මුදල් නොගෙවා සැටලයිට් ටීවී බලන හැටි - 11


IKS යටතේ ක්‍රම කිහිපයක්ම ඇත. CCCAM  යනු ඉන් ප්‍රචලිතම ක්‍රමයක් වන අතර, mgcamd, newcamd, ආදි ලෙස තවත් ක්‍රම ගණනාවක්ම ඇත. මේ ක්‍රමවලින් එකක් හෝ කිහිපයක් ඔබේ රිසීවරය සපෝට් කරයි. මේ සෑම ක්‍රමයකදීම, එම සේවාව සපයන සර්වර් පරිගනකයකට ඇතුලු වීමට (access) අවශ්‍ය විස්තර අප සතු විය යුතුය (username, password, port number, ip address හෝ domain name). මේ සෑම සේවයක්ම නොමිලේ මෙන්ම මුදල් ගෙවාද ලබා ගත හැකිය. මා යෝජනා කරන්නේ අත්දැකීමක් ලබාගැනීම සඳහා නොමිලේ දෙන සේවයක් (මේවා ටෙස්ට් ලයින් ලෙස හැඳින්වෙනවා) පලමුව යොදා ගන්නා ලෙසයි. එසේ නොමිලේ දෙන එක සේවයක් නොව, සේවා ගණනාවක්ම භාවිතා කර බලන්න. අන්තර්ජාලයේ මෙම සේවා සපයන තැන් සිය ගණනක් ඇත.
 
cccam ගැන බලමු. කොකිට් රිසීවරයක ඉහත සෙටිංස් පිටුවේ Sharecam Settings තෝරන්න. ඉන්පසු එහිම ඇති Cccam Settings මතට ගොස් ok ඔබන්න.



එවිට, පහත රූපයේ ආකාරයට cccam දත්ත/පරාමිතින් ඇතුලු කිරීමට අලුත් පිටුවක් එනු ඇත. එහි එක් එක් කොටුවට (field) ගොස් අදාල පරාමිතින් පුරවන්න. ඇත්තටම එක් සීසීකෑම් සර්වරයක්/එකවුන්ට් එකක් නොව, සර්වර් 16ක් දක්වා ඇතුල් කර තබා ගත හැකිය. Index යන අයිතමයෙන් එම 16න් කැමති එකක් (ස්ලොට් එකක්) තෝරා ගන්න.
 


16ක් දක්වා සර්වර් කිහිපයක්ම ඇතුලු කළ හැකි වුවද, ඒ සෑම එකක්ම හැමවිටම සක්‍රියව තබා ගැනීමට අවශ්‍ය නැත. Status යන අයිතමයෙන් On යන්න තෝරා ගත් විට පමනි එම සර්වරය සක්‍රියව පවතිනු ඇත්තේ. ඉතිං, දැන් එය සිදු කරන අයුරු බලමු.
 
මෙය චෙක් කිරීම සඳහා hdpak.net යන වෙබ් අඩවියට ගොස් නොමිලේ දෙන සේවාව ලබා ගන්න. සෑම පැය 24කට සැරයක්ම පාස්වර්ඩ් එක වෙනස් වේ මෙම නොමිලේ දෙන සේවාවේදී (සමහර ඒවායේ පාස්වර්ඩ් පැය තුන හතරකට සැරයක් වෙනස් වේ). නොමිලේ දෙන සෑම දෙනාම යම් පැය ගණනකට සැරයක් පාස්වර්ඩ් එක වෙනස් කරයි. එය ඔවුන් කරන්නේ නොමිලේ දෙන සේවාව අධෛර්යමත් කර මුදල් ගෙවා එම සේවාව ලබා ගන්නා තැනට ඔබව පෙළඹවීමටයි. එම වෙබ් අඩවියට ගොස් Free Test ලින්ක් එක ඔබන්න. එවිට එන වෙබ් පේජ් එකේ මැද ඇති Generate Cline යන්න මත ක්ලික් කරන්න. එවිට තාවකාලික (ටෙස්ට්) ලයින් එකක් ලැබේ.
 
දැන් එම විස්තර ඉහත රූපයේ පෙන්වන cccam සෙටිංස් පිටුවේ ඇති එක් එක් කොටුවට ඇතුලු කරන්න. අදාල පරාමිතින් ඇතුලු කළ පසු, නිල් පාට බට්න් එක ඔබා එය සේව් කරගන්න. දැන් ඔබ ඇතුලු කළ සේවාව සක්‍රිය වේ. එය හොඳින් සක්‍රිය වූයේ නම් (ඒ කියන්නේ ඔබ ඇතුලු කළ සියලු පරාමිතින් නිවැරදි නම්), පහල Status යන තැන Connect හෝ Ready for work යනුවෙන් දර්ශනය වේවි. දැන් බලන්න ස්ක්රැම්බල් කරපු චැනල් එකක්. මොහොතකින් එය දර්ශනය වනු ඇත (චැනලයක් තෝරපු ගමන් දර්ශනය නොවේ; තත්පර දෙකක් පමන ගිය පසුයි දර්ශනය වන්නේ). වැඩේ සාර්ථකයි!!!
 




iks සක්‍රිය කළ පසු වුවද, ඉඳහිට ටීවී එකේ දර්ශන නොපෙන්වා සුපුරුදු Scrambled යන පනිවුඩය පෙනේවි. එවිට තත්පර කිහිපයකින් නැවත දර්ශන පෙනේවි. එහෙත් තත්පර දහයක් පහලොවක් පමන ගිය පසුත් දර්ශන නොපෙන්වයි නම්, ඊට හේතුව රිසීවරය හා සර්වර් එක අතර ඩිසකනෙක්ට් වීමක් විය හැකිය. එවිට, නැවත් cccam සෙටිංස් සකසපු පිටුවට ගොස් බලන්න එහි status එක Disconnected කියා තිබේද කියා. එවිට, රිමෝට් එකේ නිල් පාට බට්න් එක ඔබා සර්වර් එකට නැවත කනෙක්ට් කළ හැකිය. සමහරවිට නිල් පාට බට්න් එක දෙතුන් සැරයක් එබීමටද සිදු වේ එය කනෙක්ට් වන තුරු.
 
නිතර කියන තවත් වචනයක් වන්නේ cline වේ. එයද cccam ක්‍රමයටම අයත් වචනයකි. Cccam වලදී හමු වූ පරාමිතින් පහත ආකාරයට ලියන විට ඊට cline යැයි කියයි. ඉතිං, ඔබ සීලයින් එකක් එලෙස දුටු විට, ඉන් පරාමිතින් වෙන් කොට හඳුනාගැනීමට හැකි විය යුතුය (ඒ ඒ පරාමිතින් මා විවිධ වර්ණවලින් දක්වා තිබේ - පිලිවෙලින් සර්වර් එක, පෝට් එක, යූසර්නේම්, පාස්වර්ඩ් යන පරාමිතින් එහි ඇත).
 
C:\ hdpak.net:2000 user_name password
 
ඔබට අහසේ ඇති චන්ද්‍රිකා දුසිම් ගණනකින් එකක් ඩිෂ් එකෙන් පහසුවෙන්ම අල්ලා ගත හැකිය. සමහර චන්ද්‍රිකාවල සියලුම චැනල් හෝ සමහර චැනල් FTA වේවි. ඩයලොග් චන්ද්‍රිකාවේ නම් එෆ්ටීඒ චැනල් තිබෙන්නේ එකක් පමනි. අනෙක් චැනල් ස්ක්‍රැම්බල් කර තිබෙනු ඇත. එවිට, එම චැනල් බැලීමට ඉහත විස්තර කළ ආකාරයට iks පහසුකම සැකසීමට සිදු වේ. එහිදී නොමිලේ හෝ මුදල් දී එම සේවාව සපයන සර්වරයක් (නීති විරෝධි) ඔබට සොයා ගැනීමටද සිදු වේ.
 
