විද්‍යා කවි මඩුව

රෑට නිදහසේ සිටින විට කවියක් දෙකක් ආශාවට ලිවීමට මිතුරන් කිහිප දෙනෙකු සමඟ වට්ස්ඇප් කවි ග්රූප් එකක් සාදා එහි කවි ලියන පුරුද්දක් මෑතක සිට ඇත. බොහෝවිට ශ්රුංගාරාත්මක කවි වැඩිපුර එහි ලියැ වේ. සමහරවිට ශ්රුංගාරය දොරෙ ගලා අතිශය සංවේදී හෝ ග්‍රාම්‍ය මට්ටමටද එය වැටේ. එය වැලැක්විය නොහැකි හොඳ කුනුහරුපයකි.

අද රාත්‍රියේද සුපුරුදු ලෙසම කවි සංවාදයක් ඇරඹී පැයක් දෙකක් පමන පෙලට කවි ලීම සිදු විය.  මිතුරෙකු පාසල් කාලය ගැන මතක් කර ලියූ කවියකින් එම කවි ගැටුම ආරම්භ විය. ඇත්තටම එය ගැටුමකටත් වඩා ගනිත විද්‍යා පාඩමක් විය. සරල ගනිත ගැටලු කිහිපයකින් පටන් ගත් එය අවසානයේ පරමඅංශු භෞතිකයෙන් අවසන් විය.  එය අධ්‍යාපනික කරුනු ගැප්ව ඇති කවි ඇතුලත් නිසා මෙලෙස බ්ලොග් එකෙහි පල කිරීමට සිත් විය.

