෂ්ඨත්වයේ බීජය පිලිබඳ ගැඹුරු විශ්වාසයෙන් ඔබේ අතිෂ්‍යයින් ඒකාග්‍ර කලහැකි චේතනාවේ සන්කල්පනාවේ මහිමය ගැන ප්‍රත්‍යක්ෂයෙන් මෙම අනාවැකිය කියවුවොහොත් ඔබ මෙය තුල වෙනස් වියහැකියාවක් දකිනු ඇති බව මගේ විශ්වාසයයි.
අදින් දශක දෙකක් ගිය තැන, ඔබ ශ්‍රී ලන්කාවේ සින්හල බෞද්ධ පුරවැසියෙකු ලෙසට නොව විශ්වයේ නිදහස් චින්තන මාර්ගෝපදෙෂකයෙකු ලෙස ඔබ ඔබව දකිනු ඇත. ඔබට අවශ්‍ය ඕනැම දැනුමක් තප්පරයකට අඩු කාලයකදී එසැනින් පසිඳුරන් නොයොදා ඔබේ සිහියට බාගත කරගැණීමට ඔබට හැකියාවක් තිබෙණු ඇත. රාගය, ද්වේෂය, මෝහය, ක්‍රෝධය, මානය වැනි අවුල්ලන සන්ක්‍යාතීය (Scramble Frequencies) ශක්ති ප්‍රවාහවලින් ඔබේ ප්‍රඥ්ඥා ග්‍රාහකය සීයට සීයක්ම ස්වායක්ත නිදොස් නිදහස් තලයක තිබෙණු ඇත. කිසිවෙකුට ඔබව පාලනය කිරීමට ඉහත අවුල්ලන සන්ක්‍යාත ඔබට නොදැනෙන්නට ඔබේ පද්ධතිය තුල රෝපනය කිරීමට නොහැකි වනු ඇත. ඔබේ මිතුරන් බොහොමයක් ආලෝක වර්ෂ අනන්තයක් ඈත මන්දාකිණි වලින් වනු ඇත. ඔවුන් ඔබේන් විශ්වයේ යතාර්ථය ගැන නොයෙකුත් දේ විමසා ඔවුන්ගේ මඟ නිරවුල් කරගනු ඇත. ඔවුන් සමග පමණක් නොව ඔබ ඔබේ නිවසේ බිලාලයා හා සුනඛයා සමගද ඔබේ දැක්ම බෙදාහදාගනිමින් ඔවුන්ගේ අධ්‍යාත්මික පරිණාමයේ ගුරුවරයා, මඟපෙන්වන්නා, පෝෂකයා වනු ඇත.
ඔබ ඔබේ පරිණාමයේ ඉහළම තලයේ සිටිනු ඇති අතර, ඔබේ මිනිස් සිරුර නැමති ත්‍රිමාණ ලෝකයේ ඔබ පදවන වාහනය ඔබ කැමති මාණයකට සුසන්ගත කිරීමට පැදවීමට ඔබට අමිල හැකියාවක් පවතිනු ඇත. ඔබෙන් මඟ දැන උගෙන ඔබේ විභවයට ලඟාවී අමරණීය සාර්වත්‍ර, සර්වඥ්ඥ, සර්වව්‍යාපී, සර්වබල විශ්ව නිර්මාපක බලය සමග සපුරා ඒකාත්මික වුනු ඔබේ සහෘද්ද විශ්ව පුරවැසියන් ගනණ අප්‍රමාණ වනු ඇත.
ඔබ ඔබේ ශ්‍රේෂ්ඨත්වයේ, උත්කෘෂ්ඨත්වයේ යථාර්තය ප්‍රත්‍යක්ෂව දනීනම්. ඔබ ඔබේ අභිප්‍රායේ අසීමිත විභවය දනීනම්, මේ යථාර්තය ඔබට නිර්මාණය කල හැකි බව ඔබේ සිතේ විශ්වයේ මෝහවාහකයින් විසින් රෝපිත සීමාකාරී විශ්වාස පද්ධති වලින් ඔබ්බට ඔබ දකීනම්. මෙම අනාවැකියේ සත්‍යතාව ඔබ දැනටමත් දනී...
"
Posts
:-#
ReplyDeleteඇත්තෙන්ම අප තව දශක කිහිපයක් ගිය තැන අප ( මිනිසා ) දෙවියන්ට සම වනු ඇත. අාතර් සී ක්ලාක් මහතා ගේ " අනාගත ආශ්චර්යයන්" ග්‍රන්ථයේ සඳහන් පරිදි වර්ෂ 2100 වන විට අප අමරණීයත්වය කරා යනු ඇත.
නමුත් මට එක් ප්‍රශ්නයක් තිබේ. අප අනාගතයේ කෙතරම් දියුණුවක් ලැබුවද (විඤ්ඤාණය සිරුරෙන් වෙන් කිරීම, අමරණීයත්වය ආදී දේවල්) ඒවා බුද්ධ වචනය අනුව විය නොහැකි දේවල් වීමයි.
නමුත් ඒවා සිත ධ්‍යාන මට්ටම වලට දියුණු කල විට ලබා ගත හැකිය. එහෙත් ප්‍රශ්නය තිබෙන්නේ අනාගත ලොව තුළ ඒවා සිදු වන්නේ සිත දියුණු කල විට නොවේ. (සමහර විට එසේ විය හැක. නමුත් අද ලෝකයේ කෙතරම් තාක්ෂණයක් පැවැතියද සමාජයීය හා අධ්‍යාත්මික වශයෙන් අතිශය පරිහානියට පත් ව තිබීමයි. එම නිසා අනාගත ලොව තුල ද එතරම් අධ්‍යාත්මික දියුණුවක් බලාපොරොත්තු විය නොහැකිය. එය සනාථ කිරීමට තවත් හේතුවක් වන්නේ මෙම කාලය මිනිසා පිරිහෙමින් පවතින කාලයක් බව බුදුරදුන් දේශනා කිරීමයි.) එනමුදු තාක්ෂණයෙන් නම් මිනිසා පිරිහී නැත. මෙයින් අදහස් වන්නේ බුදුරදුන් එදා දේශනා කළ දේ කිරීමට වෙනත් මාර්ගයන් (shory cut) තිබෙන බවද??? නැත්නම් අප අනාගතය නමින් උදම් අනන දේ අපගේම වෙස් වළා ගත් සතුරා බවද (අව් ගත්තෝ අවියෙන් ම නැසේ)???
විද්‍යාව යනු පොදු මානව දැනුමයි (එය බටහිර රටවල හෝ සුද්දගේ නිර්මාණයක් නොවේ සමහරුන් පවසන ලෙස). මා සෑම දෙයක්ම එම පොදු මානව දැනුමට සාපේක්ෂවයි සලකන්නේ. ආගම් හා දර්ශන අදහන අය එසේ තම ආගම/දර්ශන අනුව දේවල් විග්‍රහ කිරීම (මට) ගැටලුවක් නොවේ. කෙනා කෙනාගේ බුද්ධිය හා අවබෝධයේ හැටියටනෙ දේවල් විග්‍රහ කරන්නේ. දැනුම් පද්ධති හා විශ්වාස පද්ධතිවල විවිධත්වය තිබීම විසිතුරුය.
Delete