බොහෝ ටෙස්ට් (ෆ්‍රී) ලයින්වල කොලිටියක් නැත. නිතර නිතර රූපවාහිනි දර්ශන “හිර වේ” (freezing). එනිසා, මසකට රුපියල් දෙතුන් සියයක් ගෙවමින් හොඳ කොලිටියක් සහිත සීලයින් එකක් ලබා ගත හැකිය. එම මුදල් ගෙවීම, ක්‍රෙඩිට්/ඩෙබිට් කාඩ් එකකින් හෝ පේපැල් මගින් හෝ EZ cash/m-cash වැනි ක්‍රමයකින් සිදු කළ හැකිය.
 
ඔබ යම් සීලයින් එකක් ගත් පලියට ඉන් කියවෙන්නේ නැහැ ඔබ අල්ලන සෑම චන්ද්‍රිකාවකම ස්ක්‍රැම්බල් කරපු චැනල් බැලිය හැකියි කියා. උදාහරණයක් ලෙස, ඩයලොග්, ඩිෂ් ටීවී යන චන්ද්‍රිකා දෙක පමනක් ආවරණය වන ලයින් එකක් ඔබ භාවිතා කරන විට, ඉන් වෙනත් චන්ද්‍රිකාවක චැනල් බැලිය නොහැකිය. එනිසා, සීලයින් එකක් නොමිලේ හෝ මුදල් දී භාවිතා කරන්නට යන විට, පලමුව සොයා බලන්න එම ලයින් එකෙන් ඔබට අවශ්‍ය චන්ද්‍රිකාව (හෝ චන්ද්‍රිකා කිහිපය) ආවරණය කරනවාද කියා.
 
ඒ විතරක්ද නොව; යම් චන්ද්‍රිකාවක් යම් සර්වර් එකකින් ආවරණය කළත්, සමහරවිට එම චන්ද්‍රිකාවෙන් ලබා ගත හැකි සියලු චැනල් ඉන් බැලීමට නොහැකි වීමටත් පුලුවන්. ඒ කියන්නේ ස්ක්‍රැම්බල් කරපු සමහර චැනල් පමනක් දර්ශනය කරාවි. ඊට හේතුව වන්නේ සර්වර් එක නඩත්තු කරන අය සියලු චැනල්වලට හරියන ලෙස ඔවුන්ගේ සර්වර් එක සකස් කර නොතිබීමයි.
 
iks සඳහා රිසීවරය අන්තර්ජාලයට සම්බන්ද කළ යුතු වෙනවා. සමහර රිසීවර ඊතර්නෙට් කේබලයක් මඟින් ස්විචයකට/රවුටරයකට සම්බන්ද කරන අතර, අද තිබෙන බොහෝ රිසීවර් වයිෆයි ක්‍රමයටයි කනෙක්ට් කරන්නේ. එහිදී ඔබේ වයිෆයි පාස්වර්ඩ් එක රිසීවරයට පලමුව ලබා දිය යුතු වෙනවා. එයද Network Setting නම් සෙටිංස් පේජ් එකකින් සිදු වේ. පහත පෙන්වා ඇති ලෙසට, Mode යන්න On කර, Type යන්න සඳහා DHCP තෝරන්න. නිවැරදිව වයිෆයි පාස්වර්ඩ් එක ලිව්වා නම්, ටික වෙලාවකින් ඉන්ටර්නෙට් එකට කනෙක්ට් වී Status එක Connected කියා දර්ශනය වේවි.
 





විවිධ හේතු නිසා, ඉඳහිට රිසීවරයේ වයිෆයි කනෙක්ෂන් එක ඩිස්කනෙක්ට් වී නැවත ඉබේ කනෙක්ට් නොවී තිබීමටද හැකියි. එවිට, ඉහත සෙටිංස් පේජ් එකට ගොස් නැවත එය කනෙක්ට් කළ යුතුය. එසේ කළත් කනෙක්ට් නොවේ නම්, වයිෆයි රවුටරය ඕෆ් කර නැවත ඔන් කර රිසීවරය කනෙක්ට් කරන්න.
 
මේ පරිද්දෙන්ම mgcamd ආදි අනෙක් ක්රම ගැනත් අත්හදා බලන්න. මුදල් ගෙවා බැලිය යුතු සැටලයිට් චැනල් නොමිලේ බැලීමට අවශ්‍ය කරන සියලු දැනුම දැන් ඔබට ඇත. එහෙත් සැටලයිට් ටීවී සම්බන්දව තවත් අතිරේක කාරණා කිහිපයක් මා සටහන් කරමි.
 
ඉහත විස්තර කළ ආකාරයට, ඔබේ IKS පහසුකම සහිත රිසීවරය සිදු කරන්නේ අන්තර්ජාලයේ එම නීතිවිරෝධි සේවාව ලබා දෙන සර්වර් එකකට කනෙක්ට් වීමනෙ. එහෙත් dreambox, blackbox වැනි සැටලයිට් රිසීවර් තිබෙනවා අනෙක් අයට එම සේවාව සපයන සර්වර් එකක් ලෙස සකසන්නට හැකියි. ඒ කියන්නේ එම සැටලයිට් රිසීවරය අන්තර්ජාලයට (හෝ වෙනත් පරිගනක ජාලයකට) සම්බන්ද කර, එම පරිගනක ජාලය හරහා තවත් අයට රහස් කේත (කෝඩ්වර්ඩ්) බෙදා දිය හැකියි.
 
මෙවිට සිදුවන්නේ මෙයයි. ඔබ නිසි මාසික ගාස්තු ගෙවා නීත්‍යානුකූලව යම් චන්ද්‍රිකා ටීවී සේවයක් ලබා ගනී. මෙවිට ලැබෙන සිම්පත ඇතුලත් කිරීමට ස්ලොට් එකක්ද මෙම විශේෂිත රිසීවරයේ ඇත. අන්න එම සිම්පත භාවිතා කර ගෙන සැටලයිට් චැනල් ඩික්‍රිප්ට් කර පරිගනක ජාලය හරහා අන් අයත් සමඟ කෝඩ්වර්ඩ් ෂෙයාර් කර ගනී. ඔබ මුදල් ගෙවා ලබා ගත් කනෙක්ෂන් එකෙන් (සිම් එකෙන්) බැලිය හැකි චැනල් පමනයි එවිට අනෙක් අයටත් බැලිය හැකි වන්නේ. මෙම ක්‍රියාවලියත් නීතිවිරෝධි බව මතක තබා ගන්න.
 
අවශ්‍ය නම් එවැනි රිසීවරයක් මිලට ගෙන, ඩයලොග් හෝ වෙනත් අයෙකුගෙන් සැටලයිට් ටෙලිවිෂන් සම්බන්දතාවකුත් මිලට අරං, අදාල සෙටිංස් රිසීවරයේ සකසා, ඔබේ යහලුවන් දහ දොලොස් දෙනෙකු සමඟ (අවශ්‍ය නම් සිය ගණනක් සමඟ වුවද) එය ෂෙයාර් කර ගත හැකියි. මෙවිට, එම සේවාව සපයන ඔබට හොඳ බ්‍රෝඩ්බෑන්ඩ් ඉන්ටර්නෙට් කනෙක්ෂන් එකක් තිබිය යුතුය. සැටලයිට් රිසීවරය හා ඉන්ටර්නෙට් රවුටරය UPS එකකට සම්බන්ද කර ගැනීමත් වටිනවා (යූපීඑස් එකක් යනු විදුලි බලය ඇනහිටියත් යම් කාලයක් පුරාවට විදුලිය නොකපා තබා ගන්නා උපාංගයකි).
 
අපට හැකියි චන්ද්‍රිකා කිහිපයක් එකවර හසුකරගෙන එකම රිසීවරයෙන් බලන්නටත්. මේ සඳහා ඩිෂ් කිහිපයක් අවශ්‍ය වේ. එක් චන්ද්‍රිකාවකට ඉතිං එක් දීසියක් (එල්එන්බීද වෙන වෙනම තිබිය යුතුය) බැඟින් අවශ්‍ය කරනවානෙ. එවිට, චන්ද්‍රිකා දෙකක් එකවර අල්ලනට ඕන නම්, ඩිෂ් දෙකක් අවශ්‍ය වේ.
 