මා

උඹ ගනන් හපනෙක් නම්

හදහං මං ගානක් කියන්නම්

එක්ස් වර්ගය සමානයි වයි නම්

එය වයි විශයෙන් අවකලන කරහං

එය සරල වැඩි ගානකි

ටිකක් සැර වැඩි කරන්නෙමි

දැන් ලඝු පයි පාදයකට පහකි

එය ටී ගෙන් අවකලන කර සකි

අපි යං වෙන පැත්තකට

සංකීර්න සංඛ්‍යාවකට

ඒ ධන අයි බී ට

කියනු ඔයිලර් ක්‍රමයට

දී ඇති යම් ශ්‍රිතයකි

එය සුමට වක් නැති

එක් තැනක සිඳුරකි

අවකල ගැන කිම කී හැකි

තවත් එක් ශ්‍රිතයකි

වමින් ර්ජු රේඛාවකි

දකුනින්ද එවැන්නකි

මුහුට්ටුව ගැන කුමක් කිව හැකි

තවත් ශ්‍රිතයක් ගනිමු

එහි මැද පිම්මක් ඇතිලු

එය අවකල කල හැකිලු

පිම්ම ඇති තැන කිමද වෙයිලු

යමු දැන් විද්දෑ දෙසට

පරම අංශු භව්තිකේට

ක්වාක උඩු දෙක යට එකට

කියන නම මතකද තෝට

කිව ඕන විශයක්

හෝ අනුවිශයක්

ලියමි මං කවියක්

නැතිව කිසි සැකයක්

ගන්නවද චැලෙන්ජ් එක

කියම් මං එකින් එක

අසනු කවියෙන්ම පැන

පිලිතුරු කවියෙන්ම සැන

මංම පිලිතුරු දෙමි

අප් දෙකට ඩවුන් එකකි

ප්‍රෝටෝන යැයි කියති

ධන ආරෝපන එකකි

අප් එකයි ඩවුන් දෙකට

තනි නියුට්‍රෝනයක් බවට

නැත ආරෝපන ඊට

පවතී නපුංසක ලෙසට

සුරඟ මා මිතුර

අසන්නද මේ අතර

ප්‍රෝටෝනයක බර

කියහං වෙන්න කොර

මා මිත්‍ර සුරංග

ප්‍රෝටෝනයක බර

සැකෙවින් කිව හැක වෙද

පරමානුක ස්කන්ධ

එකක් හා තව ටිකක් වැඩි බර

මා

ඔබ ඇත්තකි කීවේ

සාපේක්ශවයි කීවේ

එයද නිවැරදි වේ

නිරපේකශය කිම වේ

කෙටියෙන් නම් එය amu එකකි

කාබන් දොලහෙ දොලහෙන් එකකි

හොඳ සාපේක්ශක මිනුමකි

ඉන් ගත හැකි වැඩ ගොඩකි

සුරංග

atomic mass unit

මා

ඔව් එය එසේ වේ

සම්මත මිනුමක්ද වේ

ඉතා සුලු අගයක් වේ

අනු පරමානු මිමි වේ

මුලින්ම ගත්තේ හයිඩ්‍රජන්

දෙවනුව ආවේ ඔක්සිජන්

කාබන් ඉන්පසු අද වෙනකන්

නැත කිසි වෙනසක් ඒ අගයන්

සුරංග

අංශු විද්‍යාවේ

ශක්තියද ස්කන්ධ වේ

එබැවින් ප්‍රෝටෝනයේ

ශක්තිය ev ලෙස ගත හැක්කේ

මා

අපෙ ආවර්තික වගුවේ

මූලද්‍රව්‍යම බොහො වේ

ඒවාට නම්ද එක එක වේ

ලෝහ නම් ium ව අවර වේ

එයද නිවැරදි බහකි

ඊ සම එම් සී වර්ගෙකි

තවද ඊට කිව් වී ට සමකි

ඉලෙක්ට්‍රන් වෝල්ට් හරි සකි

තනි තනි ක්වාකය

වෙන වෙන ශක්ති ඇත

එක තනි බැරියනය

ඊටත් වැඩි ශක්ති ඇත

ඊට හේතුව සරලයි

අතථ්‍ය අංශූ පවතියි

ඊටද ශක්ති හිමියි

ඒවා බරට පෙරලෙයි

ප්‍රෝටෝනයක නිසි බර අනේ

දහයේ ර්න විසි හතක්නේ

එහි මුල සාර්ථාංකනේ

හරි හැටි මතක නැහැනේ

සුරංග

1.6726219 x 10^(-27)

මා

ඔබ හරියි මිතුර

මතක් වූවා එය

එකයි දශම හය

නැත ඇවැසි ඉතිර

එලෙස බලාපන්නේ

බර අපේ එරොනේ

රින තිස් එකක්නේ

දහය පාදයේනේ

සුරංග

එය එසේ වන්නේ

strong force නිසානේ

එලෙසයි මතක ඇත්තේ

හරිද බලලා කියනු මිතුරේ

මා

එය යම් දුරකට හරියි

වැරද්දද හරි මිහිරියි

පදරුත් හා ශක්තියි

යනු අයිය මල්ලියි

ස්ට්‍රොං වුවද නැතද

ඊඑම් වුවද නැතද

වීක් වුවද නැතද

ෆෝස් සෑම එක ලෙද

සුරංග

ක්වාක්වල බර

බලපෑම් අල්පයකි       (ප්‍රෝටෝනයක 1%)

