Skip to main content
සමාජජාලයේ සැරිසරන විට අපූරු පෝස්ට් එකක් මා දැක්කා.


මෙහි ඉතාම සරල ගනිත ගැටලුවක් විසඳීමේදී සාමාන්‍ය (හෝ සයන්ටිෆික්) කැල්ක්‍යුලේටරයකිනුත් ෆෝන් එකක තිබෙන කැල්ක්‍යුලේටරයකිනුත් විසඳන විට වෙනස් පිළිතුරු දෙකක් ලැබී තිබේ. මාද සයන්ටිෆික් කැල් එකකිනුත් සැම්සුන් ෆෝන් එකක ඇති කැල් එකකිනුත් එම ගනන සුලු කළ විට එවිටත් ඉහත රූපයේ මෙන්ම වෙනස් පිළිතුරු දෙකකි ලැබුණේ.

බැලූබැල්මට මෙය නොසලකා හැරිය හැකි තත්වයක් සේ සිතා යම් විනෝදයක් ලැබිය හැකි අවස්ථාවක් සේ සලකා සිටීමට බැරිය. ඊට හේතුව, විවිධ ඉදිකිරීම්වලදී හෝ නිර්මානවලදී හෝ මෙවන් ගනනය කිරීමක් අවශ්‍ය ඕනෑම අවස්ථාවකදී වැරදි විසඳුමක් මත ඒවා සිදු කිරීමෙන් සිදු විය හැකි හානි අතිමහත්ය.

සාමාන්‍යයෙන් අප ගනිත ප්‍රකාශයක් සුලු කරන ක්‍රමවේදයක් ඇත. වම් අත පැත්තේ සිට දකුනත පැත්තට යන සේ විසඳීම සිදු කළ යුතුය. ඊටත් ප්‍රමුඛව "වන්බෙගුඑඅ" (bodmas) අනුපිලිවෙල පිලිපැදිය යුතු වේ. ඒ රීති දෙකම පිලිපැද්ද විට ඉහත ගැටලුව විසඳීම මෙසේ විය හැකිය.

6/2(2+1) -> 6/2(3) = 6/2x3 -> (6/2)x3 -> 3x3 = 9

ඉහත රූපයේ වම්පස ඇති කැල්ක්‍යුලේටරයෙන් සිදු කර තිබෙන්නේ එයයි. එහෙත් දකුනත පැත්තේ ඇති කැල්ක්‍යුලේටරයෙන් සුලු කර තිබෙන්නේ පහත අනුපිලිවෙලටය.

6/2(2+1) -> 6/2(3) = 6/(2x3) -> 6/6 = 1

බැලූබැල්මට 9 යන පිලිතුර නිවැරැදි යැයි මට සිතේ (මොකද එතැන අර කියූ රීතින් දෙක අකුරටම පිලිපැද ඇත). එහෙත් වඩා නිවැරදි විය යුත්තේ 1 යන පිලිතුරයි. ඊට හේතුව, සුලු කිරීමකදී වරහන් තුල තිබෙන ප්‍රකාශ සුලු කිරීම පලමුවෙන්ම සිදු කළ යුතු සේම, ඉන්පසු සමස්ථ ගනිත ප්‍රකාශය තුල තිබෙන සියලු වරහන් ඉවත් කිරීමද කළ යුතුය. එනිසා, "වරහන් තුල ඇති දේ පලමුව සුලු කරන්න" යනුවෙන් එම රීතිය මතක තබා ගන්නවා වෙනුවට "වරහන් ඉවත් කරන්න" යනුවෙන් එම රීතිය මතක තබා ගැනීම සුදුසුය.

Comments

  1. හ්ම්ම්...මේ විදිහට කළොත්... මං හිතන්නෙ සම්මත ක්‍රම නැතුව ස්වභාවික ක්‍රමයට හිතුවොත් හොඳයි කියල... :)

    https://drive.google.com/file/d/1xW0tBaCGnTdRazeYmcICtr9tlCzfHQ2a/view?usp=drivesdk

    ReplyDelete

Post a Comment

Thanks for the comment made on blog.tekcroach.top

Popular posts from this blog

පුරවැසියා බාල්දු කරන අපහසය හා පොදු දේපල

මා දේශපාලනය හා නීතිය දැන ඉගෙන ගත් පලමු දවසේ සිටම ඉතා පිලිකුල් කල දෙයක් නම්, ඒ ලංකාවේ අධිකරණ අපහස නීතිය ලෙස අවභාවිතයේ පවතින තත්වයයි. පෞද්ගලිකව 2006 දී පමන මා හදාරමින් සිටි නීතිවේදි උපාධිය පවා අත් හළ එක් ප්‍රධාන සාධකයක් වූයේ ලංකාවේ නීතිය ගැන ඇති වූ දැඩි කලකිරීමයි. හැකි සෑම අවස්ථාවකදීම මා විවිධ ලිපි හා සංවාද හරහා එම තත්වය නිර්දය ලෙස විවේචනය කර තිබේ. රනිල්ව රිමාන්ඩ් කිරීම සම්බන්දයෙන් ක්‍රියාත්මක වූ නීති කෘත්‍ය හා අධිකරන අපහසය ගැන නැවත සැරයක් කරලියට පැමින තිබේ. නූතන මිනිස් සමාජය හා දියුනුව සලකා බලන විට, කිසිම පුද්ගලයකුට හෝ ආයතනයකට පූජනීය ස්ථානයක් ලබා නොදිය යුතුය. පූජනීයත්වය වෙනුවට පෞරුෂත්වය ආදේශ විය යුතුය. න්‍යායාත්මකවත් ප්‍රායෝගිකවත් ඒවා පූජනීය නොවේ.  තත් කාරනයට ඍජුව අදාල නොවුනත්, අප දැන්වත් විනිසුරුවරුන් "ස්වාමිනි" යන නාමයෙන් ඇමතීම තහනම් කල යුතුය. එය ඉපැරනි වැඩවසම් වචනයකි. හැම මගුලටම රිමාන්ඩ් කිරීමද නතර කල යුතුය. අදාල උසාවි දිනයේදී ඉදිරිපත් නොවන විටක, ඊට සාධාරන හේතු නැතිනම්, අන්න එය අධිකරන අපහසයක් ලෙස සලකා රිමාන්ඩ් නොව කෙලින්ම බන්ධනාගාර ගත කිරීමක් කලද කමක් නැත. ආගමික සංස්ථා පවා ...