මෙවිට, එම ඩිෂ් පෙර පරිදිම තමන්ට කැමති චන්ද්‍රිකාවලට එල්ල කරන්න. එහෙත්, ඩිෂ්වලින් එන කේබල් සියල්ල එකවර රිසීවරයට සම්බන්ද කරන්නට බැහැනෙ. ඒ සඳහා අතරමැදි උපාංගයක් අවශ්‍ය කරනවා. එය DiSEqC switch ලෙස හැඳින්වේ (DiSEqC යනු Digital Satellite Equipment Control යන දිගු වචනයේ කෙටි කිරීමකි). එහි female F connector 3ක් හෝ වැඩි ගණනක් පවතී. එක් f connector එකක් හැමවිටම රිසීවරයට සවි කරයි (output). අනෙක් කනෙක්ටර්වලට තමයි ඩිෂ්වල සවි කර ඇති එල්එන්බීවල සිට එන කේබල් තනි තනිව කනෙක්ට් කරන්නේ (inputs). ඉන්පුට් දෙකක් හා අවුට්පුට් එකක් ඇති ස්විචය 2x1 ලෙසද, ඉන්පුට් හතරක් හා එක අවුට්පුට් එකක් ඇති ස්විචය 4x1 ලෙසද, ඉන්පුට් 8ක් හා එක අවුට්පුට් එකක් ඇති ස්විචය 8x1 ආදි ලෙස කෙටියෙන් සටහන් කරයි.
 





ඩයිසෙක් ස්විචයක් සවි කිරීමෙන් සාමාන්‍යයෙන් සංඥාව ඩෙසිබල් 3කින් හෙවත් දෙගුණයකින් පමන අඩු වේ (ඔබ දන්නවා සංඥා ගමන් කරන මාර්ගයේ සවි කරන ඕනෑම උපාංගයක් විසින් සංඥාව බෙලහීන කරන බව); මෙය insertion loss ලෙස ඩයිසෙක් ස්විචයේම සටහන් කර තිබේ. අව්ව වැස්ස වදින්නේ නැති විදියට හෝ තැනක ඩයිසෙක් ස්විචය සවි කරන්න. කැමති නම්, ස්විචයට සවි කරන එක් එක් කේබල් කනෙක්ටරය අසල මාස්කිං ටේප් එකක අදාල චන්ද්‍රිකාවේ නම හා දේශාංශකය ලියා අලවන්න (එවිට පහසුවෙන්ම ඒ ඒ කනෙක්ටරය සවි කර තිබෙන්නේ කුමන චන්ද්‍රිකාව සඳහාද යන්න ගැන දැන ගත හැකියි).
 
ඉතිං ඔබට කරන්නට තිබෙන්නේ ඩිෂ්වල සිට එන කේබල් සියල්ල ඩයිසෙක් ස්විචයේ LNB1, LNB2 ආදි වශයෙන් සටහන් කර ඇති කනෙක්ටර්වලට සවි කර, tuner හෝ receiver ලෙස සටහන් කර ඇති අවුට්පුට් කනෙක්ටරය රිසීවරයට සවි කිරීමටයි. දැන් තිබෙන සියලුම සැට් රිසීවර් මෙම ඩයිසෙක් ස්විච් සමඟ වැඩ කළ හැකි පරිදි නිෂ්පාදනය කර ඇත.


ඩයිසෙක් ස්විච්වල version කිහිපයක් ඇත - 1.0, 1.1, 1.2 හා 2.0, 2.1, 2.2 ලෙස. වර්ෂන් අගය ඉහලට යන්නට යන්නට වඩා දියුණු ස්විචයක් බව ඉන් හැඟවේ. ඒ ඒ වර්ෂන් අංකයෙන් කියැවෙන්නේ මොනවාද?
 
Diseqc 1.0 – LNB 4ක් දක්වා උපරිම සපෝට් කරයි
Diseqc 1.1 – LNB 16ක් දක්වා උපරිම සපෝට් කරයි
Diseqc 1.2 – LNB 16ක් දක්වා උපරිම සපෝට් කරන අතර ඩිෂ් එක කරකැවිය හැකි එක් මෝටරයක් සපෝට් කරයි
 
ඉහත සියලු වර්ෂන්වලට හැකියාව තිබෙන්නේ එක් පැත්තකට පමනක් දත්ත ගමන් කරවීමටයි. ඉහත වර්ෂන්වලට දෙපැත්තටම දත්ත ගමන් කරවීමට හැකියාව ලබා දෙන ස්විචවල තමයි වර්ෂන් අංකය දෙකෙන් පටන් ගන්නේ. ඒ අනුව, Diseqc 2.0, 2.1, 2.2 යනුද ඉහත හැකියාවන් හා ඊට අමතරව දෙපැත්තටම දත්ත යැවීමේ හැකියාව ඇත. ඒ අනුව,
 
Diseqc 2.0 – LNB 4ක් දක්වා උපරිම සපෝට් කරන අතර, දත්ත දෙපැත්තටම ගමන් කරවයි
Diseqc 2.1 – LNB 16ක් දක්වා උපරිම සපෝට් කරන අතර, දත්ත දෙපැත්තටම ගමන් කරවයි
Diseqc 2.2 – LNB 16ක් දක්වා උපරිම සපෝට් කරන අතර, දත්ත දෙපැත්තටම ගමන් කරවයි; ඩිෂ් එක කරකැවිය හැකි එක් මෝටරයක්ද සපෝට් කරයි 
 
ඉතිං, රිසීවරයද මෙම වර්ෂන්වලින් යම් අගයක් හෝ සියල්ලම හෝ සපෝට් කළ හැකියි. එනිසා රිසීවරය හා ඩයිසෙක් ස්ව්චය අතර ගැලපීමක් තිබිය යුතු වෙනවා. එම ගැලපීම සොයන්නේ මෙසේය. රිසීවරය සපෝට් කරන ඉහලම වර්ෂන් අංකය හා ඊට පහල සියලු වර්ෂන් අංක සහිත ඩයිසෙක් ස්විච රිසීවරය විසින් සපෝට් කරනු ඇත. උදාහරණයක් ලෙස, රිසීවරය සපෝට් කරන්නේ 1.1 නම්, ඔබ භාවිතා කළ යුත්තේ 1.0, 1.1 යන වර්ෂන් අංක දරන ස්විච වේ. 
 
එහෙත් දෙපැත්තටම දත්ත ගමන් කරවීමට අවශ්‍යතාවක් නැතිනම්, දශම තිතට වම් පැත්තේ ඇති 1 හෝ 2 යන ඉලක්කම් නොසලකා හැරියද හැකියි. එවිට උදාහරණයක් ලෙස, 1.2 වර්ෂන් එකක් සහිත රිසීවරයක් සමඟ 2.0, 2.1, 2.2 යන වර්ෂන් සහිත ස්විචද යොදා ගත හැකි වෙනවා.
 
ඔබගේ රිසීවරය සපෝට් කරන උපරිම වර්ෂන් එක 1.0 නම්, ඔබට 8x1 ස්විචයක් සම්බන්ද කළ නොහැකියි මොකද 1.0 වර්ෂන් එකට උපරිම සපෝට් කළ හැක්කේ 4x1 ස්විචයකි. කෙසේ වෙතත් අද තිබෙන බොහෝ රිසීවර් මේ සියලුම වර්ෂන් සපෝට් කරන නිසා කිසිදු අවුලක් ඇති නොවේ. ඩයිසෙක් ස්විචයක් සවි කර තිබෙන විට, ඒ බැවි රිසීවරයට දැන්විය යුතුයි සෙටිංස් සෙට් කිරීමෙන්. එය කරන්නේ කෙසේදැයි බලමු.
 
