තවත් අපූරු ඡන්දයක් නිම විය. එය කරුණු රැසක් නිසා අපූර්ව වේ. සමහරු කියන පරිදි රදලයන්ගේ දේශපාලනයේ අවසානයක් (තාවකාලිකව හෝ) ඉන් සිදු විය. වැඩ කරන ජනයාගේ, නිර්ධන පංතියේ නායකයෙකු හා පක්ෂයක් බලයට පත් වීමද සුවිශේෂී වේ. රටේ මෙතෙක් සිදු වූ සකල විධ අපරාධ, දූෂන, භීෂන සොයා දඩුවම් කරනවා යැයි සමස්ථ රටවැසියා විශ්වාස කරන පාලනයක් ඇති විය. තවද, බහුතර කැමැත්ත නැති (එනම් 43%ක කැමැත්ත ඇති) ජනපතිවරයකු පත් විය. ජවිපෙ නායකයෙක් "තෙරුවන් සරණයි" කියා පැවසීමත් පුදුමය. මේ සියල්ල ලංකා ඉතිහාසයේ පලමු වරට සිදු වූ අපූරු දේශපාලන සංසිද්ධි වේ. මාද විවිධ හේතුන් මත අනුරට විරුද්ධව මෙවර තර්ක විතර්ක, සංවාද විවාද, හා "මඩ" යහමින් ගැසූ තත්වයක් මත වුවද, ඔහු දැන් රටේ ජනපති බැවින් ඔහුට පලමුව සුබ පතමි. ඔහුට විරුද්ධව වැඩ කලත්, මා (කිසිදා) කිසිදු පක්ෂයකට හෝ පුද්ගලයකුට කඩේ ගියේද නැති අතර අඩුම ගණනේ මාගේ ඡන්දය ප්‍රකාශ කිරීමටවත් ඡන්ද පොලට ගියෙ නැත (ජීවිතයේ පලමු වරට ඡන්ද වර්ජනයක). උපතේ සිටම වාමාංශික දේශපාලනය සක්‍රියව යෙදුනු පවුලක හැදී වැඩී, විප්ලවවාදි අදහස්වලින් මෙතෙක් කල් දක්වා සිටි මා පලමු වරට සාම්ප්‍රදායික (කන්සර්වටිව්...
ලංකාවේ දේශපාලනය තනිකරම රඟදැක්වීමකි. දේශපාලුවෝ හොඳ නළුවො වන අතර, අපි හොඳ ප්‍රේක්ෂකයන්ය. මෙවුන්ගේ රඟදැක්වීම් ප්‍රේක්ෂකයන් වන අපට දැනෙන්නේද විවිධාකාරයෙනි. සමහර ප්‍රේක්ෂකයන්ට ඔවුන්ගේ රඟදැක්වීම වීරකම් සේ පෙනේ. සමහරෙකුට කවටයන් සේද, සමහරෙකුට දුෂ්ඨයන් සේද ආදී වශයෙන් පෙනේ. අපේ වියදමින් සැපසේ ජීවත් වන මෙවුන්, එම සැපය මදි කොට, හොරෙන්ද කෝටි ප්‍රකෝටි ගණන් වලින් ගසා කමින් කුබේරයන් සේ සැප විඳිති. අපි අත්පොලොසන් දෙමු. බලා හිඳිමු. උන්ට වන්දිභට්ටකම් කරමු. උන්ගේ හොරකම් අහුවෙන කොට ඊට දඬුවම් ලැබෙන්න යන විට උද්ඝෝෂණය කර උන්ව බේරා ගමු. සිංහ ලේ තියෙන අපට මේවා කිරීම කජ්ජක් නොවේ.
ලංකාවේ හාස්‍යජනක (හා වරෙක ගුජුප්සාජනක) දේශපාලුවන් හා උන්ගේ බත් බැලයන් කිහිප දෙනෙකුගේ හැසිරීම් ඇසුරින් අලුත් ප්‍රස්ථාව පිරුළු විශාල ප්‍රමාණයක් සාදා ගත හැකිය. ඔබත් සිතා බලන්න. කැමැති නම් ඔබේ සිතට ආ එවැනි දේශපාලන පිරුළු කමෙන්ට් එකේ ලියන්න.
- ලැජ්ජාවට වඩා සුනිල් හඳුන්නෙත්තිගේ ජාතික ලැයිස්තු මන්ත්‍රීකම ලොකුයි
- නම උඩුවේ ධම්මාලෝක වුණාට කරන්නේ අලි හොර
- බන්දුල ගුණවර්ධනට අධ්‍යාපන ඇමතිකම භාර දුන්නා වාගේ
- කට හින්දලු එස්බී හිරේ ගියේ
- විජේදාස රාජපක්ෂට අධිකරණ ඇමතිකම දුන්නා වාගේ
- නඩුත් ගෝඨාගේ බඩුත් ගෝඨාගේ
- සුමංගලගේ හක්කේ බුදුරැස් වත්තේ හොර අලි
- මහින්දව එලෝලා මෛත්‍රීව පත් කර ගත්තා වාගේ
- මෛත්‍රීව පෙන්නලා රනිල් බලය ගත්තා වාගේ
- ජීඑල් පීරිස්ගේ නීති උපදෙස් වගේ
- ටීඑන් එකේ නැට්ටෙ එල්ලිලා ජවිපෙට සංවිධායකකම ලැබුණා වාගේ
- රජ ගෙදර හිටවපු මෛත්‍රී වාගේ (= වෙළේ හිටවපු පඹය වගේ)
- මහින්ද හදපු ආර්ථිකය වාගේ (= අලියා ගිලපු දිවුල් ගෙඩිය වාගේ)
- හිරුණිකාට ඇප ලැබුණා වාගේ ඉක්මනින්
- විජේදාස ඇවන්ගාඩ් ආරක්ෂා කරන්නා සේ (=හුණුහපුලු මව තමන්ගේ පැටව් ආරක්ෂා කරන්නා සේ)
- විලමැද මැඳුරේ වීරවංශ වාගේ (=රජ ගෙදර කවටයා වාගේ)
- මෛත්‍රී රනිල් ප්‍රේමය වාගේ (=රාමා සීතා ප්‍රේමය වාගේ)