තවත් අපූරු ඡන්දයක් නිම විය. එය කරුණු රැසක් නිසා අපූර්ව වේ. සමහරු කියන පරිදි රදලයන්ගේ දේශපාලනයේ අවසානයක් (තාවකාලිකව හෝ) ඉන් සිදු විය. වැඩ කරන ජනයාගේ, නිර්ධන පංතියේ නායකයෙකු හා පක්ෂයක් බලයට පත් වීමද සුවිශේෂී වේ. රටේ මෙතෙක් සිදු වූ සකල විධ අපරාධ, දූෂන, භීෂන සොයා දඩුවම් කරනවා යැයි සමස්ථ රටවැසියා විශ්වාස කරන පාලනයක් ඇති විය. තවද, බහුතර කැමැත්ත නැති (එනම් 43%ක කැමැත්ත ඇති) ජනපතිවරයකු පත් විය. ජවිපෙ නායකයෙක් "තෙරුවන් සරණයි" කියා පැවසීමත් පුදුමය. මේ සියල්ල ලංකා ඉතිහාසයේ පලමු වරට සිදු වූ අපූරු දේශපාලන සංසිද්ධි වේ. මාද විවිධ හේතුන් මත අනුරට විරුද්ධව මෙවර තර්ක විතර්ක, සංවාද විවාද, හා "මඩ" යහමින් ගැසූ තත්වයක් මත වුවද, ඔහු දැන් රටේ ජනපති බැවින් ඔහුට පලමුව සුබ පතමි. ඔහුට විරුද්ධව වැඩ කලත්, මා (කිසිදා) කිසිදු පක්ෂයකට හෝ පුද්ගලයකුට කඩේ ගියේද නැති අතර අඩුම ගණනේ මාගේ ඡන්දය ප්‍රකාශ කිරීමටවත් ඡන්ද පොලට ගියෙ නැත (ජීවිතයේ පලමු වරට ඡන්ද වර්ජනයක). උපතේ සිටම වාමාංශික දේශපාලනය සක්‍රියව යෙදුනු පවුලක හැදී වැඩී, විප්ලවවාදි අදහස්වලින් මෙතෙක් කල් දක්වා සිටි මා පලමු වරට සාම්ප්‍රදායික (කන්සර්වටිව්...
ලංකාවේ ප්‍රහසන රගමඩලෙහි විජය නැගූ ඔහු ජීවන රගමඩලෙහිදී පසුගියදා පරාජය ලැබුවේය. කිසිදු හැදුනුම්කමක් නැති පුද්ගලයකු වියෝ වීමේදී ඒ වෙනුවෙන් කදුලක් නෙතගෙහි නැගේ නම් ඒ පුද්ගලයාගේ වටිනාකම හා ඔහු අප හදවතේ කෙතරම් වපසරියක ළැගුම්ගෙන සිටියේද යන්න පිළිබද ඉතාම හොද දර්ශකයකි එය.
ඔහුගේ සියලුම රගදැක්වීම් වයස් භේදයකින් තොරව කවුරුත් ආදරයෙන් සිහිපත් කරනු හා ඒ ගැන කතා කරනු ඇසෙන විට, ඔහු කෙරෙහි තිබූ ගෞරවාදරය තව තවත් වැඩිවේ. කලාවට අබරණක් වු හා කලාව බැබලවූ ඔහු කලාවෙන් බැබලෙන්නට දරන පොලොවෙන් ගවු ගණනක් උඩින් යන්නට තතමන "ෆෑන්ස් මේනියාවෙන්" පෙළෙන අවර කලා භක්ෂකයන්ට ඔහුගෙන් ඉගෙන ගත හැකි බොහෝ දේවල් තිබේ යැයි සිහිපත් වේ.
හට ගත් සෑම දේම නැසෙන නිසා, විජය නන්දසිරි කලාකරුවාණන්ටත් එම ධර්මතාව පොදු බව සිහි කර ගෙන, ඔහු වෙනුවෙන් නැගුනු සොව ඔහු වෙනුවෙන් අත්‍යන්ත ගෞරවාදරයක් බවට පත් කර ගනිමින් ඔහු ශේෂ කර ගිය මතකයන් සමග අපත් නිරතුරු මියෙන තුරු ජීවත් වෙමු.
ඔහුගේ සියලුම රගදැක්වීම් වයස් භේදයකින් තොරව කවුරුත් ආදරයෙන් සිහිපත් කරනු හා ඒ ගැන කතා කරනු ඇසෙන විට, ඔහු කෙරෙහි තිබූ ගෞරවාදරය තව තවත් වැඩිවේ. කලාවට අබරණක් වු හා කලාව බැබලවූ ඔහු කලාවෙන් බැබලෙන්නට දරන පොලොවෙන් ගවු ගණනක් උඩින් යන්නට තතමන "ෆෑන්ස් මේනියාවෙන්" පෙළෙන අවර කලා භක්ෂකයන්ට ඔහුගෙන් ඉගෙන ගත හැකි බොහෝ දේවල් තිබේ යැයි සිහිපත් වේ.
හට ගත් සෑම දේම නැසෙන නිසා, විජය නන්දසිරි කලාකරුවාණන්ටත් එම ධර්මතාව පොදු බව සිහි කර ගෙන, ඔහු වෙනුවෙන් නැගුනු සොව ඔහු වෙනුවෙන් අත්‍යන්ත ගෞරවාදරයක් බවට පත් කර ගනිමින් ඔහු ශේෂ කර ගිය මතකයන් සමග අපත් නිරතුරු මියෙන තුරු ජීවත් වෙමු.