දන්නා සිංහලෙන් ඉංග්‍රිසි ඉගෙන ගනිමු - අතිරේකය 1

මූලික ඉංග්‍රීසි ලිවීම හා කියවීම ඉංග්‍රීසියෙන් ලියන්නේ හා ඉංග්‍රීසියෙන් ලියා ඇති දෙයක් කියවන්නේ කෙසේද?  ඉංග්‍රීසිය ඉගෙනීමට පෙර ඔබට මෙම හැකියාව තිබිය යුතුමය.  එය එතරම් අපහසු දෙයක්ද නොවේ.  ඔබේ උනන්දුව හොඳින් ‍තිබේ නම්, පැය කිහිපයකින් ඔබට මෙම හැකියාව ඇති කර ගත හැකිය.  මුල සිට පියවරෙන් පියවර එය උගන්වන්නම්.   මුලින්ම මිනිසා භාෂාවක් භාවිතා කළේ ශබ්දයෙන් පමණි.  එනම් ලිඛිත භාෂාව ඇති වූයේ පසු කාලයකදීය.  කටින් නිකුත් කරන ශබ්ද කනින් අසා ඔවුන් අදහස් උවමාරු කර ගත්තා.  පසුව ඔවුන්ට වුවමනා වුණා මෙම ශබ්ද කොලයක හෝ වෙනත් දෙයක සටහන් කර ගන්නට.  ඒ සඳහායි අකුරු නිර්මාණය කර ගත්තේ.  එම අකුරු නියෝජනය කරන්නේ ශබ්දයි .  මෙසේ මූලික අකුරු කිහිපයක් ඔවුන් එක එක භාෂාව සඳහා නිර්මාණය කර ගත්තා.  ඉංග්‍රීසියේදී මෙලෙස මූලික අකුරු 26ක් ඇත.   එය ඉංග්‍රීසි හෝඩිය ලෙස හැඳින් වෙනවා. අප ඉගෙන ගත යුත්තේ මෙම අකුරු මඟින් නියෝජනය කෙරෙන ශබ්ද මොනවාද යන්නයි.  එවිට ඔබට ඉංග්‍රීසි ලිවීමට හා කියවීමට හැකි වෙනවා.  ඊට පෙර අප අකුරු 26 දැනගත යුතුයි.  එම අ...

ත්‍රිකෝණමිතිය (trigonometry) - 1

හැඳින්වීම ත්‍රිකෝණමිතිය (trigonometry) යනු ගණිතයේ තිබෙන ඉතාම වැදගත් හා ප්‍රයෝජනවත් කොටසකි . මූලිකවම ත්‍රිකෝණයක් ආශ්‍රයෙන් මෙම ගණිත කර්ම හා සිද්ධාන්ත ගොඩනඟා ඇති නිසයි මෙම නම ඊට ලැබී තිබෙන්නේ (" ත්‍රිකෝණ ආශ්‍රිත මැනීම " යන තේරුම එහි ඇත ). එනිසා පළමුව ත්‍රිකෝණ ගැන කෙටියෙන් සලකා බලමු . ත්‍රිකෝණයක් (triangle) යනු කෝණ තුනක් සහිත සංවෘත ජ්‍යාමිතික රූපයකි . කෝණ ගණනට සමාන පාද ගණනක්ද තිබෙන බැවින් ත්‍රිකෝණයක පාද 3 ක්ද ඇත . ජ්‍යාමිතියේදී සරලතම ( එනම් අඩුම පාද ගණනකින් ඇඳිය හැකි ) සංවෘත තල රූපය වන්නේද ත්‍රිකෝණයයි . ඕනෑම ත්‍රිකෝණයක අභ්‍යන්තර කෝණ තුනෙහි එකතුව අංශක 180 කි . ඕනෑම ත්‍රිකෝණයක එක් අභ්‍යන්තර කෝණයක් තෝරා ගන්න . එම කෝණය සෑදීමට පාද දෙකක් අවශ්‍ය කෙරෙනවා ( කෝණයක් සෑදීමට සරල රේඛා දෙකක් අවශ්‍ය කරනවානෙ ). මෙම පාද බද්ධ පාද (adjacent sides) ලෙස හැඳින්වේ . ත්‍රිකෝණයක පාද 3 න් දෙකක් මේ අනුව බද්ධ පාද ලෙස සලකන විට , ඉතිරි පාදය ( එනම් අදාල කෝණය සෑදීමට හවුල් නොවූ පාදය ) සම්මුඛ පාදය (opposite side) ලෙස හැඳින්වෙනවා . සලකා බලනු ලබන කෝණයට මුහුනලා හෙවත් සම්මුඛව එය පාදය තිබෙන න...