ඉතිරි සියලු බර

ග්ලූවොන හා ආලෝක වේග චාලක ශක්තියෙනි

මා

සත්තටම සත්තක් වේ ඒක

බැරියනක ග්ලූවොන ඇත නේක

පදරුත් ශක්තිය දෙක වේ ඒක

ඇත අතථ්‍ය අංශුද නහුතයක

ග්ලූවොන ගනන අටකි

ෆෝටෝන ඇත්තේ එකකි

සීz තනි බෝසෝනයකි

ඩබ්ලිව් ධන රින දෙකකි

ඔක්කොම බෝසෝන දොලොසයි

ඉහත මා කීවේ එකලොසයි

එකක් අභිරහසකුද වෙයි

නමින් ග්‍රැවිටෝන එය වෙයි

ග්ලූවොනය මාරයි

විදුලි ආරෝපන වෙයි

වර්න ආරෝපිත වෙයි

වර්න ඔක්කොම තෙයි

සුරංග

උඩු ක්වාකයක ආරෝපන ධන තුනෙන් දෙකකි

එහෙයින් දෙකම තුනෙන් හතරෙකි

යටි එක ර්න තුනෙන් එකකි

එවිට ආරෝපනය එක වෙයි

මා

චුම්භක ආරෝපන දෙකකි

විදුලි ආරෝපනද දෙකකි

වර්න ආරෝපන තුනකි

රතු කොල නිල් ලෙසය සකි

මීසෝනය කදිමයි

අංශු ප්‍රතිඅංශු යුගලයි

එකිනෙකට කැරකෙයි

එකට වැදුනොත් ඉවරයි

අංශු සැරිසරන්නේ හැමවිට එකට

ඇන්ටි සරන්නෙත් හැමවිට එකට

ඇන්ටියි අංකලුයි ඉන්නෙම දෙකට

සෙට් වුනු දාට විධ්වංශනයයි යසට

සුරංග

ලෙප්ටෝන සයකි

ඉන් තුනක ආරෝපන ඇති

අනෙක් තුන එලෙසට නැති

නියුට්‍රිනෝ යැයි කියති

මා

ලෙප්ටෝන තුන ආරෝපිත

පවුල් තුනකින් එන පැවත

ඉලෙක්ට්‍රන් මියු ටව් ව ඇත

නියුට්‍රිනෝ නම් අනාරෝපිත

නියුට්‍රිනෝ වදකරුවෙකි

මහා වෙට්ටු කාරයෙකි

නිති අල්ලනු නොහැකි

ලොකු ලොකු කතා ගොන්නකි

අඳුරු ශක්තිය වන්නේ

නියුට්‍රිනෝ ය පවසන්නේ

පර්යේශන තව වෙන්නේ

පසුවටයි දැන ගන්නේ

හැම අංශුවකම

එහිම ඇන්ටිය ඇත

නියුට්‍රිනෝවකටම

ඇන්ටිය එයම වෙත

සුරංග

මේ ලගඳි අපෙ කොල්ලා

නියුට්‍රිනෝ හන්ටර් පෙන්වා

මේ මොකක්දැයි ඇසුවා

මම නොදත් හින්දා කරබාන උන්නා

මා

හා හා මරුය කොල්ලා

ඇසිය යුත්තම අහලා

වහා කරුනුද සොයලා

කියා දීපං රසට අනලා

අඩි දහසින් යටට

පැරනි පතල් අඩියට

තනා පොකුනු ලොකුවට

සොයයි ඒවා දිගට

එහි වැඩි ලබ්බක් නැත

අයනික ජලයම ඇත

සෙන්සර් නම් අනවරත

ඉවසීම ඇවසිව ඇත

සුරංග

ඒක තිබුනේ ඇන්ටාටිකාවේ

දක්ශින ධ්රුවයේ

කිලෝමීටර් දෙකක විතර

පොලව යට ගැඹුරේ

මා

ඔව් එය නම් එසේය

බාධා අඩුවම ඕනෑය

අල්ලනු බැරි වන් කුඩාය

සති මස් වස් කල් යාය

දැන් නම් මා මිතුරේ

එක දිගට කවි වතුරේ

ගමනේ යෙදී පහුරේ

වෙහෙසයි මසිත කෙරේ

පසුව යලි හමුවෙමු

කවියෙහිම යෙදෙමු

ටීසී ජීඑන් කියමු

සුවෙන් අපි පසු වෙමු

සුරංග

රසවත් මාත්රුකාවකි

කතා කරනු හැක අනන්තෙකි

රෑ බේ වී ඇති සෙයකි

සුභ දවසක් මා ප්‍රිය සකි

මේ වන විට පාන්දර 1 යි 26යි. සංවාදය නිමි. සුබ රාත්‍රියක්...