ඩයිසෙක් ස්විචයක් නැති විටදී තිබුණේ එකම එක ඩිෂ් එකකි; එනම් එක චන්ද්‍රිකාවකින් පමනයි සංඥා ලැබුණේ. එවිට චැනල් ඇල්ලීමට සිදු කළේ single satellite blind scan එකකි. එහෙත් දැන් ඩිෂ් කිහිපයක් ඇති නිසා චන්ද්‍රිකා කිහිපයකින්ම සංඥා එකවර ලබා ගත හැකියි. මෙවිට චන්ද්‍රිකා කිහිපයක් එකවර බ්ලයින්ඩ් ස්කෑන් කිරීමට සිදු වේ (මෙය multi-satellite blind scan ලෙස හැඳින්වේ). සමහර රිසීවර්වල (මා ඉස්සර භාවිතා කළ රිසීවරයේ) මෙලෙස මල්ට් සැටලයිට් බ්ලයින්ඩ් ස්කෑන් යනුවෙන් වෙනම සෙටිං එකක් ඇතත් සමහර රිසීවර්වල (මා දැනට භාවිතා කරන රිසීවරයේ) එවැන්නක් නැත. මා දැනට භාවිතා කරන රිසීවරයේ එය සිදු කරන අයුරු බලමු (මෙය සැකසීම හරිම පහසුයි). Antenna Setting පිටුවට යන්න.


මෙහි DiSEqC 1.0 හා DiSEqC 1.1 යන අයිටම් දෙක තමයි සෙට් කරන්නට තිබෙන්නේ. මා භාවිතා කරන්නේ පෝට් 4ක් සහිත ඩයිසෙක් ස්විචයක් බැවින් DiSEqC 1.0 යන එකයි සෙට් කරන්නේ (අනෙක් එක ඕෆ් කර ඇත). මා පෝට් 4ට වැඩි ඩයිසෙක් ස්විචයක් යොදා ගන්නේ නම් භාවිතා කළ යුතු වන්නේ DiSEqC 1.1 යන්නයි.
 
ඉතිං, මා ඩයලොග් චන්ද්‍රිකාවට එල්ල කර තිබෙන දීසියේ කේබලය කනෙක්ට් කර තිබෙන්නේ ඩයිසෙක් ස්විචයේ 4 යන පෝට් එකටයි. එනිසා, Port 4 යන්න තෝරා ඇත. ඇත්තටම නිවැරදි පෝට් එක තේරුවොත් පමනයි Strength හා Quality යන බාර් දෙකේ සංඥා තිබෙන බව පෙන්වන්නෙත්. ඉන්පසු සුපුරුදු ලෙස බ්ලයින්ඩ් ස්කෑන් කරන්න.
 
මා තවත් දීසියක් ඩිෂ් ටීවී චන්ද්‍රිකාවටද එල්ල කර තිබේ. එහි කේබලය මා ඩයිසෙක් ස්විචයේ පෝට් අංක 1ට සෙට් කර ඇත. එවිට, මට කරන්නට තිබෙන්නේ ඩිෂ් ටීවී චන්ද්‍රිකාව ඉහත සෙටිංස්වලින් තෝරා, DiSEqC 1.0 අයිටමය යටතේ Port 1 යන්න තෝරා ස්කෑන් සිදු කිරීමයි.
 
මෙලෙස මාගේ පෝට් හතරේ ඩයිසෙක් ස්විචයට දීසී 4ක් දක්වා එකවර කනෙක්ට් කළ හැකිය. එවිට, එම දීසි එල්ල කර තිබෙන සියලු චන්ද්‍රිකාවල රූපවාහිනි චැනල් බැලිය හැකිය.
 
දැන් එම චන්ද්‍රිකා සියල්ලේම චැනල් ටියුන් වේවි. ඔබ රිමෝට් එකෙන් ඒ ඕනෑම චන්ද්‍රිකාවක චැනලයක් තෝරා ගත හැකිය. එලෙස යම් චැනලයක් ඔබ තෝරන විට, එම චැනලයට අදාල දීසිය ඉබේම රිසීවරය විසින් තෝරා ගනී. රිමෝට් එකේ ඇති Satellite නම් බට්න් එක ඔබා ඔබ සෙට් කර ඇති චන්ද්‍රිකාවලින් කැමති එකක් තෝරා ගතද හැකියි.
 
ඩයිසෙක් ස්විච හැරුනු විට සැටලයිට් ටීවී පද්ධතියක් තුල භාවිතා වන තවත් අතරමැදි උපාංග කිහිපයක් ඇත (splitter, combiner, diplexer).
  
Splitter යනු යම් තනි සංඥාවක් “පිටපත්” කිහිපයකට කඩන උපාංගයකි. රිසීවරයෙන් කෙලින්ම රූපවාහිනයට සංඥා යවන්නේ නැතිව, පලමුව ස්ප්ලිටරයට යවා ස්පිල්ටරයෙන් රූපවාහිනි කිහිපයකට එම සංඥා යොමු කළ හැකිය.



සවි කළ හැකි රූපවාහිනි ගණනට සරිලන අවුට්පුට් කනෙක්ටර් ගණනක් තිබෙන ස්ප්ලිටර් එකක් ලබා ගත යුතුය.




ඉහත ආකාරයේ සාමාන්‍ය ස්ප්ලිටරයක් භාවිතා කරන විට, ඊට ඇතුලුවන සංඥාව තමයි කොටස් ගණනාවකට කැඩී පිට වන්නේ. එවිට, සංඥාව කිහිප ගුණයකින් දුර්වල වේ. එය වැලැක්විය හැකි ස්ප්ලිටර්ද තිබෙන අතර, එවිට සිදු වන්නේ සංඥාව කොටස්වලට කඩන්නට පෙර ස්ප්ලිටරය විසින් වර්ධනය කිරීමයි.


ස්ප්ලිටරයක් භාවිතා කරමින් එකම චැනලය ටීවී කිහිපයකින් බැලිය හැකිය; එක එක්කෙනාට විවිධ එකවර බැලිය නොහැකිය.
 
Combiner යන උපාංගයෙන් කරන්නේ ඇන්ටනා කිහිපයකින් එන සංඥා දෙකක් හෝ කිහිපයක් තනි කේබලයක් හරහා යෑමට සැලැස්වීමයි. මෙම උපාංගයේ අරමුණ වන්නේ වෙනස් වෙනස් සංඥා කිහිපයක් යැවීමට තනි තනි කේබල් භාවිතා නොකර, තනි කේබලයක් හරහා එම සංඥා සියල්ල යැවීමයි. එමඟින් කේබල් ගණන අඩු කර ගෙන වියදම අඩු කර ගත හැකිය. වැඩේට කම්බයිනර් දෙකක් අවශ්‍ය වේ. එක් කෙලවරකදී සංඥා දෙක එකතු කර එකම කේබලය දිගේ එවීමට කම්බයිනරයක් අවශ්‍ය වන අතර, එම මිශ්‍ර සංඥාවෙන් සංඥා දෙක වෙන් වෙන්ව නැවත ලබා ගැනීමට අනෙක් කෙලවරටද කම්බයින්රයක් යෙදිය යුතු වේ.



පහත දැක්වෙන්නේ සැටලයිට් එල්එන්බී එකකින් එන සංඥාත් සාමාන්‍ය ටීවී ඇන්ටනාවකින් එන සංඥාත් එකට එකතු කර යවන කම්බයිනර් එකකි. බලන්න එහි කනෙක්ටර් අසල සටහන් කර තිබෙනවා කුමන සංඛ්‍යාත පරාසවලට අයත් සංඥාද එය විසින් සපෝට් කරන්නේ කියා.


