දවස් ගණනකින් බ්ලොග් පෝස්ට් දමන්නටත් බැරිවුණා. සති දෙකක් පමණ පරිගනකය කැඩී තිබීම නිසාත්, මේ දිනවල ආධුනික ගුවන් විදුලි ශිල්පය (amateur radio or ham) ගැන කියවමින් එම විභාගයට සූදානම් වෙමින් සිටින නිසාත් ඊට කාලය සොයා ගත නොහැකිකමක් තිබේ. ආධුනික ගුවන් විදුලි ශිල්පය ගැන උනන්දුවක් දක්වන අයට ළඟදීම මා විසින් ලියන ඒ සම්බන්ද පාඩම් මාලාවක් බලාපොරොත්තු විය හැකියි. දැනට සිංහල බසින් මේ සම්බන්ද එච්චර පාඩම් හෝ පොතක් නොමැත.
තරමක ඕපාදූපයක් ගැන ලියන්නට හිතුනා. මේක දේශපාලන ඔපාදූපයක්. ලංකා දේශපාලනය හැඩගැස්වීමට (හොඳට නරකට) මූලික වූ දේශපාලන චරිත හා පරම්පරා කිහිපයක තොරතුරු ටිකක් ගැනයි මේ සටහන. ඔවුන් එකිනෙකා නෑයෝ. අන්න ඒ නෑදෑකම් ගැන පමනයි මා මෙහිදි සටහන් කරන්නට සිතන්නේ. සේනානායක, බණ්ඩාරනායක, ඔබේසේකර, විජේවර්ධන, ජයවර්ධන, කොතලාවල ආදී පරම්පරා අතර තිබෙන නෑ සබඳතා ගැනයි මේ විමසුම. එහෙත් ඒ ගැන ලිවීමට පෙර මේ මොහොතේ සමාජ මාධ්‍ය තුල පක්ෂ විපක්ෂව කතා කෙරෙන ජනපති අනුර හා පිරිසගේ විදෙස් සංචාර වියදම හා ඊට සාපේක්ෂව හිටපු ජනපතිවරුන්ගේ විදෙස් සංචාරක වියදම ගැනත් කෙටියෙන් සටහනක් තැබීමට කැමතියි. හිටපු ජනපතිවරුන්ගේ, විශේෂයෙන් මහින්ද රාජපක්කගේ විදෙස් සංචාර ගැන අපට ඇත්තටම ඇත්තේ පිලිකුලකි. උන් රටේ දුප්පත් ජනයාගේ වියදමින් එම ගමන් බිමන් ගියේ හා විනෝද වුනේ ධනවත් කුවේරයන් මෙනි. ඒ ගැන තිබෙන පිලිකුල එලෙසම නොවෙනස්ව තිබේ. ඊට සාපේක්ෂව අනුර කුමාරගේ වියදම රුපියල් ලක්ෂ 18ක් බව පැවසේ. මේ ගැන චාමර මන්ත්‍රී වරයා පාර්ලිමේන්තුවේදී අපූරු කතාවක් කලා. අනුරට බාගේ ටිකට් කඩලද දන්නේ නැහැ යනුවෙන් ඔහු කල හාස්‍යජනක ප්‍රකාශය ඇත්තටම ඇසිය යුතු ඉතාම නිවැරදි ප්‍රකාශයය...
හැකිනම් පරිගණක දෝෂ නිරාකරණය වැනි පාඩම් මාලාවකුත් කරන්න
ReplyDeletehaha... ඉස්සර වගේ නෙමෙයි දැන් ඔපරේටිං සිස්ටම් හා කොම්පියුටර් එහෙම පහසුවෙන් දෝෂ නිරාකරණය කළ හැකි ලෙසටයි නිර්මාණය වන්නේ. ඉස්සර වගේ IRQ, IO වගේ ඒවා හදන්න ඕනත් නැහැ. ඉස්කෝල යන කාලේ මට මතකයි පන දාගෙන ඉස්සර ඕව හැදුවා. මට මතකයි ආචාර්ය අශෝක කරුණානන්ද (මං හිතන්නේ නම හරි) හෙට ලොවට පරිගණක වගේ නමකින් පොතක් ලිව්වා. මං හිතන්නෙ නැහැ ඒක දැන් බුක්ෂොප්වල ඇති කියලා. පුලුවන් නම් හොයාගෙන කියවන්න. මගේ තවත් පොතක් තියෙනවා පරිගණක ගැන (තවම පබ්ලිෂ් කරල නම් නැහැ).
Delete