කම්බයිනරයක් භාවිතා කරන විට සැලකිලිමත් විය යුතු එක කොන්දේසියක් ඇත. එනම්, කිසිම විටක එකම සංඛ්‍යාත පරාසයේ තිබෙන සංඥා දෙකක් ඊට ඇතුලත් නොවිය යුතුය. ඉහත රූපයේ පෙන්වා දෙන කම්බයිනරයේ වක්‍රව ඒ බව සටහන් වේ. එනම් එක් කනෙක්ටරයකට 5 – 860MHz සංඛ්‍යාත පරාසයේ සංඥාවක්ද, අනෙක් කනෙක්ටරයට 950 – 2300MHz සංඛ්‍යාත පරාසයේ සංඥාවක්ද ඇතුලත් කළ යුතුයි යනුවෙන් සටහන් කර තිබීමෙන් කියන්නේ එයයි.
 
Diplexer යනුද එක්තරා විදියකින් කම්බයින්ර් එකක්මයි. නොදියුණු ඩිප්ලෙක්සර් (passive diplexer ලෙස මේවා හැඳින්වේ) යනු ඇත්තටම කම්බයිනර් එකක්ම තමයි. එහෙත් දියුනු ඩිප්ලෙක්සර් (active diplexer) ඊට වඩා දියුණුය. මේවායෙන් සංඥා වර්ධනයක් සිදු වේ. සමහරවිට, කනෙක්ටර්වලට ඇතුලත් කරන සංඥා එකම සංඛ්‍යාත පරාසයේ වුවද මේවායේ ගැටලුවක් නොමැත (මක්නිසාද යත්, එය තුල තිබෙන පරිපථයෙන් එම සංඛ්‍යාතයන් ඉබේම එකිනෙකාට වෙනස් සංඛ්‍යාත පරාස තුල තබනවා).


කම්බයිනරය මෙන්ම ඩිප්ලෙක්සරයද ජෝඩු වශයෙන් භාවිතා කිරීමට සිදු වේ.
 

 
මෙම ලිපි පෙල මෙතැනින් නිමයි.

Comments

  1. මමත් සියණෑ කෝරලේ.
    මටත් ඔය උන්නැහැගේ ඇන්ටෙනා කෝණ එවිදියටම හරියයි. ඒ නිසා ඔයා ඇන්ටෙනාව හයිකරපු කෝණ දාන්න.
    ඔය උපකරණ සැට් එකට කීයක් යයිද?
    ඔව්වා ගන්න තියෙන සිංහල කයකුත් දැම්මනම් හොඳයි.

    ReplyDelete
    Replies
    1. ඔව්... මේවා එච්චර දේවල් නෙමෙයි. ඩයලොග් චන්ද්‍රිකාවේ ඇසිමත් කෝණය 260 හා එලිවේෂන් කෝණය 48.6 හා ස්කිව් එක 77.8 වේ. රිසීවරය රුපියල් තුන්දහස් ගනනක් වෙනවා. ඩිෂ් එක හා කේබල් නම් ඉතිං අහල පහලින් නිකංම වුනත් හොයා ගන්න බැරි වෙන එකක් නැහැ. මං මේවා ගෙන්න ගත්තේ aliexpress.com එකෙන් (චීනෙන්). චීනෙ ඉදන් ලංකාවට ගෙන්න ගන්නවට වඩා මිල අධිකයි ලංකාවෙන් මේව සල්ලි දීල ගන්න එක (මොන ජාතියේ ආර්ථික විද්‍යාවක් එතැන ඇත්දැයි මා දන්නේ නැත).

      Delete
  2. සිංහල යුනිකොඩ් ෆෝන්ට් හදන ක්‍රමය දන්නවද?

    ReplyDelete
    Replies
    1. යුනිකෝඩ් සෑදීමට සොෆ්ට්වෙයාර් තිබේ (වින්ඩෝස් හා ලිනක්ස් යන ප්ලැට්ෆෝර්ම් දෙකටම)... විෂුවල් ක්‍රමයට එය කිරීමට තිබෙන නිසා සොෆ්ට්වෙයාර් එක ස්ථාපනය කර ගත් පසුව ඉබේම කරන්නට තිබෙන දේ තේරෙයි (හෙල්ප් ෆයිල් එකෙන් වැඩි විස්තරත් දැන ගත හැකියි) කාලයකට උඩදී මාටින් වික්‍රමසිංහයන්ගේ අත් අකුරු සහිත සිංහල යුනිකෝඩ් ෆොන්ට් එකක් මා සෑදීමට උත්සහ කළා. අවාසනාවකට මෙන් එහි විශාල ප්‍රමාණයක වැඩ අවසන් වූවාට පසුව මගේ පරිගනකයේ හාඩ් එක පිච්චිලා ගියා...

      Delete
  3. මම BSD පරිගනක (පරිඝනක නෙමෙයි පරිඝනක කියන්නේ Tesseract වලට) මෙහෙයුම් පද්ධතිය අත්හදා බලන්න බලාපොරොත්තු වෙනවා. මේ දවස්වල වෙතක් බාගත කිරීම් කිපයක් තියෙන නිසා වැඩේ ප්‍රමාද වෙලා ඉක්මනින් මේක කරන්න බලාපොරොත්තු වෙනවා. ඔයත් උත්සාහ කරලා බලන්න. පේන විදියට ඒකට අනාගතයක් තියෙයි. UbuntuBSD කියල එකකුත් තියෙනවලු.

    ReplyDelete
    Replies
    1. ටෙසැරැක්ට් සඳහා පරිඝනක යන වචනය ඇත්තටම ඉතා හොඳින් පෑහේ... එම තොරතුරටත් ස්තූතියි. මං එක් වරක් ඔරිජිනල් BSD සමඟ වැඩ කරල තිබෙනවා (අවුරුදු බර ගනනකට පෙර). එතකොට සියල්ලම අක්ෂර ක්‍රමයටයි (ඩොස් ප්‍රොම්ප්ට් වගේ command line interface)) තිබුණේ. බොහොම අගෙයි... එය පාවිච්චි කරල ගුණ දොස් අපටත් කියන්න ඔබට හැකි නම් :)

      Delete
  4. මට USB female terminal කීපයක් සහ female සම්බන්ධක සහිත වයර් කීපයක් ගන්න තැක් ගම්පහ දිස්ත්‍රික්කය තුල තියෙනවද?
    ඒ වගේම arduino පුවරු සහ කොටස් ගන්න පුවවන්නම් වඩා හොඳයි.

    ReplyDelete
  5. ගම්පහ ඉම්පීරියල් (හෝලික්‍රොස් එකට ආසන්නයේ) එකේ මං හිතන්නේ අර කනෙක්ටර් තියෙනවා. ආඩුයිනෝ නම් ෂුවර් නැහැ. scion electronics එකේ නම් මේ ඔක්කොම තිබෙනවා (මාලඹේ එක් ශාකාවක් තිබෙනවා).

    ReplyDelete
  6. පොඩි ප්‍රශ්නයක් තියෙනවා
    ත්‍රිමාන වස්තුවක් එකිනෙකට ස්වාීනව දිශා 3ක් ඔස්සේ චලනය කලහැකියිනේ.
    ඒ වගේම එකිනෙකට ස්වාධීනව දිශා තුනක් ඔස්සේ එකවර භ්‍රමණය කල හැකිද?

    ද්විමාන වස්තුවකට වරකට ඇත්තේ එක භ්‍රමණ අක්ෂයයි.
    ඒ වගේ සිව්මාන පස්මාන වස්තුවලට ඇති භ්‍රමණ අක්ෂ ගණන කීයද?

    ReplyDelete
    Replies
    1. හැකියි. ස්මාර්ට් ෆෝන්වල ඇති සෙන්සර් බලන ඇප් වලිනුත් මට මතක විදියට එය පෙන්වනවා. යම් භ්‍රමන චලිතයක් xy, yz, xz යන එකිනෙකට ලම්භක තල තුන මත ඇති කරන ප්‍රක්ෂේපන ලෙස ඒවා සැලකිය හැකියි නේද?

      සලකා බලනු ලබන අවකාශයේ එකිනෙකට orthonormal තල ගනනට සමාන අක්ෂ ගණනක් ගත හැකියි නේද?

      Delete
  7. excuse moi

    මට ලොකු උදව්වක් අවශ්‍යයි.
    මම පැරණි සංගත තැටි ධාවකයකට https://www.alibaba.com/product-detail/Hot-Selling-Mp3-Fm-Radio-Module_60527700250.html පරිපථයක් සවිකර එය පරිගණකයට සවිකර පරිගණක ස්පීකරය හරහා අවශ්‍යවිට ගීත ඇසීමට බලාපොරොත්තු වෙනවා.

    මෙහිදී පරිගණකයේ හඬ ප්‍රතිදානය මගේ උපකරණයට ලබා දීමටත් පරිගණකයේ ස්පීකරය මගේ උපකරණයට සවිකර ස්විචයක් මඟින් පරිගණකයේ හඬ, මගේ රේඩියෝවේ හඬ, මේ දෙකේම මිශණයක් ලෙස රිසි ලෙස ශබ්ද ලබාගැනිමට බලාපොරොත්තු වනවා.
    මගේ ගැටළුව වන්නේ මගේ රේඩියෝව වසා දමා ඇතිවිට පරිගණක හඬ ප්‍රතිදානය සහ ස්ප‍ීකරය සම්බන්ධ වන ලෙසත්. රේඩියෝව ක්‍රියාත්මක කලවිට එම සම්බන්ධය කැඩී පරිගණකයේ හඬ ප්‍රතිදානය ශබ්ද මිශක පරිපථය වෙත යොමුකරන ක්‍රමය කුමක්ද යන්නයි.

    මේ සඳහා යාන්ත්‍රික ස්විචයක් යොදා නොගෙන කරන ආකාරය පැහැදිලි කරන්න

    ReplyDelete
  8. ඔබ නම් පුදුමයි ��. thanks

    ReplyDelete
  9. මාතෘකාවට අදාල නැති ප්‍රශ්න ටිකක් උනාට සොරි :) හැමෝම තමන් දන්න දෙයක්/අදහසක් තියෙනවනම් reply කරන්න. plz

    1. string theory ගැන ප්‍රශ්නයක්. reply එකක් ඕනේ.. අපි දන්නවා quantum entangled particles ආලෝකයේ වේගය ඉක්මවා තොරතුරු සන්නිවේදන කරගන්නවා. මේක අයින්ස්ටයින්ගෙ සාපේක්ෂතාවාදය ඉක්මවා යනව. Strong theory එකේ කියනවා අපිට නොපෙනෙන තරමේ ඉතා කුඩා මාන පවතින බව. තව අපි දන්නව wormholes ගැන. වෝර්ම්හෝල් එකක් පවතින්නෙ extra dimentions හරහා.

    ඉතින් මේ entangled වෙච්ච particles ජෝඩුවක් නිර්මාණය වෙච්ච ස්ට්‍රින්ග්ස්/ particles සතු quantum informations නිර්මාණය වූ strings ඒවා පවතින ඉතා කුඩා මාන (10 ක් පමන පවතින) හරහාම wormhole එකකින් වගේ කාල අවකාශයේ එක් තැනකින් තවත් තැනකට සම්ප්‍රේෂණය වෙනවා වෙන්න පුළුවන් නේද? එහෙම හිතුවොත් වෙන් වෙන්ව තියෙන සාපේක්ෂතාවාදයයි, quantum physics යි එකට එකතු කරන්න පුළුවන්. එතකොට wormhole මගින් ගමන් කරන එකයි quantum teleportation යි එකක් වෙයිද ?....

    2. මේ ගැන ඔයාල හිතන්නෙ මොකක්ද
    http://trueorcrazy.blogspot.com/2009/03/blog-post_10.html?m=1
    මේ ටික ටිකක් පැහැදිලි කරන්නකෝ. මේ වක්‍රය මොන වගේ එකක්ද?

    //දැන් අප එක් ෆෝටෝනයකට සාපේක්ෂව අනෙක් ෆෝටෝනයේ ගමන් මග ලකුණු කරමු. දැන් මේ ලකුණු කරන ලද වක්‍රයේ(සාධාරණ වශයෙන්) තෝරාගත් අභිමත ලක්ෂයයක් හරහා වක්‍රයට සපර්ෂකයක් අඳිමු. දැන් මේ රේඛාව ගැන අපට කිව හැක්කේ කුමක්ද?//

    නියතයක් කියල තමා මට හිතෙන්නෙ. මේ කියන්නෙ ෆෝටෝන දෙකේ සාපේක්ෂ චලිතයේ අවකල සංගුණකය නේද? (මට හිතෙන විදිහට)

    3. bose einsteine condensate අවස්ථාවේ පවතින වස්තුවක wavefuncion එකක් quantum tunnelling හෝ quantum superposition වීමට වියහැකියාවක් තියෙනවා නේද ? ඒ කියන්නෙ මේ වස්තුව තවත් තැනක පැවතීමේ වියහැකියාවක් තියෙනව නේද? මේක වෙනස්ම විදිහක teleportation එකක්ද?������

    4. අවස්ථිතිය කාලයටත් පොදුයිද?

    5. කාලය ගත වෙන්නෙ උෂ්ණත්වය නිසා නේද? තාපගතිකයේ 2 වන නියමයෙන් කියන ආකාරයට entropy නිසා කාලය ගතවෙනවා. එන්ට්‍රොපිය උපරිම වුනු කලට ඒ කියන්නෙ උෂ්ණත්වය 0K උන දවසට කාලය ගත වීමේ සීග්‍රතාවය 0 ක් වෙනවා. නමුත් උෂ්ණත්වය යනු අංශු සතු චාලක ශක්තිය පිළිබඳ මිම්මක්. චලනය.. විශේෂ සාපේක්ෂතාවාදයේ කියන විදිහට වේගයෙන් චලනය වන වස්තුවක කාලය ගත වෙන්නෙ හෙමින්. එතකොට හිතන්න ආලෝකයේ වේගයෙන් අංක චලනය වෙන පද්ධතියක කාලය ගත වීමේ සීග්‍රතාවය 0 යි. ���� මේ දෙක එකිනෙකට පරස්පරයි නේද?

    6. මේ වගේ දේවල් ගැන හිතද්දි මට හැගෙනව කාලය කියන්නෙ යම්කිසි ඍන (-) දෙයක්ද කියල. මට් ඒක කියන්න තේරෙන් නෑ. කාලයේ ගොඩක් ලක්ෂණ හරි අමුතුයි. ��

    මං මේ වගේ පිස්සු ප්‍රශ්න අහන්නෙ මගෙ අවබෝධය මදි කම නිසා වෙන්න ඕන..�� මට මේ හැමදේම පිළිවෙලකට free ඉගෙන ගන්න හොඳ websites/ youtube channel ටිකක් කියන්නකෝ.

    ReplyDelete
    Replies
    1. 5 හේ අංක චලනය කියල එකක් තියේ. ඒක අංශු චලනය ලෙස නිවැරදි විය යුතුයි :)

      Delete
    2. මේ ප්‍රශ්න සමූහය කියවාගෙන යන විට මගේ ඔලුවත් අවුල් වුණා වගේ දැනුනා... හාහා... මාත් ක්වන්ටම් භෞතිකය ගැන යම් පමනකට ඉගෙන ගෙන තිබුණත්, භෞතික විද්‍යාව මා හැදෑරූ උසස් අධ්‍යාපනයට අදාල විෂයක් වූයේ නැත. ඒ නිසා දිගින් දිගට මට උසස් විද්‍යාව ගැන ඉගෙනීමට/ඉගැන්වීමට අවකාශයක් සැලසුනේ නැත. එබැවින් අද වන විට මේ සම්බන්දව මගේ දැනුම සෑහෙන්න වියැකී ගොස් ඇත. තවද, රට තුල ක්වන්ටම් විෂය ගැන ප්‍රාමානික දැනුමැත්තන් සිටියත් රසවත් හරවත් ලෙස ඒ ගැන කතා කරනවා වෙනුවට ඔවුන් ක්වන්ටම්වලින් ඔලු පැලෙන්න ගසා දමන බැවින් එහි රසවත්බව විඳිමින්වත් විනෝදාංශයක් වශයෙන්වත් එහි නියැලෙන්නට සිතුනේ නැත. එනිසා මේ ගැන උනන්දු හා දැනුමැති වෙනත් අය සිටිත් නම් ඔබගේ පැනයන්ට සම්බන්දව සාකච්ඡා කිරීමට මාද ආරාධනා කරනවා.

      මා ඉගෙන ගන්නා කාලයේදී නම් ස්ට්‍රිං තියරි හෝ වෝම්හෝල් විද්‍යාත්මක නැත; ඒවා නිකංම තියරි පමනි (මා සිතන්නේ දැනටත් ඒවා විද්‍යාත්මක නොවේ).

      තවද, අපට නොපෙනෙන තරමේ කුඩා මාන ගැන ස්ට්‍රිං තියරියේ කතා කරන්නේ නැත. අවකාශීය මානවල ලොකු කුඩා බවක් ගැන කතා කළ හැකිද? එහෙත් ත්‍රිමානයෙන් එහා කිසිදු අවකාශීය මානයක් අපට සංජානනය නොවන බැවින්, අනෙකුත් "පවතිනවා යැයි උපකල්පිත" මාන තේරුම් ගැනීමට අර ඔබ පැවසූ ආකාරයේ "කුඩා පුඩු" ආකාරයේ ස්වරූපයක් ආකෘතික වශයෙන් ඉදිරිපත් කර ඇත. මහාචාර්ය ග්‍රීන්ගේ එවැනි දේශන මා දැක ඇත. ක්වන්ටම් සුපර්පොසිෂන් එක කිසිසේත් ටෙලිපොටේෂන් සමඟ සැසඳෙන සංසිද්ධියක් නොවේ.

      ඔබ ගොඩනඟා තිබෙන සමහර සම්බන්දතා ගැන මට ඇත්තටම පැහැදීමක් නැත. එනිසා තවත් ඒ ගැන ඉගෙන ගත් විට ඒ ගැන දැනුමක් ඒවි. කෙසේ වෙතත්, මේ ගැන කමෙන්ට් එකකින් විස්තර කිරීමට බැරි තරම් සංකීර්ණ ඒවාය. එනිසා ක්‍රමානුකූලව පිලිවෙලකට මේ සිද්ධාන්ත විස්තර හා පැහැදිලි කරමින් සම්බන්දතා ගොඩනැඟීම සුදුසුබව පේනවා. මටත් නිදහසක් තිබුණොත් ඒ ගැන නැවත සොයා ආවර්ජනය කර සංවාදයක් ගොඩනැඟීමට බලාපොරොත්තු වෙනවා.

      මට නම් පෙනෙන්නේ ඔබට පිස්සු නැත; විද්‍යාව දැන් අර්බුදයක පවතින නිසා ඔබ වැනි අයගේ "පිස්සු සිතුවිලි" ඉතාම වැදගත් දැනට පවතින ගැටලු සමනය කර පැරඩයිම් ෂිෆ්ට් එකක් ඇති කිරීමට. මා ඔබට යෝජානාවක් කිරීමට කැමැතියි. එනම්, සරල සිංහල බසින් ක්වන්ටම් විද්‍යාව හා ඔබ කතා කළ අනෙකුත් සංකල්ප ගැන ලියන්න. කැමති නම් ඔබේ නමද සහිතව මගේ බ්ලොග් එකේ ඒවා පළ කිරීමට හැකියි. නැතිනම්, ඔබේම බ්ලොග් එකක ලියන්න.

      Delete
    3. 1 ට විතරනෙ උත්තර දීල තියෙන්නෙ. අනිත් ප්‍රශ්න වලටත් මොන මොනාහරි උත්තරයක් දෙන්නකෝ :) ගොඩ කාලයක් තිස්සෙ දැවි දැවි හිටපු ප්‍රශ්න ටිකක් :)

      මට තව දෙයක් හිතුන. string theory වල මාන සම්බන්ධ කතාව topology භාවිතයෙන් විසදන්න පුලුවන් කියල. ඇත්තටම ඒක එහෙමද කියලත් දැනගන්න කැමතියි :) (මම topology ගැන මල පොතේ අකුරක් දන්නෑ)

      මම අවුරුදු 2 කට පෙර ඔබේ බ්ලොගය දකිනකොට මට ඔබව පෙනුනේ දෙවිකෙනෙක් වගේ. මම කවදාවත් හිතුවෙ නෑ මට මෙ බ්ලොගයේ ලිපි ලියන්නට ඔබ ආරාධනා කරයි කියලා :) :) :) thank you ! ඒක මට ලොකු දෙයක් ඇත්තටම... මොකද මම ඇත්තටම "ගණිතය" කියල දෙයක් මුලින්ම ඉගෙනගත්තෙ ඔබේ බ්ලොගයෙන් නිසා.. (සහ 3blue1brown yt channel එකෙනුයි කිරිවත්තුඩුව සර්ගෙ Dialog tv revision tv පඩම් වලිනුයි තමා ගණිතයෙහි රසය දැනුනේ).මටත් තියෙනවා ලොකු ආසාවක් බ්ලොගයක් හෝ youtube චැනලයක් පටන් ගෙන අපේ අයට සිංහලෙන් දෙයක් උගන්නන්න.. නමුත් කාලය හා මුදල් සෙවීමේ අවශ්‍යතාව ඊට හරස් වෙනවා.. ලබන අවුරුද්දේ මුල සිට මං පුලුවන් උනොත් ලිපි සපයන්නම්... :) නමුත් මං කොමෙන්ටුවක දැක්කා ක්වොන්ටම් පිලිබඳව ඔබට හොදින්ම පැහැදිලි කර දිය හැකි බව... පුලුවන්නම් අඩුම ගානේ ඔබ විස්තර කරලා recording එකක් වත් බ්ලොගයට දමන්න. මොකද මම මේව ගැන පිලිවෙලට ඉගෙනගත්ත කෙනෙක් නෙමෙයි. මම ඉස්සල්ල කිව්ව වගේ මම හැමදේකින්ම වගේ පොඩ්ඩ පොඩ්ඩ එක එක yt channel වලින්, එකෑක websites වලින් ඉගෙනගත්ත කෙනෙක්. ඒකයි මට අරවගේ විකර ප්‍රශ්න මතුවෙලා තියෙන්නෙත්.. හහා... පුලුවන්නම් ඉහත ලෙස voice records එවන්න. මට ටයිප් කරල පින්තූර දාල දෙන්න පුලුවන් :)

      Delete
    4. පසු ගිය කාලය තිස්සේම මා හටත් කාලය හා මුදල් තමයි හරස් වී තිබෙන්නේ. එනිසයි බ්ලොග් එකේ ලියන්න හෝ කමෙන්ට්වලට පිලිතුරු සපයන්න හෝ අතපසු වූයෙත්.

      බ්ලොග් එක ආරම්භයේදී මා සිතා සිටියේ ක්වන්ටම් විද්‍යාව ගැන ලිපි පෙලක් ලියන්නට තමයි. එහෙත් විවිධ හේතු නිසා ඒ ගැන ලිවීමට නොහැකි වූවා. ඊයේ මාගේ පරන සටහන් වගයක් ගෙන බලන විට නැවත තරමක ආශාවක් ඒ ගැන ඇති වූවා. එනිසා මා ඊළඟට ලියන ලිපි පෙල ක්වන්ටම් විද්‍යාව ගැන වේවි. ඒ ගැන ලියන්නට ගොස් මා ඇන ගනීද දන්නෙත් නැහැ. හාහාහා...

      මට හිතෙනවා මෙතෙක් කවුරුත් විස්තර/පැහැදිලි කර නොමැති තරමට තේරුම් ගැනීමට හැකි පරිදි ඒ ගැන යම් දැනුමක් දිය හැකි වේවි කියා.

      ඔබගේ උනන්දුවට හා මට උදව් කිරීමට ඉදිරිපත් වීම ගැනද සතුටු වෙනවා. ක්වන්ටම් ලිපි පෙලකින් අපි හමුවෙමු.

      Delete
    5. //ක්වන්ටම් ලිපි පෙලකින් අපි හමුවෙමු.// වචන වලින් කියන්නට බැරි සතුටක් ආවා... :) :) :)

      ඔබතුමාගේ පරන සටහන් වල පොටෝ ටිකක් බ්ලොගයේ පල කරන්නකෝ... අපිටත් ආසයි බලන්න... මා මීට ඉහතදීත් එම ඉල්ලීම කලා මට මතකයි. මාත් මං ආස සමහර කරුණු පිලිබඳ කුරුමිණි අකුරින් කෙටි සටහන් ගැහුවා මට මතකයි... හහා...

      මට කල්පනා කිරීමේදී තව සිතීවිල්ලක් ආවා. අපිට අයින්ස්ටයින්ගේ ක්ෂේත්‍ර සමීකරණ ක්වෝටර්නියන් ආකාරයෙන් දක්වන්න පුලුවන්ද කියලා... ඒවා තිය්‍රන්නෙ ටෙන්සර් ආකාරයෙන්නෙ...:) පිස්සු අදහසකට නැවතත් සමාවෙන්න...හහා..

      //ඔබගේ උනන්දුවට හා මට උදව් කිරීමට ඉදිරිපත් වීම ගැනද සතුටු වෙනවා.// ඕන උදව්වක් කරන්නම්...

      whatsapp +1 (780) 809-5489

      Delete
    6. අපගේ ගුරුදේවයානන් වන වනයේ නෙළුම (නලින් ද සිල්වා) තුමා කියපු හැටියට සිංහලයන් වියුක්ත චින්තනයට ඉතා දුර්වල ජාතියක් .ඒ නිසා අපට ක්වොන්ටම් භෙතික විද්‍යාව වගේ විශයයන් බෑ.

      අපිට පුළුවන් ජපන් ජාතිකයන්ට වගේ සංයුක්ත දැනුම නිපදවන්න විතරයි.

      ඔබතුමා මේපාර කතිරෙ ගහන්නේ කාටෙයි?

      Delete
    7. @ඇනෝ
      උඹ මගේ ඔලුව අවුල් කරන්න එපා... හාහා... ඕව මගේ ඔලුවට ගියාම සමහර වෙලාවට රෑට නින්ද යන්නෙත් නැති වෙනවා... සාධාරණ සාපේක්ෂතා ක්ෂේත්‍ර සමීකරණ විචල්‍ය හැටහුටා මාරකුත් තවත් ටිකක් තියෙන එකකි. (මෙය මගේ විෂයක් නොවේ) එනිසා මා පෙරත් සටහන් කර ඇති ආකාරයට සරල ක්වන්ටම් විද්‍යාව ගැන පමනක් ලියන්නම්. ඉතිරිය ඔයාලා ඉගෙන ගෙන අපටත් කියා දෙන්න. ඔයාගේ වට්ස්ඇප් පනිවුඩය මං කියෙව්වා (රිප්ලයි කරන්නම්).

      Delete
    8. @බහිජටා
      මට දැන් සිතා ගන්න පුලුවන් නලින් සිල්වාට "මල පනින" ස්වභාවය ඇති වී තිබෙන්නේ ඇයිද කියා... මං හිතන්නේ ක්වන්ටම් එක්ක ගැවසෙන විට ඔලුව විකල් වීම අනිවාර්ය සංසිද්ධියකි.

      ලාංකිකයාගේ එහෙම නොහැකියාවකුත් තිබේද? මං ඒ ගැන නොදනී. ජපනා හැබැයි පරමඅංශු භෞතික විද්‍යා ක්ෂේත්‍රයේ ඉදිරියෙන් සිටී. සිල්වා මහතාට ඒ ගැන අමතක වීද?

      මගේ කතිරෙ විකල්පයට!!! "නවුකාවකි මා ඈත සමුදුරේ"

      Delete
  10. ටියුෂන් පටන් ගන්න එහෙම අදහසක් නැද්ද ?? :)

    ReplyDelete
  11. ඔබ ගැන කියන්න වචන නෑ,සර් පැහැදිලි කිරීම් නම් සුපිරියි!
    කොළඹ මහජන පුස්තකාලයෙන් නලින් ද සිල්වා සර්ගේ විද්යා කතන්දර කියලා පොතක් කියෙව්වා.
    එ්ක නිසා විද්යාව ගැන අැල්මක් අැති වුණා.
    පසු කලෙකදි කීර්ති තෙන්නකෝන් හා ධම්මික සර්ලා දෙන්නා එක්ව ලියපු ක්වොන්ටම් භෞතිකය ගැන පොතක් කියෙව්වා.
    හැබැයි එ් කරුණු ඉතා පරිස්සමෙන් ඉගෙන ගන්න ඔනෑ,ඉක්මනින් අමතකත් වෙනවා
    අනිත් එක තමයි එ් පොත ගොඩක් පරණ වෙලා පිටු ඉරිලා.
    මං සර්ට යෝජනා කරනවා එම විෂය සම්බන්ධව පොතක් ලියන්න කියලා.පුස්තකාල සඳහා ඉතා අවශ්යයි.
    English මාධ්යයෙන් පොත් රාශියක් තිබුණට සිංහලෙන් ලිවී අැති පොත් ගනණ නම් ඉතා අල්පයි.

    ReplyDelete
    Replies
    1. :) ඔව් ක්වන්ටම් වැනි විෂයන් ගැන සිංහල බසින් පොත් ඉතා අඩුයි (මාත් දැක තිබෙන්නේ එක පොතකි; සමහරවිට ඔබ අර කියපු පුස්තකාලයෙන් හමු වූ පොත විය හැකියි). ඇත්තටම සිංහල බසින් බොහෝ විෂයන් සඳහා පොත් නැත. විද්‍යා තාක්ෂණික විෂයන් ගැන ඊනියා සිංහල උගතුන්ද ඉතාම අඩුවෙන් පොත් ලියන අතර එය ලියන්නේද ඉංග්‍රිසියෙනි. එහෙමත් නැතිනම් විෂය පැත්තකින් තියා ඒ ගැන තමන්ගේ බහුබූත විචාර ලියති. ඒ අතින් බැලුවහම අපි ඇත්තටම කාලකන්නි ජාතියක්; රටට මෙහෙම වෙලා තිබෙන්නෙත් ඒකයි.

      Delete
  12. මේ සම්පූර්න උපකරන වලට කීයක් වගේ යනවද සර් තව පුලුවන්නම් මේකෙ pdf එකුත් එලියට දාන්නවද සර්

    ReplyDelete
  13. thank you so much

    ReplyDelete
  14. upul sumanaweeraMay 5, 2023 at 1:06 PM

    අපැහැදිලි කරුණු ගනණාවක් පැහැදිලි කල චන්ද්‍රිකා ලිපි පෙළට ඔබතුමාට ස්තූතියි.

    ReplyDelete

Post a Comment

Thanks for the comment made on blog.tekcroach.top

Popular posts from this blog

දන්නා සිංහලෙන් ඉංග්‍රිසි ඉගෙන ගනිමු - පාඩම 1

දන්නා සිංහලෙන් ඉංග්‍රිසි ඉගෙන ගනිමු - අතිරේකය 1

දෛශික (vectors) - 1

මුදල් නොගෙවා සැටලයිට් ටීවී බලන හැටි - 7

සිංහලෙන් ක්වන්ටම් (Quantum in Sinhala) - 1

දැනගත යුතු ඉංග්‍රිසි වචන -1

මුදල් නොගෙවා සැටලයිට් ටීවී බලන හැටි - 1